Dankov

Dankov
Dankov
	Герб
	53°15′ с. ш. 39°09′ в. д.GЯO
Valdkund	Venäma;
Istorii da geografii
Tegemižen päiv	1568
Pind	21;
Высота	140
Eläjad
Eläjad	▲19 726 чел. (2021);
Lugud
Telefonan kod	47465
Počtan indeksad	399851
	Mediafailad RUWIKI-tedoiš

Dankov (ven.: Данко́в) om Venäman lidn da lidnankund Lipeckan agjan pohjoižes. Se om Dankovan rajonan administrativine keskuz.

Istorii

Edeline Donkov-lidn (ven.: Донко́в) mülüi Räzanin ruhtinazkundha, se oli polttud mongoližen vägitungendan aigan. Dankovan rajonan Strešnevo-žilo sijadase lidnan sijas 30 km pohjoižhe-lodeheze rajonkeskusespäi Don-jogen hural randal.

Nügüdläine eländpunkt mainitase ezmäižen kerdan vl 1568, konz Moskvan ruhtinased läksiba «panda lidnoid», nimitihe Dankov:aks edeližen lähižen lidnan mödhe. Anttihe makundan lidnan statusad vl 1804. «Ranenburg — Smolensk»-raudte läbiti lidnad 1890-nzil vozil. Kätihe Dankovad žiloks vl 1924, se sai lidnan statusad tošti vn 1957 17. päiväl uhokud.

Dankov šingotase plastikan, sintetižen tervan i päiväižpaneliden tegimel, biopuhtastandan ladimiden tegimel, sauvondmaterialiden tegimil (šeben', raudbetontegesed), sömtegimištol (lihategim, leibtegim), mugažo omblendceh radab.

Geografijan andmused

Lidn sijadase rajonan suvipäivnouzmas, Don-jogen üläjoksmusen molembil randoil, 140 m ü.m.t. keskmäižel korktusel. Matkad Lipeckhasai om 78 km suvhe-suvipäivnouzmha orhal, 85 km avtotel vai 210 km raudtel. Lähembaine lidn om Lebedän' 27 km suvhe orhal, 35 km avtotedme vai 50 km raudtedme. Dankov-raudtestancii radab keskustal Lev Tolstoi-žilospäi vaiše jüguiden täht vspäi 2014.

Dankov om lidnankundan üks'jäine eländpunkt. Lidnankundan pind — 23,98 km².

Eläjad

Vl 1897 ristitišt oli 9 100 eläjad, vl 1959 — 12 703 eläjad. Vn 2010 Venäman rahvahanlugemižen mödhe lidnan eläjiden lugu oli 21 064 ristitud, rajonan koume videndest. Kaikiš suremb lidnan ristitišt oli 23..24 tuhad eläjid vll 1979−2003 (24 800 rist. vl 1996). Ortodoksižen hristanuskondan Jumalanmaman Tihvinan jumalaižen päjumalanpert' i nell' jumalanpertid^[3] oma olmas lidnas.

Rahvahad (2010): venälaižed — 97,8%, toižed rahvahad — 2,2%.

Professionaližen opendusen aluzkund om Dankovan agrotegimištoline tehnikum.^[4]

Galerei

Данков, Карла Маркса 42.jpg

Rajonan sodakomissariat
Dankov - 15 Tikhvin Cathedral.jpg

Jumalanmaman Tihvinan jumalaižen päjumalanpert' (vn 2013 nägu)
Dankovan nägu Don-jogen pälpäi
Stadionan verai
vl 2013
Kodirandantedištandmuzei, nägu taganpäi (2013), ende jumalanpert'

Homaičendad

Irdkosketused

Lidnan tobmuden aluzkundoiden sait (dankov-adm.ru). (ven.)

	Lipeckan agjan lidnad
	Čapligin \| Dankov \| Gräzi \| Jelec \| Lebedän' \| Lipeck \| Zadonsk \| Usman'

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Dankovan pühäpertid sobory.ru-saital. (ven.)

[4] Dankovan agrotegimištoližen tehnikuman sait (pl9dan.narod.ru). (ven.)

[1]

[2]

[3]

[4]