Šakolin Aleksandr Danilovič
| Aleksandr Danilovič Šakolin | |||
|---|---|---|---|
 | |||
| Sündundpäiv | 3. vilukud 1920 | ||
| Sündundsija | |||
| Kolendpäiv | 25. kül'mkud 1994 (74 года) | ||
| Kolendsija | |||
| Rahvahuz' |
 SSSR |
||
| Rad | traktoran vedäi | ||
| Pauklahjad da premijad |
|
||
Aleksandr Danilovič Šakolin (ven.: Александр Данилович Шаколин, 3. vilukud 1920, Visokoje[d], Gomel'skan gubernii[d] — 25. kül'mkud 1994, Sortavala, Karjalan Valdkund) — traktoran vedäi, Socialistižen radon Geroi (1973)[1].
Elostarin
A. D. Šakolin sündui Visokoje-küläs, man radnikan kanzas. Oli belorus. Lopi sijaližen augotižškolan. Iče openzihe traktoristan vedäjaks. Vodelpäi 1936 radoi traktoran vedäjan Belorussian kolhozoiš.
Vodel 1940 A. D. Šakolin kanzanke tuli elämaha Karjalaiž-Suomaližen SSRan Sortavalan rajonaha. Sigä hän radoi traktoran vedäjan "Rassvet"-kolhozas Rüttü-küläs.
Teravas händast ottihe Rusttaha armijaha, oli službal Leningradan voinümbrištos.
A. D. Šakolin oli Suren Kodiman voinan ühtnikan. Ühtni Leningradan polestusehe, vojui läz Velikije Luki-lidnad, äjak-se kerdad oli ranitud.
Demobilizacijan jäl'ghe A. D. Šakolin pördihe Ladogan ümbrištoho. Radoi Sortavalan man radon opišton elomištos mehanizatoran.
Vodelpäi 1960 A. D. Šakolin radoi "Sortaval'skii"-sovhozas. Hän oli hüvän tundijan kartohkan kazvatandan da sömkazvmusiden varha panendan mödhe. Hän oli valdkundan mehanizatoroiden sebran tomotajan, miše sureta jur'kazvmusiden satust.
Sovetskijan Sojuzan VDNHan ühtnik (1968, 1970).
A. D. Šakolin iče tegi kul'tivatoran, mitte abuti sureta kartohkan satusen[2].
11. tal'vkud vodel 1973 Sovetskijan Sojuzan Ülembaižen nevondišton käskön mödhe korktoiš satusiš rados, arvtegoiš jüviden i toižiden kazvmusiden tulotandan da möndan kazvandan mödhe A. D. Šakolin sai Socialistižen radon Gerojan arvnimen, Leninan ordenan da kuldaižen "Sirp d pal'l'"-medalin.
A. D. Šakolin radoi sovhozas pensijahasai. Koli 25. kül'mkud vodel 1994.
Homaičendad
- ↑ Л. И. Вавулинская. Карелия : энциклопедия. — Петрозаводск, 2011. — 275 с.
- ↑ Александр Данилович Шаколин. Дата обращения: 21 redukud 2025.
Literatur
- Призвание: Рассказы о Героях Соц. Труда. — Петрозаводск, 1975.