Vol'sk

Vol'sk
Герб
52°03′00″ с. ш. 47°23′00″ в. д.
Valdkund	Venäma
Istorii da geografii
Tegemižen päiv	1690
Pind	148
Высота	90
Aigvö	UTC+4:00[d] da SAMT[d]
Eläjad
Eläjad	▼55 035 чел. (2021)
Lugud
Telefonan kod	84593
Počtan indeksad	412900
Официальный сайт
Mediafailad RUWIKI-tedoiš

Vol'sk (ven.: Вольск) om Venäman lidn da lidnankund Saratovan agjan pohjoižes. Se om agjan videnz' lidn eläjiden lugun mödhe, Vol'skan rajonan administrativine keskuz da pala.

Istorii

Eländpunkt mainitase ezmäižen kerdan vl 1699 kuti Malikovskai-slabad (ven.: слобода Малыковская). Slabad sai makundan lidnan statusad Volgsk-nimitusenke vl 1780. Lidnan nimi kändihe nügüdläižeks aigan mändes.

Vol'sk šingotase mehanižel tegimel (tankanvastaižed raketkompleksad), cementan tehmižel, sömtegimištol (maidproduktad, olud, südäiveded).

Geografijan andmused

Lidn sijadase Volgan oiktal randal, 90 m ü.m.t. keskmäižel korktusel. Lähembaižed lidnad oma Šihani 10 km lodeheze orhal Vol'skan päpalaspäi, 15 km avtotedme vai raudtedme, i Balakovo 30 km päivnouzmha orhal i Volgadme, 49 km avtol vai raudtel. Vol'sk-1-raudtestancii radab sarakol Vol'sk-2-stancijaspäi.

Nell' žilod mülüdas lidnha, Vol'sk lugese lidnankundan üks'jäižeks eländpunktaks. Lidnankundan pind — 147,92 km².

Eläjad

Vl 1939 lidnan ristitišt oli 56 100 eläjad. Vn 2010 Venäman rahvahanlugemižen mödhe lidnan i lidnankundan eläjiden lugu oli 66 508 ristitud. Kaikiš suremb lidnan ristitišt oli 67..71 tuhad eläjid vll 1967−1976 i 1998−2009 (71 tuh. rist. vl 1973 i 71 124 rist. vl 2002).

Rahvahad (2010): venälaižed — 93,2%, totarlaižed — 1,3%, armenijalaižed — 1,2%, ukrainalaižed — 1,2%, toižed rahvahad — 3,1%.

Ortodoksižen hristanuskondan 19 pühäpertid oma olmas lidnas: Pühän Stroican päjumalanpert' (uz', om letud vll 2004−2009), Jumalanmaman Vladimiran jumalaižen päjumalanpert' (uz', om saudud vll 2014−2016), kahesa jumalanpertid, viž pühähonusid pertiš i nell' časounäd. Islaman pühäpert' om avaitud lidnas 19. voz'sadan keskespäi.

Professionaližen opendusen aluzkundad: Vol'skan tehnologine, pedagogine i medicinine kolledžad, materialižen varmitusen üläsodaškol.

Edeline lidnan pämez' (Nevondkundan ezimez') om Maksim Kuznecov (sügüz'ku 2018 — eloku 2021).

Galerei

• Дом П.К. Брусянцева (2).jpg

  Vol'skan rajonan administracijan sauvuz (2021)

• 

  Pühän Stroican päjumalanpert', vn 2009 nägu

• Здание Гостинного двора г. Вольск, ул. Коммунистическая-9.JPG

  «Cement»-adivpert' (2002, istorine Adivpertin tanaz)

• Г. Вольск Октябрьская-106 Здание земской управы-foto2.jpg

  Adivpert' (2012, ende bank, makundan ohjandusen pert')

• Г. Вольск Революционная-2 Здание народной библиотеки-foto4.jpg

  Lapsiden čomamahtoiden škol nomer 1 (2012, ende rahvahaline kirjišt)

Homaičendad

Irdkosketused

• Lidnankundan lehtpoled rajonan oficialižel вольск.рф-saital. (ven.)