Arkadak

Arkadak
Arkadak
	Герб
	51°56′00″ с. ш. 43°30′00″ в. д.GЯO
Valdkund	Venäma;
Istorii da geografii
Tegemižen päiv	1721
Pind	16;
Высота	130
Aigvö	UTC+4:00[d], UTC+3[d] da SAMT[d]
Eläjad
Eläjad	▼10 990 чел. (2021);
Lugud
Telefonan kod	84542
Počtan indeksad	412210
	Официальный сайт
	Mediafailad RUWIKI-tedoiš

Arkadak (ven.: Аркада́к) om Venäman lidn da lidnankund Saratovan agjan päivlaskmas. Se om Arkadakan rajonan administrativine keskuz.

Istorii

Eländpunktan aluz om pandud vl 1721. Nimitihe jogen mödhe, sen nimituz znamoičeb «tagamägi» amuižtürkan kelel. Kätihe radnikžiloks vl 1939. Radnikžilo sai lidnan statusad vs 1963 vilukun 1. päiväspäi.

Arkadak šingotase sömtegimištol: maidkonservtegim, leibänkombinat, spirttegim, Rosrezerv:an edheotand.

Geografijan andmused

Lidn sijadase Sur' Arkadak-jogen hural randal (ven.: Большой Аркадак 115 km pitte), mitte lankteb Hopr-jogen känmaha (Donan hurapol'ne bassein) huralpäi ani päivlaskmha lidnaspäi, 130 m ü.m.t. keskmäižel korktusel. Matkad Saratovhasai om 181 km päivnouzmha orhal, 239 km avtotedme vai raudtedme. Lähembaižed lidnad oma Balašov 50 km suvhe-suvipäivlaskmha orhal, 59 km avtotel vai raudtel, i Rtiščevo 41 km pohjoižhe-pohjoižpäivnouzmha orhal, 52 km avtotel vai raudtel. Arkadak-raudtestancii radab lidnan keskuzpalas.

Krasnii-žilo kaikenaigaižeta ristitištota mülüb lidnankundha (municipaližhe ühtnikha) Arkadakan ližaks.

Eläjad

Vn 2010 Venäman rahvahanlugemižen mödhe lidnan da lidnankundan eläjiden lugu oli 12 845 ristitud, rajonan pol'. Kaikiš suremb lidnan ristitišt oli 14..15 tuhad eläjid vll 1959−2006 (14 790 rist. vl 1959 i 14 800 rist. vl 1998).

Rahvahad (2010): venälaižed — 96,3%, armenijalaižed — 1,1%, toižed rahvahad — 2,6%. Vll 1854−1941 saksalaižed- i danijalaižed-protestantad sirdiba Evropaspäi da eliba nügüdläižen lidnan ümbrištos.

Ortodoksižen hristanuskondan üks'jäine Sündun Voznesenjan jumalanpert'^[3] om olmas lidnas vspäi 1822.

Balašovan maižanduzmehanizacijan tehnikuman Arkadakan filial^[4] i Saratovan agjan bazižen medkolledžan filial Arkadakas^[5] oma lidnan professionaližen opendusen aluzkundoikš.

Galerei

Аркадак Обелиск Воинам-землякам 25 августа 2017 01.jpg

Arkadakan rajonan administracijan sauvuz keskuztorgul i muštnik pölištunuzile sijaližile sodamehile (2017)
Аркадак Церковь Вознесения Господня 25 августа 2017 03.jpg

Sündun Voznesenjan jumalanpert', vn 2017 nägu
Spirttegimen tulend vl 2008
Arkadakan kul'turkeskuz (2008)
Arkadak-raudtestancijan sauvuz vl 2015

Homaičendad

Irdkosketused

Lidnankundan tobmuden aluzkundoiden oficialine sait (ark.arkadak.sarmo.ru). (ven.)

	Saratovan agjan lidnad
	Arkadak \| Atkarsk \| Balakovo \| Balašov \| Engel's \| Hvalinsk \| Jeršov \| Kalininsk \| Krasnii Kut \| Krasnoarmeisk \| Marks \| Novouzensk \| Petrovsk \| Pugačov \| Rtiščevo \| Saratov \| Šihani \| Vol'sk

[_5cbe0d59d6c33127-1] Федеральный закон от 22.11.2016 № 395-ФЗ (рус.) — 2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Arkadakan pühäpertid sobory.ru-saital. (ven.)

[4] Balašovan maižanduzmehanizacijan tehnikum, Arkadakan filialan sait (pl-arkadak.ucoz.ru). (ven.)

[5] Saratovan agjan bazine medicinine kolledž, Arkadakan filialan sait (arkadakmu.narod.ru) (ven.)

[1]

[2]

[3]

[4]

[5]