Pugačov (lidn)

Pugačov
Pugačov
	Герб
	52°00′48″ с. ш. 48°48′09″ в. д.GЯO
Valdkund	Venäma;
Istorii da geografii
Tegemižen päiv	1764
Pind	79;
Высота	40
Aigvö	UTC+4:00[d], UTC+3[d] da SAMT[d]
Eläjad
Eläjad	▼40 127 чел. (2021);
Lugud
Telefonan kod	84574
Počtan indeksad	413720
	Официальный сайт
	Mediafailad RUWIKI-tedoiš

Pugačov (ven.: Пугачёв) om Venäman lidn, lidnankund da raudtesol'm Saratovan agjan pohjoižpäivnouzmas. Se om Pugačovan rajonan administrativine keskuz (vspäi 1928).

Istorii

Eländpunktan aluz om pandud vanhuskolaižil vl 1764 kuti Mečetnai-slabad (ven.: слобода Мечетная). Vl 1772 pagenu Jemel'jan Pugačov-kozak oli slabadas i sen jäl'ghe päti tedištoitta ičtaze Petr III-carikš. Slabad sai makundan lidnan statusad Nikolajevsk-nimitusenke vn 1836 9 (21). päiväl semendkud. Udesnimitihe nügüdläižikš Rusttan armijan Vasilii Čapajev-sodamehen iniciativan mödhe vn 1918 11. päiväl kül'mkud.

Pugačov šingotase sömtegimištol (jauh-, leib-, maidtegimed), šebnän tehmižel, päiväiželektrostancijal.

Geografijan andmused

Lidn sijadase rajonan lodehen suves, Sur' Irgiz-jogen oiktal randal (ven.: Большой Иргиз 675 km pitte, Volgan hura ližajogi), 40 m ü.m.t. keskmäižel korktusel. Matkad Saratovhasai om 200 km päivlaskmha-suvipäivlaskmha orhal, 233 km avtotel vai raudtel. Lähembaižed lidnad oma Balakovo 67 km päivlaskmha orhal, 80 km avtotedme vai raudtedme, i Jeršov 82 km suvhe-suvipäivlaskmha orhal, 118 km avtotedme vai raudtedme. Pugačovsk-raudtestancii radab lidnan keskuses vspäi 1894.

Pugačovskii-žilo (762 rist. vl 2017) mülüb lidnankundha (municipaližhe ühtnikho) Pugačovan ližaks. Lidnankundan pind — 88,06 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 41 707 ristitud, lidnankundan — 42 561 ristitud, rajonan seičeme kümnendest. Lidnan ristitišt vajehtase 40..43 tuhad eläjid röunoiš vspäi 1989 (kaikiš suremb oli 42 700 rist. vl 2001 i 42 895 rist. vl 2009). Kaik 40 895 ristitud elihe lidnas i 41 465 ristitud kaikes lidnankundas vl 2018.

Ortodoksižen hristanuskondan nell' pühäpertid^[4] oma avaitud lidnas: Hristan Eläbdzusen päjumalanpert' (1875−1899), ph. Mikulai-čudonsädajan jumalanpert' türmas i kaks' časounäd.

Pugačovan gidromeliorativine tehnikum — Saratovan valdkundaližen agrarižen universitetan filial^[5] om lidnan professionaližen opendusen aluzkundaks.

Edeližed lidnan pämehed oma: Boris Sazonov (2011−2015); Aleksei Janin (2015 — semendku 2021), vn 2021 kezakuspäi radab Pugačovan rajonan pämehen.

Galerei

Pugačovan rajonan administracijan sauvuz (2017)
Hristan Eläbdzusen päjumalanpert', vn 2017 nägu
Venäman Keskuzbankan kassine lugustuzkeskuz vl 2017
Ofissauvuz (2017, ende torguindkeskuz)
Пугачёв Водонапорная башня 13 сентября 2017 01.jpg

Vezičuhunduz vl 2017

Homaičendad

↑ GEOnet Names Server — 2018.
↑ Федеральный закон от 22.11.2016 № 395-ФЗ (рус.) — 2016.
↑ https://rosstat.gov.ru/storage/mediabank/tab-5_VPN-2020.xlsx
↑ Pugačovan pühäpertid sobory.ru-saital. (ven.)
↑ Pugačovan gidromeliorativižen tehnikuman lehtpoled universitetan sgau.ru-saital. (ven.)

Irdkosketused

Lidnan tobmuden oficialine sait (pugachjov-mo.ru). i sen vanh versii (pugachjov64.ru). (ven.)

	Saratovan agjan lidnad
	Arkadak \| Atkarsk \| Balakovo \| Balašov \| Engel's \| Hvalinsk \| Jeršov \| Kalininsk \| Krasnii Kut \| Krasnoarmeisk \| Marks \| Novouzensk \| Petrovsk \| Pugačov \| Rtiščevo \| Saratov \| Šihani \| Vol'sk

[_db3268b9507986f2-1] GEOnet Names Server — 2018.

[_5cbe0d59d6c33127-2] Федеральный закон от 22.11.2016 № 395-ФЗ (рус.) — 2016.

[_15bd2465f028e4c3-3] ttps://rosstat.gov.ru/storage/mediabank/tab-5_VPN-2020.xlsx

[4] Pugačovan pühäpertid sobory.ru-saital. (ven.)

[5] Pugačovan gidromeliorativižen tehnikuman lehtpoled universitetan sgau.ru-saital. (ven.)

[1]

[2]

[3]

[4]

[5]