Novouzensk
| Novouzensk | |||
|---|---|---|---|
 | |||
|
|||
| 50°27′ с. ш. 48°09′ в. д.GЯO | |||
| Valdkund | |||
| Istorii da geografii | |||
| Tegemižen päiv | 1760 | ||
| Pind |
|
||
| Высота | 25[1] | ||
| Aigvö | UTC+3[d], UTC+4:00[d] da SAMT[d][2] | ||
| Eläjad | |||
| Eläjad |
|
||
| Lugud | |||
| Telefonan kod | 84562 | ||
| Počtan indeksad | 413360 | ||
 Mediafailad RUWIKI-tedoiš | |||
.png)
Novouzensk (ven.: Новоузе́нск, mugažo kazahan kelel) om Venäman lidn da lidnankund Saratovan agjan suvipäivnouzmas. Se om Novouzenskan rajonan administrativine keskuz (vspäi 1928).
Istorii
Eländpunktan aluz om pandud vl 1760 kuti vanhuskolaižiden Čertanl-külä (ven.: Чертанла). Žilo sai makundan lidnan statusad vl 1835 Uz' Uzen'-nimitusenke, möhemba udesnimitihe nügüdläižikš. Vl 1895 kaidraižuine raudte mäni 5 km suvhe lidnaspäi, saudihe vedamha leibän i kabjživatišton liigoid.
Novouzensk šingotase sömtegimištol: leibäntegesed, konditerine tehmine, kolbasan pästand. Ende radoiba mugažo voitegim (vhesai 2003), lindferm i savičtegim.
Geografijan andmused
Lidn sijadase Sur' Uzen'-jogen molembil randoil (ven.: Большой Узень, kaz.: Қараөзен 650 km pitte), Čertanli-jogi lanktendan sijas sihe huralpäi (vedhudetomiden Kamis-Samar-järviden bassein), 25 m ü.m.t. keskmäižel korktusel. Lidnan keskuz om saudud Suren Uzenin hural randal. Matkad Kazahstanan röunhasai om 20 km suvipäivlaskmha orhal i 35 km päivnouzmha orhal, Saratovhasai om 189 km lodeheze orhal, 212 km avtotedme vai raudtedme. Lähembaižed lidnad oma Pallasovk (Volgogradan agj) 100 km suvipäivlaskmha orhal, 318 km avtotel vai raudtel, Krasnii Kut 98 km lodeheze orhal, 123 km avtotedme vai raudtedme, i Jeršov 99 km pohjoižhe orhal, 123 km avtotedme vai 220 km raudtedme. Novouzensk-raudtestancii radab lidnan suviröunal.
Kaks' žilod i viž futorad mülüdas lidnankundha (municipaližhe ühtnikha) Novouzenskan ližaks. Lidnankundan pind — 385,02 km². Rajonan administracii tegeb lidnankundan administracijan velgusidme vspäi 2017.
Eläjad
Vn 2010 Venäman rahvahanlugemižen mödhe lidnan eläjiden lugu oli 17 011 ristitud, lidnankundan — 17 586 ristitud, rajonan pol'. Kaikiš suremb lidnan ristitišt oli 18 tuhad eläjid vl 1913 i 17 800 rist. vl 2001. Kaik 15 665 ristitud elihe lidnas i 16 223 ristitud kaikes lidnankundas vl 2018.
Rahvahad (2010): venälaižed — 80,6%, kazahlaižed — 13,3%, totarlaižed — 1,4%, korejalaižed — 1,1%, toižed rahvahad — 3,6%.
Ortodoksižen hristanuskondan koume jumalanpertid[4] oma olmas lidnas. Islaman udištadud pämečet' om avaitud vspäi 2019.
Novouzenskan agrotehnologine tehnikum[5] om lidnan professionaližen opendusen aluzkundaks.
Galerei
- Новоузенск Здание земской управы 1 сентября 2017.jpg
Novouzenskan rajonan administracijan sauvuz (2017)
- Новоузенск Памятник мадьярам 1 сентября 2017.jpg
Muštnik amptud vauktoil kozakoil mad'jaralaižile i raudteradnikoile heiden velleskauman päl, vn 2017 nägu
Jauhmellic-edheotand (2017, vll 1912−1918 Tit Červov-torgovanan mellic)
Kul'turkeskuz (2017, om saudud kut Rahvahaline pert')
Tegimišton tavaroiden lauk (2017, istorine realine škol)
Homaičendad
- ↑ Протопопов И. А. Список населенных мест Самарской губернии, составлен в 1900 году секретарем Самарского губернского статистического комитета И. А. Протопоповым (рус.) — Самара: 1900. — С. XVIII. — 520 с.
- ↑ Федеральный закон от 22.11.2016 № 395-ФЗ (рус.) — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Novouzenskan pühäpertid sobory.ru-saital. (ven.)
- ↑ Novouzenskan agrotehnologižen tehnikuman sait (novagroteh.ucoz.ru). (ven.)
Irdkosketused
| Saratovan agjan lidnad | ||
| Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk | ||