Jeršov (lidn)

Jeršov
Герб
51°21′00″ с. ш. 48°17′00″ в. д.
Valdkund	Venäma
Istorii da geografii
Tegemižen päiv	1893
Pind	21
Высота	100
Aigvö	UTC+4:00[d], UTC+3:00[d] и SAMT[d]
Ekonomik
Eläjad
Eläjad	▼18 095 чел. (2021)
Lugud
Telefonan kod	84564
Počtan indeksad	413500
-

Jeršov (Jeršovan rajonan administrativine keskuz.

Istorii

Eländpunktan aluz om pandud vl 1893 kuti Jeršov-žilo sauvomha da holitamha raudted. Kätihe rajonkeskuseks vn 1928 kezakus. Sai lidnan statusad vl 1963.

Jeršov šingotase maižanduztehnikan kohendusel i maižanduzinventarin pästandal, raudten edheotandoil (lämuzvedimdepo, vagondepo), sauvondmaterialiden tehmižel (šebin', betontegim), sömtegimištol (voitegim, lihakombinat, leibänkombinat, limonadan ceh), mugažo kombisötken tegimel i maižandusen tedoinstitutan kodvindpunktal.

Geografijan andmused

Lidn sijadase rajonan keskuzpalas, Pen' Uzen'-joginiškan hural randal (Kamis-Samar järviden bassein), 100 m ü.m.t. keskmäižel korktusel. Pen' Uzen' om ühtenzoittud Saratovan kastelendkanalanke ani pohjoižhe lidnaspäi. Matkad Ural'sk — Sol'-Ileck»-keskustal.

Nell' žilod mülüdas lidnankundha (municipaližhe ühtnikho) Jeršovan ližaks. Lidnankundan pind — 343,17 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 21 448 ristitud, lidnankundan — 23 414 ristitud, rajonan viž ühesandest. Kaikiš suremb lidnan ristitišt oli 24..25 tuhad eläjid vll 1989−2001 (25 600 rist. vl 1996). Kaik 19 590 ristitud elihe lidnas i 21 403 ristitud kaikes lidnankundas vl 2018.

Rahvahad (2010): azerbaidžanlaižed — 1,0%, toižed rahvahad — 2,5%.

Ortodoksižen hristanuskondan ph. Mikulai-čudonsädajan jumalanpert' om avaitud (saudihe vll 2011−2015). Islaman mečet' om letud vspäi 2016.

Jeršovan agrotegimištoline licei om lidnan professionaližen opendusen aluzkundaks.

Irdkosketused

• Lidnan lehtpoled rajonan tobmuden adminemr.ru-saital. (ven.)
• Lidnan informacine sait (gorod-ershov.ru). (ven.)