Starovoit Roman Vladimirovič

Рувики-späi
В Рувики есть статьи о других людях с фамилией Starovoit.
Roman Vladimirovič Starovoit
Rv2022.jpg
Флаг
Venäman ajamiden ministerstv
Флаг
14. semendkud vodel 2024 — 7. heinkud vodel 2025
Valdmehišton pämez' Mihail Mišustin
Prezident Vladimir Putin
Ken oli ende Vitalii Saveljev
Флаг
Kurskan agjan pämez'
Флаг
16. sügüz'kud vodel 2019 — 12. semendkud vodel 2024
(aigsijaline pämez' 11. redukud vodel 2018 — 16. sügüz'kud vodel 2019)
Prezident Vladimir Putin
Ken oli ende Aleksandr Mihailov
Ken tuli jäl'ghe Aleksei Smirnov (ven.) (vep.
Флаг
"Jedinaja Rossija"-partijan Kurskan agjan erišton sekretar'
Флаг
 12. kül'mkud vodel 2020
Ken oli ende Vladimir Ivanov
Флаг
Venäman ajamiden ministerstvan aigsijaline ministr
Флаг
1. kül'mkud — 10. vilukud vodel 2018
Флаг
Federaližen teagentstvan ohjandai
Флаг
22. kül'mkud vodel 2012 — 28. sügüz'kud vodel 2018
Ken oli ende Anatolii Čabunin (ven.) (vep.
Ken tuli jäl'ghe Andrei Kost'uk
Sündundpäiv 20. vilukud 1972(1972-01-20)
Kursk, Kurskan agj, RSFSRas, Sovetskijas Sojuzas
Kolendpäiv 7. heinkud 2025(2025-07-07) (53 года)
Partii "Jedinaja Rossija"
Tedostepen' pedagogižiden tedoiden kandidat
Pauklahjad
Eriline nimi libo klassan čin
Radnimi Наплечный знак руководителя Росавтодор № (2017).png
Venäman nügüdläine valdkundaline 1. klassan nevonik
Логотип РУВИКИ.Медиа Mediafailad RUWIKI-tedoiš

Roman Vladimirovič Starovoit (ven.: Роман Владимирович Старовойт, 20. vilukud 1972, Kursk — 7. heinkud 2025, Odincovo, Moskvan agj) — venälaine vald- da politikmez'. Venäman ajamiden ministr vodelpäi 2024 semendkun 14. päiväspäi 7. heinkuhusai vodhesai 2025. Kurskan agjan pämez' 16. sügüz'kud voz' 2019 — 12. semendkud voz' 2024 (aigsijaline ministr 11. redukud voz' 2018 — 16. sügüz'kud voz' 2019). "Jedinaja Rossija"-partijan Kurskan agjan erišton sekretar' voden 2020 kül'mkun 12. päiväspäi.

7. heinkud vodel 2025 surmiti ičtaze ičeze pertiš Mäkinino-küläs, Moskvas[1].

Elonstarin

Roman Vladimirovič Starovoit om sündnu 20. vilukud vodel 1972 Kursk-lidnas. Tat Vladimir Aleksandrovič Starovoit radoi Kurskan atomelektrostancijal[2]. Vodel 1974 tatad sirttihe Leningradan atomelektrostancijale Leningradan agjan Sosnovijaha Borha[3], kus mäni Romanan laps'aig.

Openduz

Vodel 1995 Starovoit lopi Baltian valdkundaližen tehnižen "Vojenmeh"-universitetan, "Impul'sivižed lämbituzmašinad"-erišton[4].

Vodel 2008 lopi Pohjoiž-Päivlaskman ohjanduzinstitutan, "Valdkundaline da municipaline ohjanduz"-erišton[5].

Vodel 2012 Venäman Sijaližiden azjoiden ministerstvan Moskvan universitetas polesti dissertacijan, miše tehtas pedagogižiden tedoiden kandidataks temadme "Nügüd'aigaline metodik, kut vaumita sportmest tal'vpoliatlonas"[6].

Vodel 2019 Starovoit lopi Venäman rahvahan elomišton da valdkundan sisteman akademijan.

Rad

Biznes

Vodel 1995 Starovoit oli "Regionaližen rahoituzagentstvan" pämehen. Vozil 1995—2001 — generaližen pämehen organizacijas, mitte ohjandab ei valdkundaližen "Promišlennii"-pensijanfondan rahavaroid. Vozil 2002—2005 oli "Stroiinvest"-sauvondorganizacijas omištajan da pämehen[7].

Venäman ministerstvoiden da valderištoiden apparatas

Vozil 2005 — 2007 Starovoit oli erišton pämehen, radoi Piterin valdmehišton rahansijadusen da päprojektoiden komitetan investoroidenke. Vozil 2007—2010 oli ezmäižen Piterin valdmehišton rahansijadusen da päprojektoiden komitetan aigsijaližen pämehen[3]. Vozil 2010—2012 oli Venäman valdmehišton tegeližuden da infrastrukturan erišton aigsijaližen pämehen.

Voden 2012 kül'mkun 22. päiväspäi Starovoit oli Federaližen teagentstvan (Rosavtodor) pämehen. Voden 2018 redukun 1. päiväspäi oli Venäman ajamiden aigsijaližen ministran[7].

Kurskan agjan pämez'

11. redukud vodel 2018, konz Aleksandr Mihailov jäti radsijan, Starovoit oli pandud Kurskan agjan aigsijaližeks pämeheks[8].

4. sulakud vodel 2019 partijatoi Starovoit andoi azjbumagad "Jedinaja Rossija"-partijaha, miše voiži ühtneda Kurskan agjan pämehen valičusihe kut kandidat partijaspäi. Valičused mäniba 8. sügüz'kud vodel 2019[9]. Peitänistamižes "Jedinaja Rossija"-partijan kurskan regionaližen erištos Starovoit sai 229 än't. Kezakus "Jedinaja Rossija" tariči händast agjn pämehen kandidataks[10].

Elokus vodel 2019 Venäman Prezident Vladimir Putin vasttihe Starovoitanke i vahvištoiti hänen planan rahvahaližiden projektoiden todenzoituses, biznesmehiden kucundas agjaha teiden, poliklinikoiden, a mugažo školiden, lapsiden pävkodiden kehitoitusen täht[11].

Valičusil, miččed mäniba 8. sügüz'kud vodel 2019 Starovoit sai 81,07 % än't, tuli 41,56 % mest, i hän tegihe Kurskan agjan pämeheks videks vodeks. Hän jäti valdoiktuded vodel 2024[12].

9. kül'mkud vodel 2020 Starovoit mülüškanzi "Jedinaja Rossija"-partijaha[13].

Voden 2020 tal'vkun 21. päiväspäi — Venäman Valdkundan Nevondišton prezidiuman ühtnik.

Venäman valdmehištos

12. semendkud vodel 2024 Mihail Mišustin tariči Roman Starovoitan kandidaturad ajamiden ministran radsijale[14]. 14. semendkud Parlament vahvištoiti händast necile radsijale[15], necil-žo päiväl Venäman Prezident allekirjuti käskön hänen panendas[16].

7. heinkud vodel 2025 prezidentan käsköl № 448 Starovoit oli heittud Venäman ajamiden ministaran radsijalpäi[17].

Prezidentan käsk Starovoitan heitändas ministran radsijalpäi

Openduses

Oldes Kirovan agjan pämehen, Starovoit lugi lekcijoid ekonomikan varumatomuden da naloganpanendan kafedral Suvi-Päivlaskman valdkundaližes universitetas[18].

Surm

7. heinkud vodel 2025 äjak-se časuiš päliči jäl'ghe heitändad ministran sijalpäi surmiti ičtaze ičeze pertiš Mäkinino-küläs Moskvas. Kut sanutas lehtištos Starovoitad vasthapäi andoi tedoid Aleksei Smirnov (ven.) (vep., hänen enzne varapämez'[19]. Sulakus Smirnov oli pandud t'urmaha rahoiden vargastamižes, miččed oli anttud varjoičendsauvotusiden täht röunal Ukrainanke.

Arvnimi

  • Venäman nügüdläine valdkundaline 1. klassan nevonik

Pauklahjad

  • Arvostusen Orden (Venäma) (2014)
  • II arvon medal' "Hüväs rados" (2015)
  • Kuldaine medal' "Panendas Venäman agrotegeližen kompleksan kehitoitusehe" (2015)
  • Aleksandr Nevskijan Orden (Venäma) (2017)
  • I arvon medal' "Hüväs rados" (2018)
  • Sebruden Orden (Venäma) (2020)

Kanz

Om erigatud. Om kaks' tütärt.

Melentartused

Roman Starovoit — nellän Moskvan rahvahidenkeskeižen marafonan ühtnik. Navedib triatlonad, 7. redukud vodel 2018 13 časus 33 minutas päzui "Iron man" ("Raudmez'")-supermarafonaspäi — 3800 m ujuden, 180 km velokezral и 42 km joksten[20].

Märičendad

Voden 2022 heinkuspäi Starovoit putui Velikobritanijan märičendoiden lugetišehe[21], elokuspäi — Kanadan märičendoiden lugetišehe[22], redukuspäi — Ukrainan märičendoiden lugetišehe, tal'vkuspäi — Amerikan märičendoiden lugetišehe.

Homaičendad

  1. ↑ Бывший министр транспорта России Роман Старовойт найден мертвым в Одинцово, Известия (7 heinkud 2025). Дата обращения: 7 heinkud 2025.
  2. ↑ Роману Старовойту на Курской атомной станции подарили трудовое дело его отца. Рамблер/новости. Дата обращения: 11 kezakud 2025.
  3. ↑ 1 2 Старовойт, Роман Владимирович Архивная копия от 1 kül'mkud 2018 на Wayback Machine // ТАСС
  4. ↑ Биография Романа Старовойта Архивная копия от 1 kül'mkud 2018 на Wayback Machine // РИА Новости
  5. ↑ Роман Старовойт: «Железный человек» для Курской области(ven.) (16 октября 2018). Дата обращения: 20 kezakud 2025.
  6. ↑ Роман Владимирович Старовойт. Инновационная методика подготовки спортсменов в зимнем полиатлоне (ru-RU).
  7. ↑ 1 2 Старовойт Роман Владимирович Архивная копия от 28 redukud 2018 на Wayback Machine // Коммерсантъ
  8. ↑ Роман Старовойт назначен временно исполняющим обязанности Губернатора Курской области. Президент России. Дата обращения: 20 kezakud 2025.
  9. ↑ Глава Курской области Роман Старовойт заявил о готовности сотрудничать со всеми партиями. 15.04.2019 ТАСС. Дата обращения: 20 kezakud 2025.
  10. ↑ «Единая Россия» выдвинула Старовойта в губернаторы Курской области. 13.06.2019 Коммерсантъ. Дата обращения: 20 kezakud 2025.
  11. ↑ РБК-Черноземье, 29 августа 2019. Президент РФ Владимир Путин встретился с Романом Старовойтом
  12. ↑ Старовойт победил на выборах губернатора Курской области с 81,07% голосов. www.kommersant.ru (9 sügüz'kud 2019). Дата обращения: 20 kezakud 2025.
  13. ↑ Губернатор Курской области Роман Старовойт вступил в «Единую Россию». 9 ноября 2020. Дата обращения: 20 kezakud 2025.
  14. ↑ Мишустин предложил новый состав правительства. РИА Новости (12 semendkud 2024). Дата обращения: 20 kezakud 2025.
  15. ↑ Госдума утвердила Старовойта министром транспорта России. РИА Новости (14 semendkud 2024). Дата обращения: 20 kezakud 2025.
  16. ↑ Президент подписал указы о назначении членов Правительства Российской Федерации и директоров служб. kremlin.ru (14 semendkud 2024). Дата обращения: 20 kezakud 2025.
  17. ↑ Путин уволил Старовойта с поста главы Минтранса, РБК (07.07.2025). Дата обращения: 7 heinkud 2025.
  18. ↑ Источник. Дата обращения: 20 kezakud 2025.
  19. ↑ В Подмосковье найден мертвым бывший министр Роман Старовойт, Коммерсантъ (7 heinkud 2025). Дата обращения: 7 heinkud 2025.
  20. ↑ Роман Старовойт: «Железный человек» для Курской области (ru-RU) (16 redukud 2018). Дата обращения: 20 kezakud 2025.
  21. ↑ ГУБЕРНАТОР КУРСКОЙ ОБЛАСТИ РОМАН СТАРОВОЙТ ПОПАЛ В САНКЦИОННЫЙ СПИСОК ВЕЛИКОБРИТАНИИ
  22. ↑ Канада вводит санкции против 62 физлиц и одной структуры в связи с ситуацией на Украине
Om sadud "https://vep.ruwiki.ru/w/index.php?title=Starovoit_Roman_Vladimirovič&oldid=336271"