Rautio Nina Valentinovna

Рувики-späi
В Рувики есть статьи о других людях с фамилией Rautio.
Nina Valentinovna Rautio
Раутио Нина Валентиновна.jpeg
Üleižed tedod
Täuz' nimi
Sündundpäiv 21. sügüz'kud 1957(1957-09-21) (68 лет)
Sündundsija
Ma
Professijad
operan pajatai operpajanik
Pajoän' soprano
Muzikvändimed fortepiano
Žanrad oper, romans
Pajosebrad Mihailovskii teatr, Sur' teatr
ninarautio.com

Nina Valentinovna Rautio (ven.: Ни́на Валенти́новна Ра́утио, om sündunu 21. sügüz'kud 1957, Petroskoi) om sovetskii da venälaine operan pajanik (soprano)[1]. Valdkundaližen akademižen suren teatran solistka (1987—1993).

Elostarin da artistkan karjera

Ičeze elon ezmäižed 19 vot eli Petroskoiš, Karjalas, kus lopi muzikškolan fortepianon klassadme da muzikaližen opišton kahten special'nostin mödhe (teoretižen da vokalan erištod) Zoja Ivanovna Lar'kinan vokalan klassas lujas hüvin[2].

Vodel 1983 lopi Piterin valdkundaližen konservatoijan vokalan tedokundan (docentan E. A. Abrosimovan klass). Opendusen aigan pajati Violettan partijad ("Traviata") Konservatorijan operstudijan teatrozutelusiš. Om Rahvahidenkeskeižen vokalistoiden Vila Lobosan nimel konkursan laureat (1983, II premii, Rio-dе-Žaneiro) da Rahvahidenkeskeižen konkursan P. I. Čaikovskovan nimel laureat (1986, IV premii, Moskva).

Vodelpäi 1984 zavodihe hänen operan karjer Piterin Penen operteatran (ven.) (vep. laval[3] päroliš. Jäl'ghe sidä, kut ühtni P. I. Čaikovskovan nimel konkursaha, händast kuctihe ühtneda Moskvan Suren teatran (ven.) (vep. operjoukuhu, miččes vilukuspäi vodelpäi 1987 hänele taričiba operan päpajanikan sijan.

Vozil 1987—1993 om Suren teatran päpajanik. Pajati ezmäižed partijad, miččiden keskes oma: Maria ("Mazepa", ohj. S. F. Bondarčuk), Amelia ("Bal-maskarad", ohj. S. A. Štein) (molembad — vodel 1987), Jelizaveta ("Don Karlos", ohj. I. М. Tumanov), Santucca (Sel'skaja čest', ohj. Štein) (molembad — vodel 1988), Tatjana ("Jevgenii Onegin, ohj. B. А. Pokrovskii), Liza ("Pikovaja dama", ohj. Baratov, Pokrovskovan toimištandas) (molembad — vodel 1989), Oksana (1990, "Ö kanman Raštvoid", ohj. А. B. Titel'), Ioanna ("Orleanskaja deva", ohj. Pokrovskii) da toižed.

Voziden 1980 lopus Nina Rautio radoi ühtes Forum-muzikteatranke M. V. Jurovskovan ohjandusel, kus pajati Faustan žrican partijan D. S. Bortn'anskovan "Kvint Fabii"-operas (1990, ezmäine pajanik Venämal, ohj. D. A. Bertman).

Vodel 1991 ezmäižen kerdan ezini Metropoliten-operas da Edinburgan festivalil. Neniden ezitusiden jäl'ghe uhokus vodel 1992 händast kuctihe Milanan La Skala (ven.) (vep.-teatraha pärolin dubl'oraks Puččinin "Manon Lasko"-operaha, miččen ohjandai oli dirižor Lorin Maazel'. Möhemba sigä-žo pajati Jelizavetan partijan Verdin "Don Karlos"-operas (dirižor R. Muti), pajati L. Janačekan ven.: «Глаголической мессе» (dirižor R. Šaji).

Ezmäižes satusekahas ezitusespäi La Skala-teatras zavodihe Raution rad ühtes Jevropan tetabiden dirižoroidenke — L. Maazalenke da R. Šajinke, kudamban kucundan mödhe ezini päpajanikan roliš Kunigahan Koncergebau orkestranke (Niderlandad) Jevrovidenii-konkursan Raštvaližes koncertas.

N. Raution sädairad sai L. Pavarottin arvostelendad, ei üht kerdad Pavarotti oli hänen pajopartn'oran teatrozutelusiš ("Don Karlos", "Bal-maskarad", Andre Šenje", "Manon Lasko", Verdin Rekvijem da toižed).

Voziden 1990 augotišespäi eläb Londonas. Om adivajelušiš kaiked mirudme: ezini teatroiden ozutelisiš: Kovent-Garden (ven.) (vep. (London, dir. D. Gatti, partijad: Amelia ("Bal-maskarad"), Aida, Dezdemona; dir. M. V. Jurovskii, Abigail-partii, "Nabukko"), Riman oper (Aidan partii, dir. D. Oren), "Metropoliten Oper"[4] (Nju-Jork, ohj. К. Bad'a, Aidan partii; Toskan partii), Bastil'-oper (Pariž, Lizan partii "Pikovaja dama"-operas, ohj. А. S. Končalovskii), Uz' Izrail'an oper (Aidan partii; Verdin Rekvijem Izrail'an filarmonijan orkestranke, dir. Z. Meta), Venen valdkundaline oper (Lizan partii, ohj. К. Horres; Manon, dir. Maazel'), Komunale-teatr (ven.) (vep. (Florencii, Dezdemona), Berlinan valdkundaline oper (Berlin, Amelia Simon Bokkanegra-operas, Aida, Leonora ("Ozan vägi"), Arena di Verona (Aida) da toižed.

Raution operan repertuaras om enamba 20 päpartijad, miččiden keskes Ledi Makbet, Leonora Verdin "Trubaduras", Matil'da Rossinin "Vil'gel'm Tel'l'"-operas, Maddalena U. Džordanon Andre Šenje"-operas, Donna Anna Mocartan "Don Žuan"-operas da toižed. Ei üht kerdad ühtni Rahvahidenkeskeižen operfestivalin Savonlinnas teatrozutelusihe, kus pajati Aida-partijad (1992), eziti koncertprogrammoidenke; Oranžin (Dezdemonan partii, orkestr ven.: BBC) da Zal'cburgan (G. Maleran Simfonii № 2, molembad — dir. Maazel') festivalil. Om kodiman muzikprojektoiden ühtnik ("Mail'man kuldaižed äned Moskvas"-festival'[5], "Operlavan tähthad Moskvas"-koncert, Rahvahidenkeskeine operfestival' M. D. Mihailovan nimel Čeboksaroiš[6], "Al'abjevan muzikaline sügüz'"-festival'[7] Nojabr'skas da toižed).

Äjan radab koncertlaval. Sures Kamerno-oratorialižes repertuaras oma mail'man klassikan kirjutesed (sen lugus L. van Bethovenan, G. Maleran, Čaikovskovan, Rahmaninovan, F. Pulenkan, I. F. Stravinskovan, M. Tippetan, G. V. Sviridovan da toižiden kirjutesed). Vodel 1990 koncertal, mitte oli omištadud Sviridovan 75-voččele jubilejale, pajati, hänen romansad da ven.: «Отчалившая Русь»-runoelman änen täht fortepianonke S. A. Jeseninan runoile (fortepianon partii — Je. P. Saveljeva, BZK).

Vozil 2002—2003 ohjanzi Karjalan muzikteatran (artističeskii pämez') Petroskoiš. Teatran laval operan ohjandajan sijal pani Maskanjin "Sel'skaja čest'"-operan, miččes pajati Santuccаn partijan.

Vodel 2003 Karjalan valdmehišt kucui händast Valdkundan Pämehen nevonikan kul'turkožmusidme radsijale. Radoi ühtes Horan taidehen V. S. Popovan nimel akademijanke (openzi vokalad) Moskvas.

Nügüd'aigal Nina Rautio opendab vokalad Londonas da Venämal, jatktab koncertradod. Vodel 2025 pajanik ühtni erasiden muziktön Melodia-leiblan kirjutesehe, mitte om omištadud nenälaižele romansale.

Kanz

  • Ezmäine mužik — Karl Heinovič Rautio[8], K. E. Rautio vunuk[9][10];
    • Poig — pianist, dirižor Jan Karlovič Rautio.

Partijad

Operan partijad

  • Amelia (Dž. Verdi, "Bal-maskarad"-oper)
  • Jelizaveta (Dž. Verdi, "Don Karlos"-oper)
  • Dezdemona (Dž. Verdi, Otello-oper)
  • Leonora (Dž. Verdi, Trubadur-oper)
  • Amelia (Dž. Verdi, "Simon Bokkanegra"-oper)
  • Abigail' (Dž. Verdi, "Nabukko"-oper)
  • Ledi Makbet (Dž. Verdi, "Makbet"-oper)
  • Violetta (Dž. Verdin "Traviata"-oper)
  • Manon Lesko (Dž. Puččinin Manon Lesko"-oper)
  • Toska (Dž. Puččinin "Toska"-oper)
  • Maddalena (U. Džordanon "Andre Šenje"-oper)
  • Donna Anna (V. А. Mocartan "Don Žuan"-oper)
  • Matil'da (Dž. Rossinin "Vil'gel'm Tel'l'" oper)
  • Faustan žrica ("Kvint Fabii", L. Kerubini)
  • Santucca (P. Maskanjin "Sel'skaja čest'"-oper)
  • Tatjana (P. I. Čaikovskovan "Jevgenii Onegin"-oper)
  • Liza (P. I. Čaikovskovan "Pikovaja dama"-oper)
  • Ioanna (P. I. Čaikovskovan "Orleanskaja deva"-oper)
  • Maria (P. I. Čaikovskovan "Mazepa"-oper)
  • Oksana (N. A. Rimskii-Korsakovan "Ö kanman Raštvoid"-oper)
  • Paraša (I. F. Stravinskovan "Mavra"-oper)

Koncertine repertuar

  • P. I. Čaikovskovan, S. V. Rahmaninovan, G. V. Sviridovan romansad
  • L. Janačekan ven.: "Глаголическая месса"
  • G. Maleran Simfonii № 2
  • Dž. Verdin Rekvijem

Diskografii

  • 1992 — Puččini: "Manon Lesko", Sony Classical, Teatro alla Scala;
  • 1993 — Čaikovskii: Orleanskaja deva", Warner Music Group;
  • 1995 — The Puccini Experience, Conifer Records, Royal Opera House;
  • 1996 — Čaikovskii: Romansad, p. 2, Conifer Records;
  • 1996 — Čaikovskii: Romansad, p. 5, Conifer Records;
  • 1996 — Rahmaninov: Romansad, Conifer Records.

Homaičendad

  1. ↑ Nicolas Slonimsky and Laura Diane Kuhn, Baker's Biographical Dictionary of Musicians, Gale Group, 2001; David M. Cummings, International Who’s Who in Classical Music, Routledge, 2001, p.532'Rautio, Nina' Архивная копия от 18 heinkud 2018 на Wayback Machine
  2. ↑ Зоя Ларькина. Дата обращения: 24 kezakud 2026.
  3. ↑ Солисты Санкт-Петербургского Государственного Театра Оперы и Балета им. М. П. Мусоргского (бывший 'Михайловский' и 'Малый Оперный'). Дата обращения: 24 kezakud 2026.
  4. ↑ OPERA REVIEW; Russian Makes Met Debut In Season’s First 'Aida, New York Times. Дата обращения: 24 kezakud 2026. Архивировано 7 tal'vkud 2017 года.
  5. ↑ Завершился фестиваль "Золотые голоса". Дата обращения: 24 kezakud 2026.
  6. ↑ Звездный венец. Дата обращения: 24 kezakud 2026.
  7. ↑ Международный фестиваль «Алябьевская осень». Дата обращения: 24 kezakud 2026. Архивировано 2 vilukud 2015 года.
  8. ↑ Нитит рода Раутио. Дата обращения: 24 kezakud 2026.
  9. ↑ Лайдинен Н. В семье её звали Мумми. Дата обращения: 24 kezakud 2026.
  10. ↑ Состоялась презентация книги "Музыкальная династия Раутио" В.А.Жуковой. Дата обращения: 24 kezakud 2026.

Lähtked

Om sadud "https://vep.ruwiki.ru/w/index.php?title=Rautio_Nina_Valentinovna&oldid=531718"