Petroskoin muzikkolledž K. E. Raution nimel

Рувики-späi
Petroskoin muzikkolledž
K. E. Raution nimel
Муз.училище имК.Раутио.jpg
Augonpanendan voz' 1938
Olendsija Petroskoi
Adres 185035, Karjalan Valdkund, Petroskoi, Sverdlovan ird, 25
Sait pmc.krl.muzkult.ru
Логотип РУВИКИ.Медиа Mediafailad RUWIKI-tedoiš

Petroskoin muzikkolledž K. E. Raution nimel (ven.: Петрозаводский музыкальный колледж имени К. Э. Раутио) — valdkundaline keskopenduzerišt, Karjalan vanhemb muzikopendusen organizacii.

Istorii

Petroskoin muzikopišt oli avaitud keväz'kus vodel 1938 Karjalan ASSRan (ven.) (vep. Rahvahan komissaroiden nevondišton käskön mödhe muzikerišton pohjal, mitte radoi siloi teatropištos.

Opišton ezmäižen pämehen oli simfonijan orkestran dirižor Lev Jakovlevič Levin.

Vodel 1971 Petroskoin muzikopištole anttihe muzikantegijan Karl Erikovič Raution nimi.

Vodel 2008 Petroskoin muzikopišt K. E. Raution nimel toižetadihe Petroskoin muzikkolledžaks K. E. Raution nimel.

Vodel 2023 kolledžan radkund pauklahjoitihe Karjalan valdmehišton kitänkirjeižel.

Tämbei kolledžan opendaikundas om enamb 70 mest. Kolledžan opendajad ajeleba valdkundan rajonoihe i abutaba školiden zavodijoile opendajile, kudambad ližadaba radmahtod.

Vodelpäi 2013 Petroskoin K. E. Raution muzikkolledžan pämez' om Karjalan arvostadud kul'turradnik Larisa Vladimirovna Holodkova.

Pämehed

  • L. J. Levin (vodelpäi 1938);
  • L. A. Kosinskii (1948—1953);
  • S. P. Teterin (1954—1959)[2];
  • E. M. Epštein (1959—1962);
  • V. N. Tolčinskii (1965—1975);
  • V. A. Dul'ov(1975—1982);
  • L. G. Berdino (1982—2007);
  • J. S. Krilova (2007—2013);
  • L. V. Holodkova (vodelpäi 2013 nügüdehesai).

Tetabad opendajad da pästnikad

Opišton radon aigan vaumištadihe enamba 3 tuhad pästnikad.

Opendajiden da pästnikoiden keskes — tetabad taidehradnikad, kaikenvenälaižiden da rahvazkeskeižiden konkursoiden laureatad R. N. Sinisalo, T. P. Vainonen, V. S. Kalikin, P. B. Kozinskii, G. I. Lapčinskii, M. I. Gavrilov, E. P. Huovinen, V. I. Varlamov[3], K. A. Viljanen, L. I. Tepponen, O. P. Kalinina[4], L. A. Kosinskii, J. I. Išanin[5], N. A. Solniškov, Z. I. Lar'kina[6], I. V. Varlamov[7], M. A. Suvorova[8], B. M. Konstantinovskii[9], N. J. Papsujeva[10], C. N. Kofjan, V. N. Mišin[11], K. I. Rožkov[12], N. P. Vil'činskaja[13], V. N. Tolčinskii, L. J. Teplickii, V. M. Gaikov, V. V. Pračenko, A. D. Tugai, N. V. Rautio, J. N. Zam'atina, I. Šiškanova[14] i toižed.

Kolledžan kazvanik Pavel Vladimirovič vodel 2024 sai 3. sijan i hänele anttihe eriline lahj Venäman muziksebraspäi IV Rahvahidenkeskeižel noriden muzikantoiden "Minun Venäma: muzikmatk 2024"-konkursal[15].

Üleižed tedod

Kolledžas vaumištadas muzikantoid specialižuziden mödhe:

  • muzikvänd (fortepiano, jände-, puhutuz da iškendvändimed, rahvahan orkestran vändimed);
  • vokaltaideh (akademine pajatand);
  • horan ohjanduz;
  • estradan muziktaideh (estradan orkestran vändimed da estradan pajatand);
  • muzikan teorii;

Nügüdläižes aigas kolledžas radab Lapsiden muzikškol, miččes opetas vändmaha bajanal, akkardeonal, domral, kantelel, skripkal i violončelil. Radaba sädaikollektivad: akademine hor, rahvahan hor, rahvahan muzikan "Zor'aine"-hor, puhutuz- da kameranorkestrad, venälaižiden rahvahan vändiden orkestr, lapsiden "Peregudki"-fol'kloransambl', mužikoiden "Petroglif"-vokalansambl'.

Kolledžan kirjištos da fonotekas kaičese enamb 40 tuhad materialad.

Kolledžas om päivopenduz.

Homaičendad

  1. ↑ нормативный акт. Дата обращения: 12 uhokud 2026.
  2. ↑ Сергей Тетерин. Дата обращения: 12 uhokud 2026.
  3. ↑ Вениамин Варламов. Дата обращения: 12 uhokud 2026.
  4. ↑ Ольга Калинина. Дата обращения: 12 uhokud 2026.
  5. ↑ Евгений Ишанин. Дата обращения: 12 uhokud 2026.
  6. ↑ Зоя Ларькина. Дата обращения: 12 uhokud 2026.
  7. ↑ Игорь Варламов. Дата обращения: 12 uhokud 2026.
  8. ↑ Мария Суворова. Дата обращения: 12 uhokud 2026.
  9. ↑ Борис Константиновский. Дата обращения: 12 uhokud 2026.
  10. ↑ Наталья Папсуева. Дата обращения: 12 uhokud 2026.
  11. ↑ Владимир Мишин. Дата обращения: 12 uhokud 2026.
  12. ↑ Ким Рожков. Дата обращения: 12 uhokud 2026.
  13. ↑ Надежда Вильчинская. Дата обращения: 12 uhokud 2026.
  14. ↑ Ирина Шишканова. Дата обращения: 12 uhokud 2026.
  15. ↑ Итоги конкурса-2024, Музыкальное путешествие (20 kül'mkud 2024). Дата обращения: 12 uhokud 2026.

Literatur

  • Лапчинский Г. Э. Музыка Советской Карелии. — Петрозаводск, 1970.
  • Рожков К. И. Петрозаводское музыкальное училище им. К. Э. Раутио. — Петрозаводск, 1988.
  • Аблова А. Р. Петрозаводское музыкальное училище им. К. Э. Раутио. — Петрозаводск, 1998.

Lähtked

Om sadud "https://vep.ruwiki.ru/w/index.php?title=Petroskoin_muzikkolledž_K._E._Raution_nimel&oldid=531430"