Randaine

Randaine
Randaine
	; Petroskoin Soglasije-kul'turkeskuses, vodel 2025
Üleižed tedod
Voded	2003—nügüd'aigahasai
Ma	Venäma;
Tegemižen sija	Petroskoi

"Randaine" (ven.: «Бережок») om Karjalan vepsläine fol'klotsebr, mitte om tehtud Petroskoiš vodel 2003 Vepsän kul'tursebran aktivistoiden tomotusen mödhe. Ezmäine pajosebran ohjandai om Aleksejeva L'udmila F'odorovna, a muzikantegii om Oleševa Lidia Petrovna^[1]. Fol'klorsebran ühtnikad oma eriigäižed mehed, kudambid ühtenzoitab armastuz vepsän kel'he da kul'turaha. Pajosebr pajatab vepsän muzikkul'turan žanras.

Üleižed tedod

Randaine-pajosebr om tehtud uhokus vodel 2003 Karjalan Petroskoi-pälidnas, keskškolas nomer 2. Pajosebran augonpanijad oma L'udmila Aleksejeva, Svetlana Pl'uhina, Tamara Ščerbakova, Lidia Oleševa, Jurii Mugačev. Nügud' se sijadase Petroskoin rahvahiden kul'turkeskuses. Pajosebran ühtnikad vastasoiš kerdan nedališ. Kaik hö oma tulnuded erazvuiččiš vepsläižiš eländtahoišpäi: Vologdan, Piterin da Änižröunan agjoišpäi^[2].

Randaine-fol'klorsebran tetas hüvin Karjalan küliš, Piterin da Vologdan agjoiš. Joga voden Randaine-pajosebr ühtneb vepsläižihe Elonpu-praznikoihe, Pühä Päiväine-praznikaha, kudambile tuleba vepsläižed kaikiš regionoišpäi. Fol'klorsebran ühtnikad ozutaba vepsläšt kul'turad erazvuiččil valdkundaližil azjtegoil Petroskoiš da Karjalan rajonoiš, saamoiden tradicionaližel praznikal Lovozero-küläs, Pohjožen emäg-praznikal Louhi-küläs Murmanskan agjas.

Randaine-fol'klorsebr om tutab Petroskoin socialižiš organizacijoiš, ühtni äi kerdoid "Vanhan mehen päiv"-azjtegoihe. Ühtneb erazvuiččihe Karjalan festivalihe^[3] da Venäman rahvahidenkeskeižihe praznikoihe^[4].

Repertuar

Vepsläižen Randaine-fol'klorsebran repertuar om erazvuitte. Pajoid pajatadas kut vepsän, muga venän-ki kelel. Fol'klorsebr kaičeb vepsläižid veroid pajatades pit'kid saipajoid da lühüdoid pajoid vepsän da venän kelel. Repertuaras om vepsläižid rahvahaližid vändoid, Rürik Loninan da Aleksandr Nikonovan fol'klorižid aigkirjutesid, Alevtina Andrejevan, Nikolai Abramovan, Nina Zaicevan runoile kirjutadud pajoid. Fol'klorsebral om tehtud erazvuiččed Raštvad-, Raštvoiden sündum-, Vepsläižed besedad-, Tal'veht baboinno-, Baboin lipaz-programmad. Nina Nazarovan sanoiden mödhe nügüd' pajosebran repertuaras om läz 20 pajod^[5].

Fol'klorsebran jouk

Randaine-pajosebran ühtnikoiden jouk vajehtase aigan mändes. Ezmäižes pajosebran joukus vodel 2003 oliba:

L'udmila Aleksejeva;
Antonina Andrejeva;
Svetlana Pl'uhina;
Nadežda Markova;
Jevgenii Markov;
Alevtina Vavilina;
Lev Bošakov;
Nina Nazarova;
Jurii Mugačev;
Valentina Vorobjova;
Jevgenija Larkina;
Lidia Olešova;
Tamara Ščerbakova^[6].

Vodel 2025 ühtnikoiden lugumär om 18 mest^[5].

Randaine fol'klorsebran ohjandajad

Aleksejeva L'udmila F'odorovna (2003-2005, 2012-2021);
Jefimova Zoja F'odorovna (2006);
Baranova Irina Vladimirovna (2007—2008);
Gagarina Jelena (2009—2011)
Nazarova Nina Nikolajevna (vodelpäi 2022)^[7]^[8].

Pajosebran koncertmeisterad

Mugačev Jurii Mihailovič (2003-2005);
Bobin Pavel Petrovič (2014-2019);
Vodelpäi 2023 ansamblin koncertmeister om Aleksei Gonobolev — Petroskoin valdkundaližen A. K. Glazunovan nimel konservatorijan üläopenik^[5].

Pauklahjad

Pajosebr äi kerdoid sai kitändkirjeižid ičeze aktivižes sädairados:

Lovozeran rahvahaližen kul'turkeskusen kitändkirjeine (2012)
Karjalan rahvahaližen politikan ministerstvan kitändkirjeine (2013);
Valdkundaližen socialižen "Čer'omuškad"-azjmehišton kitändkirjeine (2018);
Podporožjen rajonižen kirjišton kitändkirjeine (2019);
Suojärven rajonan kitändkirjeine (2018);
Karjalan, Vologdan da Piterin agjan kitändkirjeižed "ühtnendas vepsän rahvahaližehe Elon pu-praznikaha" (2006, 2008, 2009, 2016, 2019, 2024, 2025);
Pöudon agjan administracijan da Al'ohovščinan küläkundan pämehiden kitändkirjeine "sures panendas igähižiden rahvahiden tradicionižen kul'turan kehitoituses da kaičendas" (2007, 2017).

Galerei


Randaine Elonpu-praznikal Vidlas	Randaine-fol'klorsebran ühtnikad Nina Nazarova da L'udmila Aleksejeva	Ezmäine pajosebran jouk

Homaičendad

↑ Вепсской фольклорной группе "Randaine" 10 лет (рус.). Дата обращения: 22 redukud 2025.
↑ Larisa Smolina. Em voigoi pajota eläda. — Петрозаводск: Kodima, 2008.
↑ Татьяна Маркова. Путешествие в Северный край. — Петрозаводск: Kodima, 2011.
↑ Людмила Солдатова. На север, к саамам. — Петрозаводск: Kodima, 2012.
↑ ¹ ² ³ Ансамбль Randaine выступил на вечере памяти поэта Николая Абрамова (неопр.). gubdaily.ru. Дата обращения: 22 redukud 2025.
↑ Baburova Galina Sergejevna. «Randaine» ühtenzoiti vepsläižid erazvuiččiš agjoišpäi. — Петрозаводск: Kodima, 2022.
↑ Baburova Galina Sergejevna. «Randaine»-ansambl'al zavodihe uz' elo. — Петрозаводск: Kodima, 2010.
↑ Oksana Kuznecova. Randaine vastsi Raštvad!. — Петрозаводск: Kodima, 2011.

Lähtked

[1] Вепсской фольклорной группе "Randaine" 10 лет (рус.). Дата обращения: 22 redukud 2025.

[2] Larisa Smolina. Em voigoi pajota eläda. — Петрозаводск: Kodima, 2008.

[3] Татьяна Маркова. Путешествие в Северный край. — Петрозаводск: Kodima, 2011.

[4] Людмила Солдатова. На север, к саамам. — Петрозаводск: Kodima, 2012.

[Randaine-5] ¹ ² ³ Ансамбль Randaine выступил на вечере памяти поэта Николая Абрамова (неопр.). gubdaily.ru. Дата обращения: 22 redukud 2025.

[6] Baburova Galina Sergejevna. «Randaine» ühtenzoiti vepsläižid erazvuiččiš agjoišpäi. — Петрозаводск: Kodima, 2022.

[7] Baburova Galina Sergejevna. «Randaine»-ansambl'al zavodihe uz' elo. — Петрозаводск: Kodima, 2010.

[8] Oksana Kuznecova. Randaine vastsi Raštvad!. — Петрозаводск: Kodima, 2011.

[1]

[2]

[3]

[4]

[5]

[6]

[7]

[8]