Pühä Päiväine

Pühä Päiväine
Pühä Päiväine
	Pühä Päiväine 2024Päiväine — praznikan simvol
Oficialižesti	14. heinkud
Om tehtud	2005
Praznuitas	Venämal
Praznuičend	tehtas koncert
Om sidotud	Šokš-külä

Pühä Päiväine (ven.: Традиционный праздник вепсской культуры "День Солнца") — praznik tehtas Venämal Karjalan Valdkundas Änižröunas Šokš-posadas vodelpäi 2005.^[1]. Praznik pidetas kaikuččen voden^[2] 14. heinkud. Praznik om vepsläine, se mäneb vepsän da venän kelel. Praznikan tegijad oma Šokš-posadan administracii, Rahvahaližen da regionaližen politikan ministerstv, Rahvahaline kul'turkeskuz da Vepsän kul'tursebr^[3].

Praznuičemine

Heinkun 14. päiväl vodel 2024 Šokš-posad Änižröunas vastsi adivoid. "Pühä päiväine" — praznik jo amu tegihe rahvahaližeks, se keradab norid da vanhoid, tutabid da verhid ristituid, heimolaižid, kudambad tahtoiba enamba tedištada vepsän rahvahan kul'turas, pajo da karg-tradicijoiš, külän veroiš.

Täl vodel Pühä Päiväine-praznikal oli čoma konkurs — Parahim vast, Parahim änik-kirb da Parahim anikpalämik. Adivoid opetihe tehmaha ičeze käzil vepslaižid tätüižid, pirdmaha pr'anikoid, kudomaha kangazpul, a völ püdmaha kalad. Avaižiba praznikan Anižröunan administracijan pämez' Grigorii Šemet, Šokš posadan pämez' Viktoria Butorina da Karjalan rahvahaližen da regionaližen politikan ministerstvan radnik Jelena Migunova. Hö pidiba sanan venän, karjalan da vepsän kelel.

Täl vodel paivašt ei olend, no irdal oli lujas läm, a südäin pajati, sikš ku muga äi rahvast jo amu ei olend Šokš-posadas. Praznikan vedäjad Aleksandra Aniskina da Aleksei Lukijančuk ihastoitiba adivoid ozoitesil, primetoil, muštatesil, vät'he da nagrt'he. Ezmäižen scenale tuli armaz kaikile Vepsän rahvahan hor uden programmanke. Sen pämez' om Karjalan man arvostadud kul'turradnik Lüdmila Melentjeva.

Parahim vast, Parahim änik-kirb — konkurs 2024

Praznikan adivod

Jo hüvän tradicijan mödhe äi vozid Pühä Päiväine pidetas külän keskuses ani školanno surel pöudol, kus om pandud sur' scen. Om mel'he, miše adivoid vodespäi vodhe praznikal vaiše ližadub. Hö tuleba ei vaiše susedkülišpäi, Petroskoišpäi, no susedlidnoišpäi da agjoišpäi. Nacein sikš, miše šokšlaižed vastaba heid lämäs da hüviš meliš.

Pühä Päiväine abutab ei vaiše ühtenzoitta rahvast, no kaita vepsän rahvahan veroid da tradicijoid, čomad vepsän kel't. A völ sirtta tedoid Šokšun polhe rahvahale, ved' Šokšus oma sündnuded mugoižed tetabad vepsläižed kut Pühä Iona Jašjärvelaine da Toižen gilgijan kupec Mark Pimenov. A völ Šokš-posad om tutab pajanikoil, erased kudambišpäi nügüd' oma Randaine-ansambl'an ühtnikad.

Täl vodel Pühä Päiväine — praznik ihastoiti adivoid ei vaiše tutab kaikile Vepsän rahvahan hor Šoutjärvespäi, "Randaine"-ansambl' Petroskoišpäi, no mugažo "Kulkuset"-, "Keradam i kaičem"-, "Zadorinka" — fol'klorkollektivad, miččed surel tahtol ozutiba adivoile ičeze pajoid, karguid da lahjoičiba hüväd mel't. Kundelmaha pajoid ičemoi kelel tuliba enččed-ki šokšlaižen ansambl'an pajanikad, hö oma ei vaiše praznikan ezmaižed tegijad, no istorijan kaičijad.

Praznikan tegijad vaumičiba adivoile melenatrtuižid interaktivižid vändoid da konkursoid. Täl vodel adivod valičiba parahimad koivun vastad, änik-kirbud da pal'mikod. Hot' päiväine täl vodel ei ozutand ni üht ičeze sädeged šokšlaižen praznikan aigan, kargud da pajod ičemoi kelel lämbitiba ristituiden südäimid. Vodespäi vodhe vepsläine Pühä Päiväine tehtaze paremba da čomemba. ved' kuverz äi väged, hengen lämäd da mahtoid sinna paneb külän administracii, kul'turpert', škol, sijaližed predprijatijad da iče külän eläjad. Vaiše muga puhudes ühthe hil'he voib kaita vepsän rahvahan kel't, veroid da tradicijoid.

Homaičendad

↑ Kaleiges ezmäižen kerdan mäni tradicionaline vepsläine Kalarand-praznik (неопр.). gazeta-licey.ru (18 kezakud 2018).
↑ Kalarand varastab adivoid 2023 (неопр.). gov.karelia.ru (2023).
↑ Karjalan TV Vepsläižes Kaleig-posadas mäni tradicionaline praznik

Tarkendused

[1] Kaleiges ezmäižen kerdan mäni tradicionaline vepsläine Kalarand-praznik (неопр.). gazeta-licey.ru (18 kezakud 2018).

[2] Kalarand varastab adivoid 2023 (неопр.). gov.karelia.ru (2023).

[3] Karjalan TV Vepsläižes Kaleig-posadas mäni tradicionaline praznik

[1]

[2]

[3]