Nerüngri

Nerüngri
jakut.: Нүөрүҥгүрү
Герб
56°39′30″ с. ш. 124°43′30″ в. д.
Valdkund	Venäma
Istorii da geografii
Tegemižen päiv	1975
Высота	850
Ekonomik
Eläjad
Eläjad	▼53 409 чел. (2021)
Lugud
Telefonan kod	411 47
Počtan indeksad	678960
-
Официальный сайт
lugeda • diskussii • redaktiruida

Fail:Поездка в Нерюнгринский район, 2017 (087).jpg

Ugol'nai-raudtestancii i industrialine park vl 2017

Nerüngri (jakut.: Нүөрүҥгүрү, harjuzjogi») om Nerüngrin rajonan administrativine keskuz da pala.

Istorii

Eländpunktan aluz om pandud vl 1952 kangazpertil ühtennimižen jogen randal tedištamha Baikalan-Amuran raudted. Saudihe raudtestancijad vl 1984.

Sadas da ümbriratas kivihil't tähäsai. Nerüngri šingotase mugažo hil'koncentratan küllästamižtegimel, kaivuztehnikan kohendusen tegimel, Nerüngrin GRES:al, lindfabrikal, kahtel tipografijal. Pertinsauvondan kombinat i maidtegim radoiba ende, nevondkundaližel aigal.

Geografijan andmused

Lidn sijadase taigan rajonas, Čul'man-jogen oiktal randal (Lenan bassein), Stanovoi-mägisel'gan pohjoižen ezimägišton pautkil, 800..850 m korktusil valdmeren pindan päl. Matkad Jakutskhasai 820 km pohjoižhe «Len»-avtotedme, raudtel Alabestäh-stancijhasai vastrandal Jakutskha kacten om 799 km. Lähembaine lidn om Tind (Amuran agj) 168 km suvhe orhal, 210 km avtol vai raudtedme.

Klimat om kontinentaline, tal'v oleleb sorav da kuiv. Voden keskmäine lämuz om −6,9 C°, kezakun-elokun +13..+16 C°, tal'vkun-uhokun −25..−30 C°. Ekstremumad oma −61 C° i +34 C°. Paneb sadegid 583 mm vodes, enamba kezakus-sügüz'kus (79..108 mm kus), vähemba tal'vkus-keväz'kus (12..16 mm kus).

Nerüngri om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 61 747 ristitud, rajonan ristitišton koume nelländest. Kaikiš suremb ristitišt oli 76 700 eläjad vl 1996. Vl 2017 lidnan ristitišt oli 57 247 eläjad.

Rahvahad (enamba 0,2 % vl 2010, ozutadud rahvahudenke): jakutalaižed — 2,5 %, burätalaižed — 1,9 %, uzbekalaižed — 0,4 %, kirgizlaižed — 0,3 %, evenalaižed (ende lamutalaižed) — 0,2 %, armenijalaižed — 0,2 %, toižed rahvahad — 5,1 %.

Ortodoksižen hristanuskondan kaks' pühäpertid oma avaitud lidnas: Jumalanmaman Kazanin jumalaižen jumalanpert' (om saudud vll 1992−1993) i Raštvoiden časoun' (letihe vll 2007−2009). Islaman pämečetin sauvomine tuleb lophu (2022).

Suvijakutijan tehnologine kolledž i Pohjoižpäivnouzmaižen federaližen universitetan (Jakutsk) filial oma lidnan professionaližen opendusen aluzkundoikš. «Sibgiprošaht»-tedoinstitutan (Novosibirsk) filial sijadase täs.

Edeline lidnan pämez' (Administracijan pämez') om Leonid Oleinik (2012 — sügüz'ku 2022). Lidnan Deputatoiden Nevondkundan ezimez' om Julija Gnilickaja vn 2022 redukuspäi.

Galerei

• Поездка в Нерюнгринский район, 2017 (018).jpg

  Administracijan sauvuz Leninan torgul (2017)

• Нерюнгри. Храм Казанской иконы Божией Матери.JPG

  Jumalanmaman Kazanin jumalaižen pühäpert', vn 2008 nägu

• Поездка в Нерюнгринский район, 2017 (308).jpg

  Tehnine institut (2017, Pohjoižpäivnouzmaižen federaližen universitetan filial)

• Поездка в Нерюнгринский район, 2017 (384).jpg

  «Gornäk»-stadion (2017, Kaivai)

• Поездка в Нерюнгринский район, 2017 (035).jpg

  Nerüngri-Passažirskai-päraudtestancijan sauvuz vl 2017

Lidnan öline ühthine nägu (2013)

Irdkosketused

• Municipaližen «Nerüngri-lidn»-ühtnikan tobmuden aluzkundoiden oficialine sait (nerungri.sakha.gov.ru). (ven.) (jakut.)