Mirnii (Saha Tazovaldkund)

	Mirnii
	jakut.: Мииринэй
Флаг[d]	Герб
	62°32′00″ с. ш. 113°57′00″ в. д.GЯO
Valdkund	Venäma;
Istorii da geografii
Tegemižen päiv	1955
Pind	123;
Высота	340
Aigvö	UTC+10:00[d] и UTC+9:00[d]
Ekonomik
Eläjad
Eläjad	▼34 045 чел. (2021);
Lugud
Telefonan kod	411 36
Počtan indeksad	678170
-
	Официальный сайт
	lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Lidnan kart (2022)

Mirnii (jakut.: Мииринэй / Мирнэй) om Mirnijan rajonan administrativine keskuz.

Istorii

Vl 1955 avaitihe «Mir»-kimberlitturut, sen samine vedihe vll 1957−2001 kar'jermahtusel. Panihe eländpunktan alust vl 1955 samha diamantoid, nimitihe löudmižsijan mödhe. Vl 1959 Mirnii sai lidnan statusad.

Lidn om Jakutijan koumen rajonan diamantoiden samižen keskuz, «Venäman diamantoiden pälidn». «ALROSA»-kompanijan päfater, sen energetikan tütärkompanijad, kaks' kaivust («Mir», «Internacional'nai») da küllästamižfabrik sijadasoiš täs. Toižed edheotandad oma leibtegim da maidtegim. Kivivoinümbriradai tegim om sauvomas.

Geografijan andmused

Lidn sijadase Ireläh-jogen oiktal randal (jakut.: Иирэлээх, Vilüi-jogen bassein), 350 m ü.m.t. keskmäižel korktusel, vezivaradim om ülezjogen. Matkad Jakutskhasai om 815 km päivnouzmha orhal vai 1270 km «Vilüi»-avtotedme. Lähembaižed lidnad oma Nürb 237 km pohjoižpäivnouzmha orhal vai 387 km avtotedme i Lensk 209 km suvhe orhal vai 234 km avtol.

Klimat om ven kontinentaline subarktižen röunal. Voden keskmäine lämuz om −6,9 C°, kezakun-elokun +14..+17 C°, tal'vkun-uhokun −26..−30 C°. Ekstremumad oma −54 C° i +36 C°. Paneb sadegid 317 mm vodes, enamba kezakus-elokus (46..53 mm kus), vähemba tal'vkus-sulakus (9..15 mm kus).

Mirnii om lidnankundan üks'jäine eländpunkt. Lidnankundan pind — 7 177,97 km².

Eläjad

Vn 2010 kaiken Venäman rahvahanlugemižen mödhe eläjiden lugu oli 37 188 ristitud, rajonan pol'. Kaikiš suremb ristitišt oli 39..40 tuhad eläjid vll 1992 i 2002−2005 (40 tuh. rist. vl 2003). Vl 2017 lidnan ristitišt oli 35 376 eläjad.

Ortodoksižen hristanuskondan ph. Stroican jumalanpert'^[2], ph. Ezikuctud Ondrii-apostolan mez'jumalankodi i kaks' časounäd oma olmas lidnas.

Mirnijan regionaline tehnine kolledž^[3] i üläopendusen viž filialad (Jakutsk, Tomsk, Novosibirsk) oma lidnan professionaližikš aluzkundoikš.

Lidnan pämez' om sen Administracijan pämez'. Edeline lidnan pämez' om Klim Antonov (keväz'ku 2017 — sügüz'ku 2022). Lidnan Nevondkundan ezimez' om Julija Mödova vn 2021 semendkuspäi.

Transport

Avtobusad oma kundaližeks transportaks lidnas da sen ümbrištos. Lidn ühtenzoitase avtotel Lenskan jogiportanke. «Vilüi»-avtote Jakutskhasai om saudud, no asfal'tkrepindata tobjimalaz, nell' sildad oma pordaigaližed sil. Voib sadas tal'vteidme Irkutskan agjahasai.

Tatanmaine civiline Mirnii-lendimport^[4] (МИР / MJZ / UERR, 363 tuh. passažiroid vl 2019) sijadase ani päivnouzmha lidnfartališpäi, uz' lendahtamižsarg om sauvomas i linneb vaumitud vn 2023 lopus. Se om varalendimportaks rahvahidenkeskeižiden reisiden täht Pohjoižamerikaspäi Azijha. Tehtas reisid Moskvha i Sibirin lidnoihe (Irkutsk, Jakutsk, Habarovsk, Novosibirsk).

Galerei

Mirny - 190226 DSC 4789.jpg

Mirnijan rajonan administracijan sauvuz (2019)
Church of the Holy Trinity. Mirny..jpg

Ph. Stroican jumalanpert', vn 2014 nägu
Mirny, Yakutia 01.jpg

«ALROSA»-kompanijan päfater vl 2014
Mirny - 190226 DSC 4791.jpg

«Zarnica»-adivpert' (2019)
Mirny - 190227 DSC 4829.jpg

Mirnii-lendimportan sauvused vl 2019

Homaičendad

Irdkosketused

Mirnii (Saha Tazovaldkund) Vikiaitas

	Saha Tazovaldkundan lidnad
	Aldan \| Jakutsk \| Lensk \| Mirnii \| Nerüngri \| Nürb \| Olökminsk \| Pokrovsk \| Srednekolimsk \| Tommot \| Udačnii \| Verhojansk \| Vilüisk

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Mirnijan pühäpertid sobory.ru-saital. (ven.)

[3] Mirnijan regionaližen tehnižen kolledžan sait (mrtk-edu.ru). (ven.)

[4] Mirnii-lendimportan sait (mapalrosa.com). (ven.)

[1]

[2]

[3]

[4]