Nei (lidn)

Nei
Nei
Флаг[d]	Герб
	58°17′00″ с. ш. 43°52′00″ в. д.GЯO
Valdkund	Venäma;
Istorii da geografii
Tegemižen päiv	1906
Высота	105
Eläjad
Eläjad	▼7816 чел. (2021);
Lugud
Telefonan kod	49444
Počtan indeksad	157330
	Официальный сайт(ven.)
	Mediafailad RUWIKI-tedoiš

Nei (ven.: Нея) om Venäman lidn da lidnankund Kostroman agjan keskuses. Se om Nejan rajonan administrativine keskuz.

Istorii

Eländpunktan aluz om pandud žiloks raudtestancijanno udel «Vologd — Vätk»-raudtekeskustal vl 1906, nimitihe jogen mödhe. Vspäi 1905 mecanümbriradai tegim radoi žilos. Vl 1926 kätihe Nejad radnikžiloks, vl 1929 — Nejan rajonan keskuseks. Anttihe Nejale lidnan statusad vn 1958 28. päiväl uhokud.

Nei šingotase mecan ümbriradmižel (klejatud brus i pertin komplektad^[3], mecan pilind), sömtegimištol (leib da leibproduktad), mugažo omblendfabrik i meblin fabrik ratas lidnas.

Geografijan andmused

Lidn sijadase rajonan keskuzpalan suvipäivlaskmas, Nei-jogen oiktal randal tobjimalaz (Volgan hurapol'ne bassein), 105 m ü.m.t. keskmäižel korktusel. Nel'š-jogi (ven.: Нельша 111 km pitte) lankteb Nejha huralpäi lidnan päivnouzmas. Lidn om ümbärtud mecoil. Matkad agjan Kostrom-pälidnhasai om 184 km päivlaskmha-suvipäivlaskmha orhal, 224 km avtotedme vai raudtedme. Lähembaižed lidnad oma Makarjev 46 km suvhe orhal vai 73 km avtotedme i Manturovo 51 km päivnouzmha orhal i 61 km avtotedme vai Transsib-raudtedme.

Nei om lidnankundan üks'jäine eländpunkt. Lidnankundan pämez' radab rajonan-ki pämehen. Edeline lidnankundan i rajonan pämez' oli Valerii Volkov (2008−2016).

Eläjad

Vn 2010 Venäman rahvahanlugemižen mödhe eläjiden lugu oli 9 827 ristitud, rajonan seičeme kümnendest. Kaikiš suremb lidnan ristitišt oli 14 416 eläjad vl 1970. Ortodoksižen hristanuskondan Spiridon Trimifuntalaižen jumalanpert' om saudud vll 2003−2006.

Nejan politehnine tehnikum om professionaližen opendusen aluzkundaks.

Galerei

Neya WaterTower 010 9918.jpg

Vezičuhunduz (2020)
Kodirandantedištandmuzei (2020)
Neya 010 9792.jpg

Kundaline kül'bet' vl 2020
Neya DK 010 9820.jpg

Kul'turkeskuz (2020)

Homaičendad

Irdkosketused

Lidnankundan lehtpoled Nei-lidnan da Nejan rajonan oficialižel neya.info-saital. (ven.)

	Kostroman agjan lidnad
	Bui \| Čuhlom \| Galič \| Kologriv \| Kostrom \| Makarjev \| Manturovo \| Nei \| Nereht \| Soligalič \| Šarj \| Volgorečensk

[_72993c059dbea415-1] OKTMO. 179/2016.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Klejatud brusan tegimen sait (massivcom.ru). (ven.)

[1]

[2]

[3]