Čuhlom

Čuhlom
Герб
58°45′ с. ш. 42°42′ в. д.
Valdkund	Venäma
Istorii da geografii
Tegemižen päiv	1381
Pind	7
Высота	180
Eläjad
Eläjad	▼4252 чел. (2021)
Lugud
Telefonan kod	49441
Počtan indeksad	157130
Mediafailad RUWIKI-tedoiš

Čuhlom (ven.: Чу́хлома vai Чухломá) om Venäman lidn da lidnankund Kostroman agjan lodehes. Se om Čuhloman rajonan administrativine keskuz.

Istorii

Edeline žilo oli olmas Čuhlomanjärven pohjoižel randal 10. voz'sadas. Nügüdläine eländpunkt mainitase ezmäižen kerdan vl 1381 kuti lidn järven suvirandal Merän Galičun ruhtinazkundas. Puine lidnuz päjumalanpertinke oliba olmas 16. voz'sadaspäi vn 1727 lämoipalohosai.

Čuhlom šingotase mecan ümbriradmižel, pertiden strubiden tehmižel.

Geografijan andmused

Lidn sijadase rajonan suvipäivlaskmas, Čuhlomanjärven suvipäivnouzmaižel randal, 180 m ü.m.t. keskmäižel korktusel. Pen' Ivanovk-jogi (ven.: Ивановка) läbitab lidnad i lankteb järvhe. Matk Kostrom-lidnhasai om 150 km suvipäivlaskmha orhal vai 170 km avtotedme pidust' Galičun ülüt. Lähembaižed lidnad oma Galič 46 km suvhe orhal vai 50 km avtotedme i Soligalič 42 km lodeheze orhal vai 48 km avtotedme.

Lidn om lidnankundan üks'jäine eländpunkt. Lidnankundan pind — 57,9 km². Kaik om 49 irdad i 4 kujod lidnas.

Eläjad

Vn 2010 Venäman rahvahanlugemižen mödhe eläjiden lugu oli 5 411 ristitud, rajonan pol'. Kaikiš suremb lidnan ristitišt oli 5,5..5,6 tuhad eläjid vll 1989−2009.

Čuhloman mectegimišton tehnikum om professionaližen opendusen aluzkundaks, sijadase Anfimovo-žilos 2 km suvhe lidnaspäi.

Galerei

• Chukhloma, Kostroma Oblast, Russia, 157130 - panoramio (70).jpg

  Čuhloman rajonan administracijan sauvuz (2014)

• Chukhloma Church 011 0673.jpg

  Ph. Jumalanmaman Emäganpäivän jumalanpert', vn 2020 nägu

• Chukhloma, Kostroma Oblast, Russia, 157130 - panoramio (105).jpg

  Bankan palakund vl 2014

• Chukhloma, Kostroma Oblast, Russia, 157130 - panoramio (76).jpg

  «Ekran»-kinoteatr (2014)

• Chukhloma, Kostroma Oblast, Russia, 157130 - panoramio (72).jpg

  Kodirandantedištandmuzei A. Pisemskijan nimed vl 2014

Homaičendad

Irdkosketused

• Lidnankundan tobmuden oficialine sait (город-чухлома.рф). (ven.)