Bui (lidn)

Bui
Флаг[d] Герб
58°29′00″ с. ш. 41°31′00″ в. д.
Valdkund	Venäma
Istorii da geografii
Tegemižen päiv	1536
Pind	25
Высота	100
Eläjad
Eläjad	▼20 564 чел. (2021)
Lugud
Telefonan kod	49435
Počtan indeksad	157000–157009
Mediafailad RUWIKI-tedoiš

Bui (ven.: Буй) om Venäman lidn da lidnümbrik Kostroman agjan lodehes. Se om Buin rajonan administrativižeks keskuseks mugažo, ei mülü rajonha.

Istorii

Eländpunkt mainitase ezmäižen kerdan vl 1536 sijaližiden volostiden eläjiden kirjutadud pakičendas kunigahale samha laskendad panda lidnad. Lidnuz oli saudud. Vspäi 1778 Bui-lidn oli makundan keskuseks. Vll 1905−1906 saudihe raudtestancijad, vedimdepod i kaks' raudted, Bui kändihe raudtesol'meks ühtes vodes (čuradused: Vologd, Danilov, Galič). Vll 1979−1990 Keskuzližen (Kostroman) AES:an sauvomine zavodihe läz lidnad. Stancii om kesken tehmatoi, elektroverkon jagamižkeskuz radab siš, sauvond planiruiše no ei mäne.

Bui šingotase mecan ümbriradmižel, himižel tegimel (mineraližed heretused i turbhan ümbriradmine), sömtegimištol (lihakombinat, paštandsijad), Pohjoižen raudten edheotandoil, mugažo omblendan i meblin fabrikad ratas lidnas.

Geografijan andmused

Lidn sijadase Kostrom-jogen hural randal läz Vöks-ližajogen lanktendan sijad (ven.: Вёкса), 100 m korktusel valdmeren pindan päl. Matk Kostrom-lidnhasai om 87 km suvipäivlaskmha orhal, 103 km avtotedme vai 165 km raudtedme. Lähembaine lidn om Galič 40 km päivnouzmha avtotedme vai raudtedme.

Lidn om lidnümbrikon üks'jäine eländpunkt. Om ümbärtud Buin rajonan territorijal kaikiš polišpäi.

Eläjad

Vn 2010 Venäman rahvahanlugemižen mödhe eläjiden lugu oli 25 763 ristitud. Kaikiš suremb lidnan ristitišt oli 32 800 eläjad vl 1992 i 27 221 eläjad vl 1959.

Buin lidnansauvomižen da edheotaikundan tehnikum (edel 2012. vot — maižanduztehnikum) om professionaližen opendusen aluzkundaks.

Galerei

• 

  Revolücijan torg (2011)

• Церковь Благовещения Богородицы.jpg

  Ph. Jumalanmaman Blagoveššenjan jumalanpert', vn 2016 nägu

• 

  Socialiž-kul'turine «Luč»-keskuz vl 2014 (Sädeg)

• Город Буй, улица Октябрьской революции, дом 2.jpg

  Lapsiden čomamahtoine škol (2016, ende V. Sipägin-leitnantjenaralan pert')

• 

  Bui-päraudtestancijan sauvuz ph. Mikulai-čudonsädajan jumalanpertinke, vn 2009 nägu

• Г.Буй Сельскохозяйственный техникум - panoramio.jpg

  Buin lidnansauvomižen da edheotaikundan tehnikum vl 2012 (edel 2012. vot — maižanduztehnikum)

Homaičendad

Irdkosketused

• Lidnümbrikon Duman i administracijan oficialine sait (admbuy.ru). (ven.)