Max (ližaprogramm)

Рувики-späi
Necil sanal oma toižed-ki znamoičendad, kacu Max.
Max
Programman skrinšot Max
Tip tedomašinprogramm[d]
Tegijad VK[d]
Ohjanduzsistemad iOS, Android, macOS, Windows
Interfeisan keled anglijan, venän kel' da toižed
Ezmäine pästuz 27. keväz'kud 2025
Olend aktivine
Sait max.ru

Max (ven.: электронная платформа «Макс», stilizoitud MAX) — elektronine platform, mittušt tegi VK-kompanii, ühtenzoitab vestiden, mini-ližaprogrammoiden, maksundsisteman da valdkundaližiden servisoiden radod[1]. Beta-versii, miččehe mülüškanzi messendžer, oli ezitadud 27. keväz'kud vodel 2025 kuti vebsait da ližaprogramm neniden ladehiden täht, miččed om tehtud iOS, Android, macOS da Windows-programmohjandusiden pohjal[2]. Heinkus vodel 2025 VK-korporacii sanui, miše om vaumiž maksta lahjpaukad 5 mln rubl'ahasai löutud Max-ližaprogrammas vigoiš[3]. Max-ližaprogramman oficialine pästand eloho oli planoiš tehta sügüz'kus vodel 2025[4].

1. sügüz'kuspäi vodelpäi 2025 Max linneb pandud kaikile uzile ladehile Venämal zakonoiden mödhe. Tulebas aigas om planoiš ližata "Gosuslugad"-programmad vigamaksuiden maksmižen täht, azjbumagoiden tegemižen täht da toižiden valdkundaližiden servisoiden radon täht[5].

Ezmäks registriruitas platformal voiba vaiše Venäman da Belorussijan eläjad. 5. kül'mkuspäi Azerbaidžanan, Armenijan, Kazahstanan, Kirgizijan, Moldavian, Tadžikistanan da Uzbekistanan eläjad voiba registriruidas mugažo[6].

Istorii

Uzišt Max-paginplatforman pästuses sündui 25. keväz'kud vodel 2025. Siloi lehtištos sanutihe, miše "läheližes aigas" ližaprogrammoiden laukoiš (App Store, Google Play) linneb paginplatforman beta-versii, miččen abul voib vajehtadas vestil, zvon'da da oigeta failoid surudel ei enamb 4 GB. Oli sanutud, miše Venämal oli pandud mediaserverad, miččed abutaba tehta parembikš onlain-paginoid, а miše nene paginad oližiba hüväd, oli ottud ližaks mašinopendusen (ven.) (vep. tehnologijad. Oli sanutud, miše ezmäižehe versijaha mülüškandeba instrumentad korporativižiden čat-botoiden tegemižen täht, neb abutaba tehta rahaservisoid, abuslužboid da toižid tavaroid. Mugažo pagištihe siš, miše elektronižehe platformaha mülüškandeba mini-ližaprogrammad, maksundsistemad da valdkundaližed servisad, a iče ližaprogramm voib tehtas kitajalaižen WeChat-analogaks[7].

Rahaazjtedajiden arvostelusiden mödhe investicijad projektaha ezmäižel aigkeskustal voiba olda 1 mlrd rubl'ad[7].

27. keväz'kud platform oli pästtud eloho kut ližaprogramm ladehile, miččed radaba iOS-, Android-, macOS- da Windows - programmohjandusen pohjal, a mugažo vebsaitan formas. Beta-versijaha putuiba personaližed da gruppoiden čatad, voib oigeta än'vestid, mediafailoid, azjbumagoid surudel ei enamba 4 GB, stikeroid da reakcijoid vestile, zvon'da audio- da videoformatas, tehta čat-botoid da mini-ližaprogrammoid[2].

14. sulakud vodel 2025 oli sanutud GigaChat 2.0 (ven.) (vep.-tegointellektan panendas Max-servisaha. Pagišta tegointellektanke voib personaližiš vestiš, kuna kävutai voib oigeta än'vestid da tektvestid, audiofailoid, kuvid da azjbumagoid, a vastha ilman rahoita voib sada tarbhaižid tedoid (siš lugus löutud kel'model' internetas). Biznes-kävutajad voiba mugažo kävutoitta Max-ližaprogrammas GigaChat 2 Pro libo GigaChat 2 MAX - tegointellektan versijad[8].

Kezakuks vodeks 2025 venälaižen Max-ližaprogramman kävutajiden lugumär oli 1 mln mobilladehil da tedomašinoil[9]. Heinkuks vodeks 2025 Max-ližaprogramman registriruitud kävutajiden lugumär kazvoi 2 millionahasai[10].

7. elokud vodel 2025 Elektronižen ministerstvan pämez' Maksut Šadajev sanui, miše Max-ližaprogramm ühtes Federaližen varumatomuden službanke tegi kaiken, miše rahvaz varuta voiži päzuda "Gosuslugad"-portalale[11].

13. elokud vodel 2025 Max tuli ezmäižele sijale maksutomiden ližaprogrammoiden keskes Google Play-laukplatformal Venämal da sai arvznamad 4,6[12]. Necil-žo päiväl VK-kompanijan vice-prezident ekonomikan da rahoiden mödhe Aleksandr Morozov sanui, miše max-ližaprogramman oficialine püstand om planoiš tehta sügüzen augotiš[4].

16. elokud vodel 2025 ližaprogrammas radaškanzi kaikenaigaine sido varumatomuden keskusenke[13].

20. elokud vodel 2025 ližaprogrammas test-režimas radaškanzi üks'kerdaižen kodan samine, miše putta "Gosuslugad"-portalale[14].

20. elokud vodel 2025 Sijaližiden azjoiden ministerstv sanui ezmäižes tabadandas pahoiš tegoiš MAX-ližaprogrammas. Žertvaks tuli Kurskan eläi, hän andoi mošennikoile, kudambad zvoniba hänele MAX-ližaprogramman kal't, 444 tuh. rub[15].

25. elokud vodel 2025 MAX lopi integracijad elektronižen "Goskl'uč"-allekirjutusen mobilversijanke[16].

29. elokud vodel 2025 Moskva-lidnan varapämez' Anastasia Rakova sanui, miše planoiš om sirtta 1. sügüz'kuspäi kaikid vanhembiden vest'čatoid Max-ližaprogrammaha[17].

1. sügüz'kud vodel 2025 om planoiš panda Max-ližaprogrammad kaikile udeks tehtud mobilladehile Venämal[18]. Necil päiväl Max-ližaprogramm mülüi programmoiden lugetišehe, miččed pandas kaikihe telefonoihe Venäman valdmehišton käskön mödhe, se oli allekirjutadud premjer-ministral Mihail Mišustinal. MAX vajehti VK-ližaprogrammad, mitte vodelpäi 2023 oli lugetišes[19].

1. sügüz'kuspäi vodelpäi 2025 "Bilain", "MTS", "Megafon"-mobiloperatorad andaba kaikile kövutajile lopmatomad voimust rata Max-ližaprogrammas[20]. Max-ližaprogramman abul nügüd' voib sada kodad, miše putta Gosuslugi-servisaha[21]!

4. sügüz'kud vodel 2025 kävutajiden lugumär oli enamba 30 mln mest[22].

Elokus vodel Max-ližaprogrammam varumatomuden keskuz saupsi läz 67 tuhad tundmatomad akkauntad, löuzi da heiti enamba 13 tuhad paganfailoid. Sauptamižen päsü om spam-kirjeižiden taguiči. Vihanikoiden akkauntad, kuspäi hö tahtoiba tehta pahoid azjoid, oli sauptud varumatomuden keskusel igäks[23].

8. sügüz'kuspäi vodelpäi 2025 Venäman prezidentan oficialine kanal radaškanzi MAX-ližaprogrammas[24].

14. sügüz'kud vodel 2025 tuli vest', miše Venäman varumatomuden nevondišton varapämez' Dmitrii Medvedev avaiži ičeze kanalan МАХ-ližaprogrammas[25].

2. redukud vodel 2025 ližaprogramman pästusen aigaspäi siš registriruitihe enamb 40 mln kävutajad[26].

6. redukud vodel 2025 Fly By Metrics-kompanii pästi eloho MaxStat.IO-servisad, mitte tarkišteleb tedoid kanaloiš rahvahaližes ližaprogrammas. Kut sanuiba tegijad, uz' servis — TgStat-analog Telegraman täht, mitte abutab kazvatada Max-ekosisteman strukturad da kerata ühthižid tedoid aktivižudes da dinamikas[27].

Mugažo redukus vodel 2025 ližaprogrammas sündui elektronižen ID tegemižen funkcii mašinvedäjan todištusen abul. Aigemba elektronine ID voi tehta vaiše biometrijan libo verazmaižen pasportan abul[28].

17. redukud vodel 2025 platforman press-službas sanutihe, miše kus ližaprogramman varumatomuden keskuz saupsi 105 tuhad tundmatomad akkauntad, oli löutud da heittud enamba 350 tuhad pahad failad. Paiči necidä МАХ-ližaprogramman varumatomuden keskusen da Venäman sijaližiden azjoiden ühthižtö sügüz'kus abuti tabata 9 mošennikad, kudambad tegiba pahoid azjoid erazvuiččiš venälaižiš lidnoiš da vargastiba den'goid[29].

12. kül'mkud vodel 2025 Venäman sauvondan da elomišton ministr Irek Faizullin sanui, miše voden 2025 lophusai kaikuččen äifateroiden pertin täht Venämal pidab tehta pert'čat МАХ-ližaprogrammas[30].

2. tal'vkud vodel 2025 Venäman sauvondan da elomišton ministerstv da ven.: ДОМ.РФ pästiba eloho Мax-ližaprogrammas uziden pertiden terkištuzservisad[31].

4. tal'vkuspäi 19. tal'vkuhusai vodhesai 2025 "Voden satused V. Putinanke" - čat-botan abul Мax-ližaprogramman kävutajad voiba antta küzundoid valdkundan pämehele. Küzundoiden keradamine om tehtud jogavoččen oiktan linijan aigan[32].

Radmahtod

Max-ližaprogrammad voib panda mobilladehile (iOS, Android), personaližihe tedomašinoihe (Windows, macOS), mugažo veb-interfeisan (ven.) (vep. abul. Ližaprogrammad voib löuta elektronižiš App Store, Google Play, RuStore da AppGallery - internetlaukoiš. Kävutai voib registriruidas venälaižen libo Belorussijan telefonan nomeran mödhe. Ezmäižen pästusen aigan pidab kirjutada nimi da ližata kuvad profilihe[2][33].

Interfeisas om nel'l' päližadust: "Kontaktad", "Čatad", "Kelloičendad", "Valičused". Südäimes voib vajehtada čatoiden irdnägod, jagata kaikeda failhodroihe, panda tedotust da peitta personaližid tedoid[33].

  • Max-mobilližaprogramman interfeis
  • Registriruindan ezmäine hašk

    Registriruindan ezmäine hašk

  • Avataran valičuz registracijan aigan

    Avataran valičuz registracijan aigan

  • Ezmäine tundištoituz Max-platformanke

    Ezmäine tundištoituz Max-platformanke

  • Hodr čatoidenke

    Hodr čatoidenke

  • Čat-bot

    Čat-bot

  • Mini-ližaprogramm

    Mini-ližaprogramm

9. heinkud vodel 2025 12:46 aigad MAX-platformal radaškanzi röunatomiden gruppoiden videokelloičendad aigan da kävutajiden lugumäran mödhe. Kelloičendan tegemižen täht kävutajile pidab painda "Kelloičendad"-kingitimen da generiruida kucundad. Videokonferencijan aigan voib ozutada ekranad da nägištada ühtnikoid verkon formatas. Läheližes aigas om planoiš ližata čatad, administratoran oiktusiden andamišt, neiroavatarad, maskad da virtualižed fonad[34].

15. elokud vodel 2025 MAX-ližaprogramman varumatomuden keskuz sanui, miše tegi ližaazjoid, miččed abutaba kävutajile polestada ičtaze tundmatomiš kontaktoišpäi da tarbhatomas kontentaspäi. ozutesikš, ližaprogrammas radaškandeb "Abidoittas"-kingitim, miččen abul kävutajad voiba sid'-žo oigeta ičeze abidkirjeižid varumatomuden keskusehe[35].

15. sügüz'kud vodel 2025 Max-ližaprogrammas voib tehta elektroništ ID, mitte linneb azjbumagoiden analogan[36].

18. sügüz'kud vodel 2025 platforman press-služb sanui, miše ližaprogrammas om kaks'pordahine autentifikacii akkauntoiden polestusen täht. sen tegemižen täht pidab udištada ližaprogrammad, tulda profilihe "Privatnost'"-erištoho da ližata peitsanan kut toine polustusen maht[37].

29. elokud vodel 2025 MAX-ližaprogrammas sündui funkcii, miše voib sid'-žo kirjutada da oigeta videovestid kehkeroiš iknaižiš[38].

6. redukud vodel 2025 Fly By Metrics-kompanii pästi eloho MaxStat.IO-servisad, mitte tarkišteleb tedoid kanaloiš rahvahaližes ližaprogrammas. Kut sanuiba tegijad, uz' servis — TgStat-analog Telegraman täht, mitte abutab kazvatada Max-ekosisteman strukturad da kerata ühthižid tedoid aktivižudes da dinamikas[39].

7. redukuspäi vodelpäi 2025 kävutajad voiba allekirjutada azjbumagoid Max-ližaprogrammas "Goskl'uč" - čat-botan abul. Pidab vaiše udištada Max-ližaprogrammad jäl'gmäižehe versijahasai, tehta vahvištadud lehtpol't "Gosuskugad"-portalal da elektronižen allekirjutesed sertifikatad[40].

10. redukuspäi vodelpäi 2025 kanaloiden lugujad voiba oigeta lähtkid kontentaha da peitta tarbhatomad kontentad[41].

27. kül'mkud vodel 2025 Max-ližaprogramman kävutajad voiba pigai putta "Gosuslugad (ven.) (vep."-portalale da sada elektronižid azjbumagoid. Maxan abul voib kacta pasportan, mašinvedäjan todištusen, SNILSan, OMS-polisan da INNan elektronižed versijad ilman biometrižeta ližatarkištuseta. Funkcijan radon täht pidab udištada Max da Gosuslugad-ližaprogrammad da antta laskendad kaita tedoid. Aigemba redukus kävutajad jo voiba sada kebnembad elektroništ ID, miše vahvištada ičeze igäd mašinvedäjan todištusen abul[42].

Kommunikacii

Platformal oma standartižiden vestiden vajehtamine[2][43]:

  • personaližed da gruppoiden čatad;
  • teksvestiden, kuviden, videon da azjbumagoiden oigendamine surudel ei enamb 4 GB;
  • än'vestiden oigendamine;
  • emodzi-vuiččiden stikeroiden da reakcijoiden kävutamine[2][43].

Ližatud audio- da videokelloičendad radaba korktan da madalan signalan mödhe. Lehtišton vestiden mödhe kelloičendoiden keskes om hüvä kaikenaigaine ühtenzoituz da paginan da kuvan hüvä sirdämine[2][43].

Personaližiden vestiden abul voib oigetada kontaktoid, geolokacijad, mugažo rahoid Pigaližiden maksuiden sisteman (ven.) (vep. mödhe, ven.: СБП. Ližaprogramman ezmäižes versijas voib oigeta rahoid Al'fa-bankaspäi da VTB-bankaspäi: jäl'ghe tarbhaižen bankan valičendad Max-ližaprogramm vedäb rahaorganizacijan mobil-ližaprobrammaha, kus pidab lopta rahoiden sirdämišt[44].

Čat-botad da mini-ližaprogrammad

Max-ližaprogramman abul voib kävutoitta čat-botoid da mini-ližaprogrammoid. Ned radaba Max Bot API programman kävutamiženke (botoiden tegemižen da ohjandamižen täht), Max Bridge (kirjišton kävutamiženke klijentoiden mini-ližaprogrammoiden integracijan täht) da MasterBot — radbotanke pigaližen painusen da API-avadimiden samižen täht. Necidä voib pästta radho kut programmas, mugažo vizualižiden konstruktoroiden abul, ozutesikš BotMother, JetBot, ChatForma, SaleBot da toižiden konstruktoroiden abul. Botoiden nimiden lopud, kut Telegram-ližaprogrammas, voiba olda vaiše bot-sananke (ozutesikš, @examplebot)[45].

Mini-ližaprogrammad radaškandeba interfeisas messendžeran südäimes, niiš voib olda ičeze grafik da biznes-logik da ned avaidasoiš čat-botoiden abul[43][45].

Tegointellekt

14. sulakuspäi vodelpäi 2025 Max-ližaprogramman abul voib rata GigaChat 2.0 - tegointellektan platformal. Neiroverk, mitte om ližatud platformale, abutab kirjutada tekstad, tehta kuvid, dešifruida än'vestid, starinoita lühüdas videos, kirjutesiš da kontentan toižiš formoiš, analiziruida da interpretiruida kuvid, rata azjbumagoidenke surudel 200 lehtpolehesai A4 formatal[8].

Tegointellekt abutab oigeta ühtel aigal äi failoid, löuta analitižid vastusid sadud tedoiden pohjal da oigeta nenile lähtkile, kuspäi om ottud tedod[8].

Kehitoituz

Max-ližaprogrammad, mittušt tegi ven.: «Коммуникационная платформа»-kompanii VK-kompanijan taričendan mödhe, voib otta sidä päpohjaks "super-ližaprogramman" tegemižen täht (ven.: «супераппа»), kus ühtenzoittas äi jogapäiväižid elektronižid tegendoid ühthižes interfeisas. Sulakun keskuseks vodeks 2025 oli pandud planoihe tehta mugoižed funkcijad kut[8][7]:

  • brendoiden da tegijoiden tugen levitoitamine mini-ližaprogrammoiden ekosisteman kal't;
  • ičeze maksundsisteman pästamine;
  • ühtenzoitamine valdkundaližidenke servisoidenke (siš lugus Venäman valdkundaližiden uslugoiden portal (ven.) (vep.)[8][7].

Arvostelend

Max-ližaprogramman kävutajad homaičeba, miše ei ole ühtenzoitust "VK"-holdingan toižiden servisoidenke, ozutesikš "VKontakte" libo "VK Muzik"-lehtpolidenke. Hö holduba mugažo siš, miše ei ole kaks'pordahašt autentifikacijad da tedoiden šifroičendad — nece sündutab holid tedoiden varumatomudes da konfidencialižudes[46][47].

Platform sai kritikad, miše nahodib Telegram-messendžeraha — kävutajad pagižeba mugoižes-žo botoiden da mini-ližaprogrammoiden kävutoitandas. Kävutajad kahdeltasoiš, pidab-ik tehta ut messendžerad, ved' jo oma popul'arižed platformad. Erased sanuba, miše kodimaine platform om tehtud verazmaižiden platformoiden sijas[43][48].

7. heinkud vodel 2025 VK pästi eloho Max-ližaprogramman agressivišt reklamad, siš lugus oma eriližed azjtegod VK Fest lehtpolel Piteriš. Blogerad, siš lugus Instasamka, lujas aktivižesti sirdäba platformad edehepäi. Messendžeran reitingad lujas eroneba: App Store internetlaukas - 4.1, Google Play internetlaukas - 1.1, nece voib olda sidotud Telegramm-programman kävutajiden negativižen reakcijanke. MAX varastab valdkundališt tuged da ühtenzoitust oficialižiden servisoidenke, sil aigal kut Telegram kaičeb auditorijad hüvän radmahton abul. Konkurencii platformoiden keskes vaiše kazvab[49].

Homaičendad

  1. ↑ VK создает аналог китайского мессенджера с госуслугами и платежами WeChat. Ведомости. Дата обращения: 14 heinkud 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Дата обращения: 14 heinkud 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Дата обращения: 9 heinkud 2025.
  4. ↑ 1 2 Max официально запустят в сентябре, Деловой журнал "Профиль" (13 elokud 2025). Дата обращения: 17 tal'vkud 2025.
  5. ↑ Всё о Max: российский национальный мессенджер запустят в 2025 году. Дата обращения: 9 heinkud 2025.
  6. ↑ Регистрация в MAX стала доступна для жителей ещё 7 стран СНГ, AiF (5 kül'mkud 2025). Дата обращения: 17 tal'vkud 2025.
  7. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Дата обращения: 14 heinkud 2025.
  8. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Дата обращения: 15 sulakud 2025.
  9. ↑ В российском мессенджере MAX зарегистрировались больше 1 млн пользователей, Hi-Tech Mail (30 kezakud 2025). Дата обращения: 9 heinkud 2025.
  10. ↑ Пользователям МАХ стали доступны групповые видеозвонки, Известия (9 heinkud 2025). Дата обращения: 9 heinkud 2025.
  11. ↑ Шадаев: ФСБ согласовала условия доступа Max к инфраструктуре "Госуслуг", TACC (7 elokud 2025). Дата обращения: 17 tal'vkud 2025.
  12. ↑ Max возглавил топ бесплатных приложений в Google Play в России, TACC (16 elokud 2025). Дата обращения: 17 tal'vkud 2025.
  13. ↑ В мессенджере МАХ начала работать круглосуточная связь с Центром безопасности. vesti.ru (16 elokud 2025). Дата обращения: 17 tal'vkud 2025.
  14. ↑ В Max теперь можно получать код для входа на "Госуслуги", TACC (21 elokud 2025). Дата обращения: 17 tal'vkud 2025.
  15. ↑ МВД сообщило о первом задержании за мошенничество в MAX, РБК. Дата обращения: 17 tal'vkud 2025.
  16. ↑ В национальный мессенджер MAX интегрировали «Госключ», РБК (25 elokud 2025). Дата обращения: 17 tal'vkud 2025.
  17. ↑ В Москве школьные чаты переведут в Мах, TACC. Дата обращения: 17 tal'vkud 2025.
  18. ↑ Новый мессенджер Max: что это такое, зачем нужен и где скачать, РБК Life. Дата обращения: 9 heinkud 2025.
  19. ↑ Мессенджер MAX с 1 сентября станет обязательным для предустановки, РБК. Дата обращения: 17 tal'vkud 2025.
  20. ↑ Операторы связи предоставили безлимитный доступ к мессенджеру MAX, РБК (1 sügüz'kud 2025). Дата обращения: 17 tal'vkud 2025.
  21. ↑ Кирилл Кухмарь. В Max теперь можно получать код для входа на "Госуслуги". ТАСС (20 elokud 2025). Дата обращения: 21 elokud 2025.
  22. ↑ Число пользователей мессенджера Max превысило 30 млн, TACC (4 sügüz'kud 2025). Дата обращения: 17 tal'vkud 2025.
  23. ↑ В Max заблокировали около 67 тыс. подозрительных аккаунтов в августе, TACC (8 sügüz'kud 2025). Дата обращения: 17 tal'vkud 2025.
  24. ↑ Официальный канал Президента в мессенджере MAX, Президент России. Дата обращения: 17 tal'vkud 2025.
  25. ↑ Медведев завел канал в Мах, TACC (14.09.2025). Дата обращения: 17 tal'vkud 2025.
  26. ↑ В Max зарегистрировались свыше 40 млн пользователей, TACC (2 redukud 2025). Дата обращения: 17 tal'vkud 2025.
  27. ↑ Fly By Metrics: в России запустили аналог TgStat для каналов в Max, TACC. Дата обращения: 17 tal'vkud 2025.
  28. ↑ В мессенджере Max создают цифровой ID по водительским правам, Инказан.ру (9 redukud 2025). Дата обращения: 17 tal'vkud 2025.
  29. ↑ Центр безопасности MAX заблокировал 105 тысяч подозрительных аккаунтов - Российская газета, Российская газета (17 redukud 2025). Дата обращения: 17 tal'vkud 2025.
  30. ↑ Многоквартирные дома обязали создать чаты жильцов в Max до конца года | Эксперт. Эксперт. Дата обращения: 17 tal'vkud 2025.
  31. ↑ В Мax появился сервис отслеживания новостроек, TACC (2 tal'vkud 2025). Дата обращения: 17 tal'vkud 2025.
  32. ↑ ТАСС: отправка вопроса Путину через чат-бот в Max занимает пару минут, TACC (4 tal'vkud 2025). Дата обращения: 17 tal'vkud 2025.
  33. ↑ 1 2 Max: что известно о новом приложении ВК и аналоге WeChat. РБК. Дата обращения: 15 sulakud 2025.
  34. ↑ Платформа MAX запустила неограниченные групповые видеозвонки, ВЗГЛЯД.РУ. Дата обращения: 9 heinkud 2025.
  35. ↑ В мессенджер MAX внедрили дополнительные меры по защите пользователей, Известия (15 elokud 2025). Дата обращения: 17 tal'vkud 2025.
  36. ↑ В мессенджере Max стало возможно создать аналог бумажных документов, РБК (15 sügüz'kud 2025). Дата обращения: 17 tal'vkud 2025.
  37. ↑ В Max появилась двухфакторная аутентификация, TACC. Дата обращения: 17 tal'vkud 2025.
  38. ↑ В мессенджере MAX появилась функция записи видеокружков, Известия (29 elokud 2025). Дата обращения: 17 tal'vkud 2025.
  39. ↑ Fly By Metrics: в России запустили аналог TgStat для каналов в Max, TACC. Дата обращения: 17 tal'vkud 2025.
  40. ↑ Мессенджер МАХ запустил удобное подписание документов: что нужно знать. kp.ru (7 redukud 2025). Дата обращения: 17 tal'vkud 2025.
  41. ↑ В Max появилась возможность скрывать чувствительный контент, РИА Новости (10 redukud 2025). Дата обращения: 17 tal'vkud 2025.
  42. ↑ Пользователи Мax получили быстрый доступ к своим документам из «Госуслуг», РБК. Дата обращения: 17 tal'vkud 2025.
  43. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Дата обращения: 15 sulakud 2025.
  44. ↑ Протестировал MAX от VK, iPhones.ru. Дата обращения: 16 sulakud 2025.
  45. ↑ 1 2 MAX для разработчиков. Max Docs. Дата обращения: 15 sulakud 2025.
  46. ↑ MAX: общение, полезные сервисы. RuStore. Дата обращения: 16 sulakud 2025.
  47. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Дата обращения: 14 sulakud 2025.
  48. ↑ Компания VK выпустила приложение MAX — обещают сделать аналог китайского WeChat. Клуб DNS. Дата обращения: 16 sulakud 2025.
  49. ↑ Мессенджер МАХ - борьба за пользователя — Малкин про MAX на vc.ru, vc.ru. Дата обращения: 9 heinkud 2025.

Lähtked

Om sadud "https://vep.ruwiki.ru/w/index.php?title=Max_(ližaprogramm)&oldid=517294"