Kirovsk (Murmanskan agj)

Kirovsk
Kirovsk
	Герб
	67°36′51″ с. ш. 33°40′18″ в. д.GЯO
Valdkund	Venäma;
Istorii da geografii
Высота	380
Eläjad
Eläjad	▼24 857 чел. (2021);
Lugud
Telefonan kod	81531
Počtan indeksad	184250
	Официальный сайт(ven.)
	Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Lidnümbrikon sijaduz agjan kartal (2011)

Kirovsk (ven.: Кировск) om Venäman lidn da lidnümbrik Murmanskan agjan keskuzpalas.

Istorii

Eländpunktan aluz om pandud vl 1929 Kukisvumčorr-radnikžiloks samha apatit-mineralad. Radnikžilo sai lidnan statusad vn 1931 30. päiväl redukud Hibinogorsk-nimenke, alištui Leningradan agjan Murmanskan ümbrikon tobmudele. Vspäi 1934 lidn om tetab nügüdläiženke nimenke, nimitihe Sergei Kirovan oiktastuseks.

Sadas apatit-mineralad Kirovsk-lidnas, om koume kaivut i kaks' küllästamižtegint. Om sömtegimišton edheotandoid (konditerižed tegesed, jomižed), mugažo meblin tehmine. Kirovsk om tetab lebutaho štargumha mägisuksil, turizm šingotase sen alusel.

Geografijan andmused

Lidn sijadase Hibinad-mägimassivan suves, Sur' Vud-järven suvirandal da Vauged-jogen randoil, Umptek-alangištos, 368 m ü.m.t. keskmäižel korktusel. Matkad Murmanskhasai om 145 km pohjoižhe orhal vai 205 km avtotedme. Lähembaine lidn om Apatitad 15 km päivlaskmha. Lavinad voidas laskta Kukisvumčorr-mikrorajonha lumipordol.

Kaks' eländpunktad mülüdas lidnümbrikho Kirovskan ližaks: Titan-eländpunkt (1442 rist. vl 2010) i Koašv-eländpunkt (ven.: Коашва, 882 rist. vl 2010). Lidnümbrikon pind — 3600 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 28 625 ristitud, lidnümbrikon — 30 990 ristitud. Kaikiš suremb lidnan ristitišt oli 46 000 eläjad vl 1967. Vl 2017 kaik 26 687 ristitud elihe lidnas i 28 863 ristitud kaikes lidnümbrikos.

Rahvahad (lidnümbrik, enamba 1% vl 2010, ozutadud rahvahudenke): venälaižed — 92,4%, ukrainalaižed — 2,8%, vaugedvenälaižed — 2,1%, toižed rahvahad — 2,7%.

Ortodoksižen hristanuskondan nell' pühäpertid^[2] oma avaitud lidnas: Kazanin Jumalanmaman Hibinogorskan naižjumalankodi Jumalanmaman Kazanin jumalaižen jumalanpertinke (letihe vll 1946−1948), Spasan Londuseližen Mel'kuvan jumalanpert' (saudihe vll 2003−2004) i kaks' časounäd.

Poläriž-al'pine botanine sad-institut^[3] funkcioniruib Kirovskas VT:n Kolan tedokeskusen palakundaks. Murmanskan arktižen valdkundaližen universitetan filial^[4] andab professionališt vaumičendad.

Edeline lidnümbrikon pämez' (Deputatoiden Nevondkundan ezimez') om Vladimir Dädik (sügüz'ku 2015 — reduku 2018).

Transport

Avtobusad i funikulörad oma kundaližeks transportaks lidnas da sen ümbrištos.

Kirovsk-Murmanskii-raudtestancii oli olmas sarakol Apatitad-lidnaspäi vll 1939−1996, raudte jäi vemha jüguid küllästamižtegimišpäi.

Galerei

Kirovsk3.jpg

Poläriž-al'pižen botanižen sadun-institutan oranžerei
Hibinogorskan naižjumalankodi i sen Jumalanmaman Kazanin jumalaižen pühäpert', vn 2014 nägu
2019-08-07 Озеро Верхнее, комбинат Апатит, Ленинградская 3 IMG 6887.jpg

«Apatit»-kombinat Üläjärvenno vl 2019
Горнолыжный комплекс "Большой Вудъявр", Кировск, Мурманская область - panoramio (5).jpg

Mägisuksiden «Sur' Vudjävr»-kompleks (2015)
2019-08-07 Автостанция Кировск, Юбилейная 13 IMG 6880.jpg

Avtobusstancii vl 2019

Homaičendad

Irdkosketused

Lidnümbrikon tobmuden sait (kirovsk.ru). (ven.)

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Kirovskan pühäpertid sobory.ru-saital. (ven.)

[3] Poläriž-al'pižen botanižen sadun-institutan sait (pabgi.ru). (ven.)

[4] Murmanskan arktine valdkundaline universitet — Kirovskan filialan sait (fk.masu.edu.ru). (ven.)

[1]

[2]

[3]

[4]