Gadžijevo

Gadžijevo
Gadžijevo
	Герб
	69°15′19″ с. ш. 33°19′00″ в. д.GЯO
Valdkund	Venäma;
Istorii da geografii
Tegemižen päiv	1957
Pind	135;
Высота	30
Eläjad
Eläjad	▼9297 чел. (2021);
Lugud
Telefonan kod	81539
Počtan indeksad	184670
	Mediafailad RUWIKI-tedoiš

Gadžijevo (ven.: Гаджи́ево) om Venäman lidn Murmanskan agjan pohjoižes. Vspäi 2008 mülüb Sauptud administrativiž-territorialižhe «Aleksandrovsk»-ühtnikha (521 km²).

Pohjoižen laivišton sodameribazad sijadasoiš lidnan ümbrištos, se oma atomižid vedenalaižid laivid holitamha.

Istorii

Eländpunktan aluz om pandud vl 1957 kuti Pedransamlon laht-žilo (ven.: посёлок Ягельная Губа)^[2] sauvomha sodalidnut da valdmoid VA-laivoiden täht. Vozil 1967−1981 nimitihe radnikžilod nügüdläižikš pölištunuden vn 1942 toran aigan NSTÜ:n vägimehen Magomet Gadžijevan oiktastuseks (Pohjoižlaivišton VA-laivoiden divizijan käsknik).

Vn 1981 14. päiväl sügüz'kud radnikžilo sai lidnan statusad peitol'ženke Kall'oikaz-nimenke (ven.: Скалистый), no oli tetab avaros kuti Murmansk-130-«počtkonor'». Vll 1994−1999 nimitihe lidnad Kall'oikaz oficialižikš, sid' pörtihe Gadžijevo-nimen.

Vl 1995 atomine avarii ei olend tehnus habi lidnan ümbrištos, sikš miše saupsihe elektroenergijad maksmatomudes.

Geografijan andmused

Lidn sijadase läz Barencan meren Said-lahted (ven.: Сайда губа). Lidnan südäimen kaikiš suremb korktuz om 72 m valdmeren pindan päl. Matkad Murmanskhasai om 33 km suvipäivlaskmha orhal vai 98 km avtotedme.

Klimat om subarktine meren.

Tobmuz

SATÜ «Aleksandrovsk»:an Ezitajiden Nevondkund sijadase lähižes Polärnii-lidnas (20 km suvipäivnouzmha avtotedme), administracii — Snežnogorsk-lidnas (10 km suvhe avtotedme).

Kaks' deputatad kümnespäi ezitadas Gadžijevon eläjid üks'mantadižiš valičemižümbrikoišpäi.

Eläjad

Vl 1996 lidnan ristitišt oli 17 200 eläjid. Vn 2010 Venäman rahvahanlugemižen mödhe Gadžijevon eläjiden lugu oli 11 068 ristituid. Vl 2017 kaik 12 904 ristitud elihe lidnas.

Ortodoksine hristanuskond ph. Ondrii Ezikuctud puine jumalanpert'^[3] om saudud lidnas vll 2004−2018.

Professionaližen opendusen aluzkundad ratas lähembaižiš lidnoiš.

Transport

Avtobusad oma kundaližeks transportaks, ned ühtenzoittas Gadžijevod lähižidenke SATÜ:n lidnoidenke, žiloidenke i Murmanskanke.

Galerei

Башня связи - panoramio.jpg

Sidon čuhunduz (2009)
Järvut lidnas
Вид на территорию ТЭЦ - panoramio.jpg

LEK:an territorii vl 2009
Gadžijevon sodameribaz (2009)
Gadžijevon merivaldmoidenno vl 2008

Homaičendad

Irdkosketused

	Murmanskan agjan lidnad
	Apatitad \| Gadžijevo \| Kandalakš \| Kirovsk \| Kol \| Kovdor \| Mončegorsk \| Murmansk \| Olenegorsk \| Ostrovnoi \| Polärnii \| Polärnije Zori \| Severomorsk \| Snežnogorsk \| Zaozörsk \| Zapolärnii

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Gadžijevon istorii Aleksandrovskan oficialižel saital (zato-a.ru). (ven.)

[3] Gadžijevon pühäpertid sobory.ru-saital. (ven.)

[1]

[2]

[3]