Kižin regat
| "Kižin regata" | |
|---|---|
 | |
| Tip | rahvahan laivaižiden tegemižen da likundan festival' |
| Sädai | "Kiži"-muzei-kaičuztaho |
| Ezmäine festival' | 1999 |
| Praznuitas | joga voden |
| Jäl'gmäine mänetand | 2025 |
| Sijaduz | |
| Sija |
|
| Ma | |
"Kižin regat" (ven.: «Кижская регата») — tradicionaližen laivaižiden tegemižen da likundan festival', mitte mäneb Änižel läz Kiži-sar't Karjalas (Venäma)[1]. Ezmäižen kerdan se mäni vodel 1999[2].
Tedod
Päsija, kus tehtas festival', om Änine läz Kiži-muzei-kaičuztahod[3].
Azjtego tehtas joga voden elokun augotišes. Sihe ühtneb enamba 2000 mest. Festivalin aigan tehtas tradicionaline laivaižiden tegijoiden "Rahvahan veneh"-konkurs, "Sur' laivvoibištelend" ümbri Kiži-sares, venehiden da toižiden laivoiden praznikvoibištelend[3].
Festivalin pätegend om udessündutada rahvhan laivaižiden tegemižen da likundan tradicijoid, popul'arizoitta tervhen elon ladud da kehitoitta veziturizmad[2].
Istorii
Ezmäine tradicioanližen laivaižiden tegemižen da likundan festival' mäni Karjalas vodel 1999. Festivalin tegijoiden henged libuti "kižanka"-veneh[4] — tradicionaline veneh, miččen sauvoba Änižen randan eläjad. Ezmäižin festivalin ühtnikoin oliba sijaližed susedsariden eläjad, kudambad iče tegiba venehid-kižankoid, a kenele-se veneh jäi ezitatoilpäi. Azjtegon sädajan oli Kiži-muzei-kaičuztaho. Kaikuččen vodenke festival' kazvoi, ühtnikoin oliba todesižed laivaižiden tegemižen mastarid kaikiš Venäman agjoišpäi. Hö hüvin mahtoiba sirdeltas meridme istoriližil laivaižil[5].
Ani sündundaspäi festival' zavottihe tehta joga voden, se mäneb kaks' päiväd. Ezmäižel päiväl mastarid-laivaižiden sauvojad ühtneba "Rahvahan veneh"-konkursaha, ozutaba adivoile tradicionaližid da nügüdläižid ičeze käzil tehtud penid laivaižid. Necil-žo päiväl mäneb "Sur' laivvoibištelend", sen sportmatk om enamab 12 kilometrad[3]. Toižel festivalin päiväl adivod kacuba "Kižin regat"-laivvoibištelendad, miččen sportmatk om 1,7 kilometrad i mitte mäneb Kižin kelloiden heläiduses. Voibištelendan lopus valitas vägestajid erazvuiččiš nominacijoiš, a adivod ühtneba praznikprogrammaha: kacuba sädaikollektivoiden ezitusid, ozutelusid, ühtneba mastar'-klassoihe, mujaba "Kižin lent da čajud"[2].
Vodel 2025 festival' mäni jo 27. kerdan elokun 1.-2. päivil[4]. Sihe ühtni enamaba 40 joukud da 2500 kacujad[6], kudambiden keskes oliba eläjad ei vaiše Karjalaspäi, a mugažo erazvuiččiš Venäman lidnoišpäi da agjoišpäi — Piterišpäi, Moskvaspäi, Vologdaspäi, Murmanskаspäi, Piterin da Arhangel'skan agjoišpäi[4].
Festivalin sädajad
Jogavoččen "Kižin regat"-festivalin sädai om Kiži-muzei-kaičuztaho[2].
Galerei
 |
 |
 |
 |
| 2016. voz' | 2019. voz' | 2025. voz' | Festivalin logotip |
Homaičendad
- ↑ РПСМ верен традициям «Кижской регаты». sur.ru. Дата обращения: 18 redukud 2025.
- ↑ 1 2 3 4 Первое информационное письмо. Фестиваль. kizhi.karelia.ru. Дата обращения: 18 redukud 2025.
- ↑ 1 2 3 Фестиваль традиционного судостроения и судоходства. vk.com. Дата обращения: 18 redukud 2025.
- ↑ 1 2 3 Самая необычная регата Карелии прошла в Кижах уже в 27-й раз. sampotv360.ru. Дата обращения: 18 redukud 2025.
- ↑ Кижская регата 2025: от кижанок до ладьи викингов. ptzgovorit.ru. Дата обращения: 18 redukud 2025.
- ↑ Кижская регата 2025. mskgazeta.ru. Дата обращения: 18 redukud 2025.
