Kamenk (lidn, Venäma)
| Kamenk | |||||
 | |||||
| |||||
| Valdkund | |||||
|---|---|---|---|---|---|
| Istorii da geografii | |||||
| Tegemižen päiv |
XVIII. vozsada | ||||
| Pind |
| ||||
| Высота |
180 | ||||
| Ekonomik | |||||
| Eläjad | |||||
| Eläjad |
| ||||
| Lugud | |||||
| Telefonan kod |
84156 | ||||
| Počtan indeksad |
442249 | ||||
| - | |||||
| lugeda • diskussii • redaktiruida | |||||
![Флаг[d]](/wiki/Fail:Flag_of_Kamenka_(Penza_oblast).png)
.png)
Kamenk (Kamenkan rajonan administrativine keskuz.
Istorii
Eländpunktan aluz om pandud amuiženno kiviženno bradindsijanno 18. voz'sadan augotišes kuti žilo nügüdläiženke nimenke. Žilon toine nimi oli Dmitrijevskoje ph. Dmitrii Salonikilaižen jumalanpertin mödhe, mainitaškanzihe vspäi 1717. Kätihe rajonan keskuseks vl 1928, radnikžiloks vn 1944 15. päiväl kezakud. Se sai lidnan statusad vs 1951 sulakun 18. päiväspäi.
Kamenk šingotase maižanduztehnikan tegimel[2], sauvondmaterialiden pästandal (savič, raudbetontegesed, putegesed), sömtegimištol (järed sahartegim, voitegim, leibtegim, oludtegim, surintegim, maploduiden konservedheotand).
Geografijan andmused
Lidn sijadase rajonan keskuzpalan pohjoižes, Atmis-jogen hural randal tobjimalaz (Mokšan üläjoksmusen hura ližajogi), 180 m ü.m.t. keskmäižel korktusel. Matkad Penzhasai om 63 km päivnouzmha orhal, 80 km avtotel vai 86 km raudtel. Toižed lähembaižed lidnad oma Belinskii 49 km suvipäivlaskmha orhal vai 55 km avtotedme, i Alalomov 46 km lodeheze-pohjoižhe orhal, 73 km avtotedme vai raudtedme. «Penz — Tambov»-avtote ümbärdab lidnad suvespäi. Belinskai-raudtestancii (ven.: Белинская) radab lidnan keskuzpalas «Penz — Moršansk»-raudtekeskustal vspäi 1874, edel voziden 1918..1925 stancijan nimituz oli Vojeikovskai (ven. Воейковская). Toine stancii om Sel'maš raudteplatformanke, om olmas vspäi 1958.
Kamenk om lidnankundan üks'jäine eländpunkt. Lidnankundan pind — 31,82 km².
Eläjad
Vl 1939 lidnan ristitišt oli 8 265 eläjad. Vn 2010 Venäman rahvahanlugemižen mödhe lidnan eläjiden lugu oli 39 577 ristitud, rajonan kaks' koumandest. Kaikiš suremb lidnan ristitišt oli 45..46 tuhad eläjid vll 1995−1998 (46 700 rist. vl 1996). Vl 2017 lidnan ristitišt oli 36 566 eläjad.
Rahvahad (2010): venälaižed — 88,4%, totarlaižed — 4,9%, toižed rahvahad — 6,7%.
Ortodoksižen hristanuskondan kaks' jumalanpertid[3] ratas lidnas: ph. Dmitrii Salonikilaižen i ph. Aleksandr Nevalaižen. Islaman pühäpert' om avaitud vspäi 1999.
Kamenkan tehmižtehnologijoiden da edheotaikundan tehnikum[4] om lidnan professionaližen opendusen aluzkundaks.
Edeline lidnan Administracijan pämez' om Väčeslav Moiseev (kül'mku 2019 — sügüz'ku 2021).
Galerei
- Каменка (Пензенская область), Советская, 107 20211011.jpg
Lidnan Administracijan sauvuz (2021)
- Saint Demetrios Church, Kamenka.jpg
Ph. Dmitrii Salonikilaižen jumalanpert', vn 2014 nägu
«Belinsksel'maš»-tegimen kontor vl 2012
Keskškol nomer 9 (2012)
Belinskai-päraudtestancijan sauvuz vl 2012
Homaičendad
- ↑ 1,0 1,1 26. Численность постоянного населения Российской Федерации по муниципальным образованиям на 1 января 2018 года — Riikliku statistika föderaalteenistus.
- ↑ «Belinsksel'mač»-tegimen sait (bsm.sura.ru). (ven.)
- ↑ Kamenkan pühäpertid sobory.ru-saital. (ven.)
- ↑ Kamenkan tehmižtehnologijoiden da edheotaikundan tehnikuman sait (kamptp.ru). (ven.)
Irdkosketused
 |
Kamenk (lidn, Venäma) Vikiaitas |
| Penzan agjan lidnad | ||
| Alalomov | Belinskii | Gorodišče | Kamenk | Kuzneck | Nikol'sk | Penz | Serdobsk | Spassk | Sursk | Zarečnii | ||