Kuzneck

Kuzneck
Kuzneck
Флаг[d]	Герб
	53°07′00″ с. ш. 46°36′00″ в. д.GЯO
Valdkund	Venäma;
Istorii da geografii
Tegemižen päiv	1699
Pind	23;
Высота	240
Aigvö	UTC+3[d]
Eläjad
Eläjad	▼78 390 чел. (2021);
Lugud
Telefonan kod	841-57
Počtan indeksad	442530
	Официальный сайт
	Mediafailad RUWIKI-tedoiš

Kuzneck (ven.: Кузне́цк, tot.: Кузнецк / Күзнәй) om Venäman lidn da lidnümbrik Penzan agjan päivnouzmas. Se om agjan kahtenz' lidn eläjiden lugun mödhe, mugažo Kuzneckan rajonan administrativižeks keskuseks.

Istorii

Eländpunktan aluz om pandud Petr I-carin Vasilii Nariškin-abunikal vl 1699 kuti Trujovo-Voskresenskoje, sid' Nariškino-žilo. Šingotihe käziradoil i jarmankoil. Se sai makundan lidnan oficiališt statusad nügüdläiženke nimenke Jekaterina II-imperatornaižen käskön mödhe vn 1780 kül'mkus. Vl 1874 raudte läbiti lidnad.

Kuzneck šingotase mašinansauvomižel (cisternad i mašiništon palad nozoltadud gazan täht), sömtegimištol (leibänkombinat, vintegim), nahktegimel i omblendfabrikal.

Geografijan andmused

Lidn sijadase Trujov-jogen hural randal tobjimalaz (ven.: Труёв 63 km pitte, Suran üläjoksmusen hura ližajogi), 240 m ü.m.t. keskmäižel korktusel. Matkad Penzhasai om 106 km päivlaskmha orhal, 123 km avtotel vai raudtel. Lähembaižed lidnad oma Sursk i Gorodišče 61 km päivlaskmha orhal, 76 km avtotedme vai raudtedme. «Penz — Sizran'»-avtote mäneb lidnadme. «Penz — Sizran'»-raudte läbitab lidnad. Kuzneck-raudtestancii radab lidnan keskuzpalas.

Kuzneck om lidnümbrikon üks'jäine eländpunkt.

Eläjad

Vl 1939 lidnan ristitišt oli 37 842 eläjad. Vn 2010 Venäman rahvahanlugemižen mödhe lidnan eläjiden lugu oli 88 839 ristitud. Kaikiš suremb lidnan ristitišt oli 101 tuhad eläjid vll 1993−1994.

Rahvahad (2010): venälaižed — 84,7%, totarlaižed — 9,2%, mordvinalaižed — 2,2%, toižed rahvahad — 3,9%.

Ortodoksižen hristanuskondan Sündun Voznesenjan kafedraline päjumalanpert'^[2] (1842−1856), viž jumalanpertid, časoun', kaks' vauktustuzkeskust, vanhuskolaižiden loičendpert', protestantizman kaks' jumalanpertid, islaman pühäpert' i medrese ratas lidnas.

Professionaližen opendusen aluzkundad oma Kuzneckan medicinine, muzikaline, äiprofil'ne^[3], pedagogine i elektrotehnikan kolledžad, Kuzneckan informacijan da ohjandusen tehnologijoiden institut^[4] (Penzan valdkundaližen universitetan filial).

Galerei

Leninan torg (2015)
Вознесенский кафедральный собор.JPG

Sündun Voznesenjan kafedraline päjumalanpert', vn 2009 nägu
Лыжная база в Кузнецке.jpg

Hihtandsportan baz vl 2010
«Komsomolec»-kinoteatr (2006)
Päraudtestancijan sauvuz vl 2015

Homaičendad

Irdkosketused

	Penzan agjan lidnad
	Alalomov \| Belinskii \| Gorodišče \| Kamenk \| Kuzneck \| Nikol'sk \| Penz \| Serdobsk \| Spassk \| Sursk \| Zarečnii

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Kuzneckan pühäpertid sobory.ru-saital. (ven.)

[3] Kuzneckan äiprofil'žen kolledžan sait (mcollege.ru). (ven.)

[4] Kuzneckan informacijan da ohjandusen tehnologijoiden institutan sait (kiiut.ru). (ven.)

[1]

[2]

[3]

[4]