Nikol'sk (Penzan agj)

Nikol'sk
Nikol'sk
Флаг[d]	Герб
	53°43′00″ с. ш. 46°05′00″ в. д.GЯO
Valdkund	Venäma;
Istorii da geografii
Tegemižen päiv	1761
Pind	12;
Высота	240
Eläjad
Eläjad	▲19 873 чел. (2021);
Lugud
Telefonan kod	84165
Počtan indeksad	442680
	Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Nikol'sk (ven.: Нико́льск, erz.: Никольск ош) om Venäman lidn da lidnankund Penzan agjan pohjoižpäivnouzmas. Se om Nikol'skan rajonan administrativine keskuz.

Istorii

Eländpunktan aluz om pandud vl 1761 kuti Nikol'skai Pöstrovk-žilo (ven.: Никольская Пёстровка) kahtel žilon ühtenzoitusel: Nikol'skoje (Nikolo-Pöstrovk, oli tetab vspäi 1668) i Pöstrovk (Pen' Pöstrovk, 1680-nziš vozišpäi). Šingotihe hrustalin stökoltegimel (1764−2010). Vl 1928 kätihe radnikžiloks. Se sai lidnan statusad nügüdläiženke nimitusenke vn 1954 15. päiväl sulakud.

Nikol'sk šingotase vauktusentehnižen stöklan tegimel i sömtegimištol.

Geografijan andmused

Lidn sijadase rajonan päivnouzmas, Virgan-jogen hural randal tobjimalaz (ven.: Вырган, Suran oigedpol'ne bassein ližajogi), 240 m ü.m.t. keskmäižel korktusel. Matkad Penzhasai om 92 km suvipäivlaskmha orhal vai 112 km avtotel. Lähembaine lidn om Inz (raudtestancii, Ul'janovskan agj) 24 km pohjoižpäivnouzmha orhal vai 51 km avtotedme. «Penz — Ul'janovsk»-avtote läbitab lidnan päivlaskmad. Kaidraižuine raudte Inzhasai om muretud lidnas 2000-nzil vozil.

Nikol'sk om lidnankundan üks'jäine eländpunkt. Lidnankundan pind — 12,69 km².

Eläjad

Vl 1939 lidnan ristitišt oli 10 100 eläjad. Vn 2010 Venäman rahvahanlugemižen mödhe lidnan eläjiden lugu oli 22 471 ristitud, rajonan kaks' koumandest. Kaikiš suremb lidnan ristitišt oli 26..27 tuhad eläjid vll 1989−1998 (27 300 rist. vl 1992).

Ortodoksižen hristanuskondan viž pühäpertid^[2] oma avaitud lidnas: Sündun Eläbzdusen päjumalanpert' (1824, leibtegim radoi, om udessündutadud 2000-nzil vozil), Sündun Eläbzdusen uz' jumalanpert' (om saudud vll 1999−2003), mugažo koume časounäd.

Rahvahad (2010): venälaižed — 88,5%, mordvinalaižed — 9,8%, toižed rahvahad — 1,7%.

Nikol'skan tehnologine kolledž^[3] om professionaližen opendusen aluzkundadaks.

Homaičendad

Irdkosketused

Lidnan tobmuden aluzkundoiden sait (nik.rnikolsk.pnzreg.ru). (ven.)

	Penzan agjan lidnad
	Alalomov \| Belinskii \| Gorodišče \| Kamenk \| Kuzneck \| Nikol'sk \| Penz \| Serdobsk \| Spassk \| Sursk \| Zarečnii

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Nikol'skan pühäpertid sobory.ru-saital. (ven.)

[3] Nikol'skan tehnologižen kolledžan sait (nik-ntk.ucoz.ru). (ven.)

[1]

[2]

[3]