Serdobsk

	Serdobsk
Флаг[d]	Герб
	52°28′00″ с. ш. 44°13′00″ в. д.GЯO
Valdkund	Venäma;
Istorii da geografii
Pind	28,42;
Высота	180
Aigvö	UTC+3:00[d], UTC+4:00[d] и SAMT[d]
Ekonomik
Eläjad
Eläjad	▼30 220 чел. (2021);
Lugud
Počtan indeksad	442890
-
	lugeda • diskussii • redaktiruida

Serdobsk (Serdobskan rajonan administrativine keskuz.

Istorii

Eländpunktan aluz om pandud Serdob-jogen molembil randoil vl 1698 kuti Serdobskai (Arhangel'skai)-slabad (Jekaterina II-imperatornaižen käskön mödhe vs 1780 kül'mkun 7. päiväspäi. Lidn oli tetab diniden kazvatandal, ned kuvadasoiš Serdobskan simvolikš. Kaik 51 tegimišton edheotandad radoi lidnas edel Suren sodan zavodindad.

Serdobsk šingotase mašinansauvomižen tegimel (avtopalad «VAZ»-tegimen täht), sömtegimištol (maidvoitegim, sömkombinat, konditerine edheotand) i mebel'kombinatal.

Geografijan andmused

Lidn sijadase rajonan keskuzpalas, Serdob-jogen oiktal randal (Hopran üläjoksmusen hura ližajogi), 180 m ü.m.t. keskmäižel korktusel. Om toižid eländpunktoid jogen vastrandal. Matkad Penzhasai om 98 km pohjoižpäivnouzmha-pohjoižhe orhal, 113 km avtotel vai raudtel. Lähembaine lidn om Rtiščevo (Saratovan agj) 37 km suvipäivlaskmha orhal, 48 km avtotedme vai raudtedme.

«Penz — Balašov»-avtote ümbärdab lidnad pohjoižespäi. Serdobsk-raudtestancii radab vspäi 1894 lidnan päivlaskmas, «Penz — Balašov»-raudtekeskustal.

Serdobsk om lidnankundan üks'jäine eländpunkt. Lidnankundan pind — 28,42 km².

Eläjad

Vl 1939 lidnan ristitišt oli 12 807 eläjad, vl 1959 — 26 119 eläjad. Vn 2010 Venäman rahvahanlugemižen mödhe lidnan eläjiden lugu oli 35 393 ristitud, rajonan kaks' koumandest. Kaikiš suremb lidnan ristitišt oli 40..44 tuhad eläjid vll 1980−2001 (44 900 rist. vl 1992). Vl 2017 lidnan ristitišt oli 32 554 eläjad.

Rahvahad (2010): venälaižed — 96,9%, toižed rahvahad — 3,1%.

Ortodoksižen hristanuskondan kaks' pühäpertid^[3] oma avaitud lidnas: ph. Mikoi-arhangelan uz' päjumalanpert' (om saudud vll 1895−1905) i ph. Vladimiran jumalanpert' (2015).

Professionaližen opendusen aluzkundad oma Serdobskan äiprofil'ne tehnikum^[4] (Serdobskan maižanduztehnikum om mülütadud sihe vl 2012), Penzan agjan medicinižen kolledžan filial i Penzan valdkundaližen universitetan filial.

Lidnankundan pämez' om Ezitajiden Nevondkundan ezimez'. Edeline lidnan pämez' om Anatolii Kaišev (reduku 2017 — sügüz'ku 2022, Анатолий Кайшев). Lidnan Administracijan pämez' om Sergei Varlamov vn 2020 uhokuspäi.

Galerei

Здание администрации Сердобского района - panoramio.jpg

Serdobskan rajonan tobmuden pert'
Ph. Mikoi-arhangelan päjumalanpert', vn 2008 nägu
Mašinansauvomižen tegim vl 2008
Дом искусств, 2009 год - panoramio.jpg

Čomamahtoiden pert' (2009)
Päraudtestancii vl 2015