Ivanovskije ostrova

Рувики-späi
Ivanovskije ostrova
Острова Ивановские.jpg
Sijaduz
61°46′00″ с. ш. 34°37′00″ в. д.GЯO
AkvatoriiÄnine
Ma
Логотип РУВИКИ.Медиа Mediafailad RUWIKI-tedoiš

Ivanovskije ostrova (ven.: Ива́новские острова́) — sariden grupp, mitte om lähtendsijas Petroskoin lahtespäi Änižen öbokan poles Petroskoin ümbrištos. Saril om lidnan rajonan status[2].

Üleižed tedod

Sariden gruppaha mülüba: Nikol'skii (pind 33 ga), Koivostrov- (12,5 ga), Mudrostrov- (12,5 ga), Pedai- (44 ga), Madostrov- (19 ga) i Ivanovskii-sared (9,5 ga).

Kaikid suvemba om Ivanovskii-sar'. Ani augotišespäi sil oli "Majačnii"-nimi. Nügüd' sarel kaičihe majak, se om tactud i sil ei ole kaludištod. Sišpäi avaidase čoma londuzkuva Ivanovskije ostrova-sariden gruppaha. Kaikid korktemb om Pedai-sar'.

Istorijaližed tedod

Augotišespäi sared mülüiba Oloncan kal'l'ohjanduzkundaha. Vodel 1872 Madostrov- i Pedai-sared anttihe Petroskoihe vajehtades ned lidnan omaluižsijale[3].

XVIII voz'sadan lopus läz Ivanovskije ostrova-sariden gruppad laiv putui ozatomudehe, murenzihe, konz vedetihe sadok kalanke Oloncan da Arhangel'skan gubernatoran T. I. Tutolminan täht, miše kezapertinno tehta uit. Sen jäl'ghe Petroskoin lahtes zavodiba eläda somad da os'otrad[4].

Nikol'skii-sarel Okt'abr'skijan revol'ucijahasai oli Čudotvorcan Nikolajan časoun'[5][6][7]. Saril eliba Ivanovskije ostrova-sariden gruppan papid da majakan radnikad. Tradicijan mödhe saril čaptihe mecad Petroskoin tarbhuziden täht[8].

2. redukud vodel 1911 läz Ivanovskije ostrova-sariden gruppad upsi Änižen laivišton sebran (ven.) (vep. "Svir'"-laiv. Kalanikoiden abul, kudambad oliba saril, kaik matknikad kaitihe i todihe sarile[9]. Möhemba laiv oli letud, no ei olend udištadud, purumašin anttihe udehe "Susanin"-laivaha.

Rahvahaližen voinan aigan saril oli avaitud polestusen vahvištoituzsauvotused (ven.) (vep., miše kaitas vauktoišpäi, ku ned tuleba Petroskoihe. 47. sauvondbataljonan abul saril oli tehtud azegbatarei Änižen voinlaivišton tarbhuziden täht[10], laivišton sauptandan jäl'ghe se oli heittud. Miše tarkištelda vihanikoiden laivoid Ivanovskii-majak ühtenzoittihe telefonlinijal Petroskoinke[11]

Vozil 1920 sarele zavottihe tehta tundištoituzmatkoid[12].

Ivanovskije ostrova-sariden gruppan rindal 11. kezakud vodel 1927 ozaižihe purehvenehen ozatomuz'. Koli Spartak-sebran ühtnik Sergei Br'ahmin. Sportmehed läksiba satmaha Leningradan purehvenehen sportmehid, jäiba eloho J. Roskin, N. Leičinskii, B. Andrejev, A. Vasiljev. Purehveneh kukerzihe i upsi[13].

Suren Kodiman voinan augotišes läz Ivanovskije ostrova-sariden gruppad evakoitihe Petroskoin eläjid, kudambid vedetihe laivoil Pudožaha da Vitegraha. 27. sügüz'kud vodel 1941 Derev'annoje-külän sijaspäi suomalaine armii ambui baržadme № 485, miččen laidal oliba evakoitud rahvahaližed pagenikad. Ambundan taguiči barž upsi. "Kingisepp"-vedändlaivan jouk kaiči 78 matknikad 119 mehespäi.

Suomalaižen okkupacijan aigan sared oliba polestuzrajonan Petroskoin täht, Ivanovskije ostrova okkupacijan aigaks saiba Lukkosaari-nimen. Saril nügüdehesai kaičihe dotad, zenitsauvotusiden i toižiden polestuzsauvotusiden jäl'ged.

Vodel 1960 pumajakan sijas letihe uz' metallmajak 25 metran korktudel. Majakaha oli pandud acetilenfonar', möhemba lämoi oli elektrofonarišpäi elektrostancijan abul, mitte oli pandud sarel[14]

Elokus vodel 1960 läz Ivanovskije ostrova-sariden gruppad "Ladoga"-matkteplohod ocastihe vedenaluiženke rifanke i upsi. Niken 253 matknikoišpäi ei satatanus. Necil-žo vodel teplohod oli letud i kohetud[15]

Melentartuisijad

  • Majak Ivanovskii-sarel — metallkonstrukcii läz 25 m korktudel, om pandud betonalandusele. Nügüd' majakan kaludištod ei ole, no majaktandrehelpäi avaidase panoramlonduzkuva Ivanovskije ostrova-sariden gruppaha da Petroskoihe.
  • Polestuzsauvotusiden jäl'ged — saril kaičihe XX voz'sadal saudud fortifikacijan objektad. Ivanovskii-sarel oma tetabad kahten batarejan jäl'ged: üks' om muretud, kaičihe vaiše erased sauptud pertedesed i platform zenitazegen täht ümbrikacundanke; toine batarei kaičihe, om muretud vaiše sauvotusen pala[16].

Galerei

  • Majak Ivanovskii-sarel

    Majak Ivanovskii-sarel

  • Polestuzsauvotusiden jäl'ged Ivanovskii-sarel

    Polestuzsauvotusiden jäl'ged Ivanovskii-sarel

Homaičendad

  1. ↑ GEOnet Names Server — 2018.
  2. ↑ Об утверждении Перечня элементов улично-дорожной сети и планировочной структуры города Петрозаводска, используемых в качестве реквизитов адреса. Постановление Администрации Петрозаводского городского округа № 2305 от 03.09.2019 (с изменениями на 26.02.2025) (26 uhokud 2025). — Пункт 2353. Дата обращения: 17 keväz'kud 2026.
  3. ↑ Протокол заседания Петрозаводской городской думы от 21 сентября 1872 г. // Олонецкие губернские ведомости. 1872. 18 октября. ogv.karelia.ru. Дата обращения: 17 keväz'kud 2026.
  4. ↑ Стерлядь в Онежском озере // Олонецкие губернские ведомости. 1845. 30 августа. Дата обращения: 17 keväz'kud 2026.
  5. ↑ «Чудо Николая Чудотворца на Онежском озёрѣ» // Олонецкій сборникъ : выпускъ IV-й. — С. 64.
  6. ↑ Н. Ш<айжин>. Слава Святителя и Чудотворца Николая в Олонецком крае // Олонецкие епархиальные ведомости. — 1909. — № 4. — С. 104—106.
  7. ↑ Слава Святителя и Чудотворца Николая в Олонецком крае // Олонецкие епархиальные ведомости. — С. 240—243.
  8. ↑ Действия городских управлений. ogv.karelia.ru. Дата обращения: 17 keväz'kud 2026.
  9. ↑  // Олонецкая неделя. — 1911. — 9 redukud.
  10. ↑ РГА ВМФ. Онежская военная флотилия. Дата обращения: 17 keväz'kud 2026.
  11. ↑ Широкорад А. Б. Великая речная война, 1918—1920. — М.: Вече, 2006.
  12. ↑ Экскурсия на Ивановские острова // Курьер Карелии. — 1925. — 9 elokud.
  13. ↑  // Красная Карелия. — 1927. — 15 kezakud.
  14. ↑ Новый маяк // Водник Карелии. — 1960. — 6 elokud.
  15. ↑ Александров Н. Происшествие у Ивановского маяка // Водник Карелии. — 1960. — 10 tal'vkud.
  16. ↑ Ивановский остров в Онежском озере. Wiki Карелия. Дата обращения: 17 keväz'kud 2026.

Literatur

  • гл. ред. А. Ф. Титов. Карелия: энциклопедия: в 3 т.. — Петрозаводск: ИД «ПетроПресс», 2007. — С. 362—400. — ISBN 978-5-8430-0123-0.
Om sadud "https://vep.ruwiki.ru/w/index.php?title=Ivanovskije_ostrova&oldid=514684"