Holopov Viktor Mihailovič

Viktor Mihailovič Holopov
Viktor Mihailovič Holopov
Sündundpäiv	1. keväz'kud 1910
Sündundtaho	Räzan', Venäman imperii[d];
Kolendpäiv	13. vilukud 2007 (96 лет)
Kolendtaho	Kondopoga, Karjalan Valdkund, Venäma;
Rahvahuz'	Sovetskii Sojuz; Venäma;
Openduz	Mecantehnine akademii
Organizacii	Kondopogan cell'uloza-bumagan kombinat
Radsija	pämez'

Viktor Mihailovič Holopov (ven.: Ви́ктор Миха́йлович Хо́лопов, 1. keväz'kud 1910, Räzan' — 13. vilukud 2007, Kondopoga, Karjalan Valdkund) — sovetskii i venälaine elomišton radnik, Socialistižen radon Geroi^[1].

Elostarin

Viktor Holopov sündui manradnikan kanzas. Konz hän lopi keskškolan, radoi man elomištos^[2].

Vodel 1929 päzui opendamhas Leningradan macantegeližehe akademijaha, lopi sen vodel 1934 "cell'uloza-bumagan tegeližuden himik-tehnolog"-specialižuden mödhe.

Vozil 1934—1940 hän radoi Balahnan cell'uloza-bumagan kombinatal, oli mastarin, varapämehen, cell'ulozan zavodan pämehen, tulotandan pämehen, tehnižen pämehen.

Vozil 1939—1941 — Säs'strojen cell'uloza-bumagan kombinatan päinženeran Piterin agjas.

Vozil 1941—1942 — Solikamskan cell'uloza-bumagan kombinatan päinženeran Permin agjas.

Vozil 1944—1945 — Malinskan bumagfabrikan pämez'.

Vozil 1945—1947 — Kaliningradan kombinatan № 1 pämez'.

Vozil 1950—1955 — Židačovan kombinatan päinžener.

Vozil 1955—1982 — Kondopogan cell'uloza-bumagan kombinatan (ven.) (vep. pämez'.

Viktor Holopovad valitihe Karjalan ASSRan Ülembaižen nevondišton deputataks, Kondopogan Rahvahan deputatoiden nevondišton deputataks.

Vilukus vodel 1982 läksi kombinatan pämehen radsijalpäi pensijale.

Vodel 1986 läksi hänen kirj ven.: «Этапы большого пути: Записки директора Кондопожского ЦБК», Kondopogan cell'uloza-bumagan kombinatan tegemižess da kehitoituses.

Vozil 1982-1992 oli aktivistan, oli partijan veteranoiden rajonižen nevondišton, voinan da radon veteranoiden nevondišton ohjandajan.

13. vilukud vodel 2007 V. M. Holopov koli.

Radon arvod

Viktor Mihailovič Holopovan ohjandusel Kondopogan cell'uloza-bumagan kombinatal (ven.) (vep. bumagan tulotand kazvoi kümnehe kerdaha^[3]. V. M. Holopov kaiči projektad uziden bumagtegeližiden pigamašinoidenke kacmata sihe, miše ned oliba kal'hembad i niiden täht pidi sauda uzid cehoid. Radon täht osttihe kuz' ut bumagtegelišt mašinad, saudihe uzid cehoid, udištadihe cell'ulozanzavod. Holopov andoi radnikoile rahalahjoid, ku zavodal ei olend nimiččid ozatomusid. Rates hän oleskeli 35 mas.

Kondopogan cell'uloza-bumagan kombinat oli lideran toižen kerdan veden kävutandan mödhe.

Vodel 1969 Kondopogan lehtezbumagale anttihe Sovetskijan Sojuzan valdkundaline ladun znam. Kombinat mülüi bumagan pätondan da vendan lugetišehe Sovetskijas Sojuzas.

Pauklahjad

Socialistižen radon Geroi, Sovetskijan Sojuzan Ülembaižen nevondišton prezidiuman käsk voden 1971 sulakun 20. päiväspäi^[4];
Om pauklahjoitud kahtel Leninan ordenal;
Om pauklahjoitud "Arvznam"-ordenal (1960);
Om pauklahjoitud Okt'abr'skijan Revol'ucijan ordenal (1976);
Karjalan ASSRan rahvahan elomišton arvostadud radnik;
Kondopogan lidnan arvokaz eläi (1979).

Kanz

Tat — Mihail Prokopjevič, koli ühtnedes Rahvahaližehe voinaha. Mam — Jevdokija Vasiljevna. Sizared — Jevgenija i Varvara.

Ak — Kalerija Petrovna, radoi Kondopogan cell'uloza-bumagan kombinatan keskuzlaboratorijan aigsijaližen pämehen. Vladimir-poig (1940), Natalia-tütär (1941).

Mušt

Vodel 2010 V. M. Holopovan 100-voččeks jubilejaks Kondopogas pertihe, miččes hän eli Sovetoiden da Proletarskaja-irdoiden risttel, pandihe Muštlaud.
Vodel 2024 redukus Karjalan tegeližuden da möndan ministerstvan käskön mödhe vahvištoittihe medal' Viktor Mihailovič Holopovan nimel "Panendas Karjalan tegeližuden kehitoitandaha"^[5].

Kirjutesed

Холопов В. М. Этапы большого пути. — Петрозаводск: «Карелия», 1986. — 256 с..

Homaičendad

↑ Титов, 2011.
↑ Холопов Виктор Михайлович (рус.). Интернет-проект "Герои страны". Дата обращения: 7 elokud 2025.
↑ Советский и российский хозяйственный деятель, директор Кондопожского ЦБК в 1955–1982 годах (рус.). историческийбагаж.рф. Дата обращения: 7 elokud 2025.
↑ профком ОАО «Кондопога». Знаменитые люди Кондопожского района (неопр.). Официальный сайт администрации Кондопожского муниципального района. Дата обращения: 6 elokud 2025.
↑ Первую Медаль имени Холопова В. М. получил работник Кондопожского ЦБК (рус.). Сайт Министерства промышленности и торговли Республики Карелия. Дата обращения: 9 elokud 2025.

Literatur

А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006. — Петрозаводск, 2006. — 320 с.;
А. Ф. Титов. Карелия: энциклопедия. — Петрозаводск: «ПетроПресс», 2011. — 384 с.

Lähtked

Садовская Е. И. В. М. Холопов: «Комбинат — это и есть моя жизнь» // Краеведческие чтения. Материалы XIV научной конференции (19—20 февраля 2020 года). — 2020. — С. 297—304.
Холопов Виктор Михайлович (рус.). Интернет-проект "Герои страны". Дата обращения: 7 elokud 2025.
Советский и российский хозяйственный деятель, директор Кондопожского ЦБК в 1955–1982 годах (рус.). историческийбагаж.рф. Дата обращения: 7 elokud 2025.

[_ca89306f129d5cd4-1] Титов, 2011.

[2] Холопов Виктор Михайлович (рус.). Интернет-проект "Герои страны". Дата обращения: 7 elokud 2025.

[3] Советский и российский хозяйственный деятель, директор Кондопожского ЦБК в 1955–1982 годах (рус.). историческийбагаж.рф. Дата обращения: 7 elokud 2025.

[4] профком ОАО «Кондопога». Знаменитые люди Кондопожского района (неопр.). Официальный сайт администрации Кондопожского муниципального района. Дата обращения: 6 elokud 2025.

[5] Первую Медаль имени Холопова В. М. получил работник Кондопожского ЦБК (рус.). Сайт Министерства промышленности и торговли Республики Карелия. Дата обращения: 9 elokud 2025.

[1]

[2]

[3]

[4]

[5]