Gudermes
| Gudermes | |
|---|---|
| čeč.: Гуьмсе | |
 | |
| 43°21′ с. ш. 46°06′ в. д.GЯO | |
| Valdkund | |
| Istorii da geografii | |
| Tegemižen päiv | 1941 |
| Pind |
|
| Высота | 55 |
| Aigvö | UTC+3[d] |
| Eläjad | |
| Eläjad |
|
| Lugud | |
| Počtan indeksad | 366200 |
|
|
|
| Официальный сайт | |
 Mediafailad RUWIKI-tedoiš | |
Gudermes (ven.: Гудерме́с, čeč.: Гуьмсе, kum.: Гюйдюрмес) om Venäman lidn, lidnankund da raudtesol'm Čečenijan Tazovaldkundan päivnouzmas. Se om Gudermesan rajonan administrativine keskuz, mülüb sihe vspäi 2012.
Istorii
Eländpunktan aluz om pandud 17. voz'sadan augotišes kuti Gums-aul (Gümse) i vl 1893 kuti raudtesol'm läz necidä aulad. Vl 1929 kätihe Gudermes-žilod raudtestancijanke radnikžiloks, möhemba udesnimitihe Kalininan nimel. Vn 1941 5. päiväl sulakud ühtenzoittihe Kalininan žilod, Kunduhovan eländpunktad i Gümse-aulad da anttihe lidnan statusad, nimitihe Gudermesaks. Voziden 1994−1996 sodan aigan Gudermesan tegimišt i äjad pertid oliba muretud.
Gudermes šingotase himižel tegimel, medicinižinstrumentoiden tegimel, sömtegimišton edheotandoil (konservad, limonadad, jähine), savičun tegimel (vspäi 2014), raudten kohendusen cehil. Sadas kivivoid i kazvatadas vinmarjad lidnan ümbrištos.
Geografijan andmused
Lidn sijadase Belk- (Gudermes keskjoksmuses, čeč.: Гуьмс-хи, 80 km pitte) i Sunž-jogiden oiktoil randoil (Terekan bassein), Belkan lanktendanno Sunžha, 55 m keskmäižel korktusel valdmeren pindan päl. Matkad Grozniihasai om 40 km päivlaskmha. «Groznii — Mahačkal»-raudtekeskust i avtote läbitadas lidnad. Lähembaine lidn om Argun 25 km suvipäivlaskmha.
Gudermes om lidnankundan üks'jäine eländpunkt.
Eläjad
Vn 2010 kaiken Venäman rahvahanlugemižen mödhe eläjiden lugu oli 45 631 ristitud, rajonan koumandez. Vl 2017 lidnan ristitišt oli 51 776 eläjad. Kaikiš suremb lidnan ristitišt om nügüd'.
Rahvahad (enamba 0,4% vl 2010): čečenalaižed — 95,3%, venälaižed — 2,2%, kumikad — 1,0%, toižed rahvahad — 1,3%, rahvahuden ozutandata — 0,2%.
Islaman kahesa pühäpertid om saudud lidnas, niiden kesken pämečet' Tašu-Hadžin nimed seičemen tuhad uskojiden täht om letud vll 2010−2011.
Gudermesan raudteiden tehnikum[3], pedagogine kolledž[4] i Čečenijan bazižen medkolledžan filial[5] oma lidnan professionaližen opendusen aluzkundoikš.
Galerei
Gudermes Siti (2016)
Pämečet' Tašu-Hadžin nimed, vn 2016 nägu
Vanh Džuma-mečet', ende keskuzline, vn 2020 nägi
Hollamad — muštznamad repressiruidud i deportiruidud ristituiden polhe (2021)
Gudermes-raudtestancii vl 2011
Homaičendad
- ↑ http://www.gks.ru/free_doc/2016/oktmo/tom4_oktmo.rar
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Gudermesan raudteiden tehnikuman sait (gjt.prof95.ru). (ven.)
- ↑ Gudermesan pedagogižen kolledžan sait (ped-college.prof95.ru). (ven.)
- ↑ Gudermesan filial Čečenijan bazižen medkolledžan chbmk95.ru-saital. (ven.)
Irdkosketused
- Gudermesan lidnankundan Ezitajiden nevondkundan oficialine sait (gorsovet.su). (ven.)
- Lidnan da Gudermesan rajonan Administracijan oficialine sait (gudermes.net). (ven.)
| Čečenijan Tazovaldkundan lidnad | ||
| Ačhoi-Martan | Argun | Groznii | Gudermes | Kurčaloi | Šali | Urus-Martan | ||