Šali
| Šali | |
|---|---|
| čeč.: Шела | |
 | |
| 43°09′ с. ш. 45°54′ в. д.GЯO | |
| Valdkund | |
| Istorii da geografii | |
| Pind |
|
| Высота | 225 |
| Aigvö | UTC+3[d] |
| Eläjad | |
| Eläjad |
|
| Lugud | |
| Počtan indeksad | 366300 |
|
|
|
| Официальный сайт | |
 Mediafailad RUWIKI-tedoiš | |
Šali (ven.: Шали́, čeč.: Шела) om Venäman lidn da lidnankund Čečenijan Tazovaldkundan päivnouzmas. Se om tazovaldkundan koumanz' lidn eläjiden lugun mödhe, Šalin rajonan administrativine keskuz (vspäi 1920), mülüb rajonha.
Istorii
19. voz'sadal Šali oli järedaks aulaks. Eländpunkt sai lidnan statusad vl 1990. Voziden 1994−1996 sodan aigan Šalin tegimišt i äjad pertid oliba muretud, lidn oli alištunu bombardiruindale kassetbomboil. Vn 2000 sodan aigan pästtihe raketad ezimeletadud separatistoiden suimha, sadad ristitud pölištuiba. Pertišton udessündutand zavodihe vl 2000. Avaitihe rekonstruiruidud lidnad vn 2018 semendkus.
Šali šingotase sauvondmaterialiden edheotandoil (raudbetontegim, savičuntegim, kiviümbriradai tegim, cementtegim), mugažo čomamahtoližen keramikan fabrik radab.
Geografijan andmused
Lidn sijadase Čečenijan tazangišton suvipalas, Džalk-jogen randoil (čeč.: Жалкх 77 km pitte, Bass üläjoksmuses, Terekan oigedpol'ne bassein), 225 m keskmäižel korktusel valdmeren pindan päl. Džalkan hura Šel'-Ahki-ližajogi (čeč. Шела-ахк 29 km pitte) läbitab lidnad mugažo. Matkad Grozniihasai om 25 km lodeheze orhal vai 33 km avtotedme. Lähembaine lidn om Argun 10 km pohjoižhe orhal vai 15 km avtol. Lähembaine raudtestancii om saudud Argun-lidnas, 18 kilometras.
Šali om lidnankundan üks'jäine eländpunkt. Lidnankundan pind — 234,94 km².
Eläjad
Vn 2010 kaiken Venäman rahvahanlugemižen mödhe eläjiden lugu oli 47 708 ristitud, rajonan kaks' videndest. Vl 2017 lidnan ristitišt oli 53 016 eläjad. Kaikiš suremb ristitišt om nügüd'.
Rahvahad (enamba 0,4% vl 2010): čečenalaižed — 90,2%, venälaižed — 5,4%, kumikad — 0,8%, avarad — 0,6%, kazahlaižed — 0,4%, tabasaranalaižed — 0,4%, toižed rahvahad — 2,1%, rahvahuden ozutandata — 0,1%.
Islaman pämečet' da kaks' mečetid oma avaitud lidnas. «Islamanuskojiden ülenpäižuz»-pämečet' Muhammad-endustajan nimed om saudud vll 2012−2019, se om kaikiš suremb Evropas i voib mülütada südäimehe 30 tuhad uskojid, ümbrištonke 70 tuhad.
Šalin valdkundaline kolledž[3] i Kaspiiskan medicinižen kolledžan filial[4] oma lidnan professionaližen opendusen aluzkundoikš.
Edeližed lidnankundan pämehed (merad) oma Magomed Kagirov (kül'mku 2016 — kezaku 2018) i Umar Dombaev (edel 2016. vot).
Galerei
- Шали. Строящийся комплекс высотных зданий и мечеть им. Р. Кадырова.jpg
Sauvomine vl 2017
«Islamanuskojiden ülenpäižuz»-pämečet', vn 2019 nägu
Lidnan irdadme (2015)
Homaičendad
Irdkosketused
- Lidnan tobmuden aluzkundoiden oficialine sait (meriyashali.ru). (ven.)
- Lidnan da Šalin rajonan tobmuden oficialine sait (shalinsky.ru). (ven.) (angl.)
| Čečenijan Tazovaldkundan lidnad | ||
| Ačhoi-Martan | Argun | Groznii | Gudermes | Kurčaloi | Šali | Urus-Martan | ||