Ačhoi-Martan

	Ačhoi-Martan
	čeč.: Iашхой-Марта, Тӏаьхьа-Марта
	Fail:Ачхой-Мартан.jpeg
	43°11′38″ с. ш. 45°17′00″ в. д.GЯO
Valdkund	Venäma;
Istorii da geografii
Tegemižen päiv	1846
Высота	250
Aigvö	UTC+3:00[d]
Ekonomik
Eläjad
Eläjad	▲30 739 чел. (2021);
Lugud
Počtan indeksad	366600
-
	lugeda • diskussii • redaktiruida

Ačhoi-Martan (čeč.: Тӏехьа-Марта / Iашхой-Марта) om Čečenijan Tazovaldkundan päivnouzmas. Se om Ačhoi-Martanan rajonan administrativine keskuz, mülüb rajonha.

Istorii

Eziauguine Ačhoi-eländpunkt oli muretud čečenan i carin sodavägiden toran aigan vl 1840.

Nügüdläižen eländpunktan aluz om pandud kuti Ačhoiskoje-varmitez vl 1846, sid' Ačhoi-Martan oficialižikš. Žilo sai nimed kahten jogen mödhe: Ačho (Ačhu, čeč.: Iашхо / Iашху) jokseb lidnan päivnouzmaižeks röunaks, Fortang-jogi (čeč.: Марта, ven.: Фортанга) läbitab lidnan keskuzpalad. Rahvahan deportacijan aigan žilon nimituz oli Novosel'skoje vll 1944−1957, sid' pördihe endišt nimed. Žilo sai lidnan statusad vn 2023 6. päiväl uhokud, edel se oli tazovaldkundan kaikiš järedamb külähine eländpunkt.

Ačhoi-Martan šingotase torguindan keskusil, plasmassan tegimel, sauvondmaterialiden järedal bazal i tehmižel (raudprofil', iknad, uksed), meblin edheotandal, konditerižiden tegesiden pästandal, semniden ümbriradmižen tegimel. Valdkundaline maižandusen edheotand om otnus villänkul'turoiden, saduiden i kabjživatišton kazvatushe.

Geografijan andmused

Lidn sijadase rajonan pohjoižpalan päivlaskmas, Kavkazan ezimägištol, 247 m keskmäižel korktusel valdmeren pindan päl. Nohčiin-Kort-mägi om lidnan suves. Matkad Grozniihasai om 36 km päivnouzmha-pohjoižpäivnouzmha orhal vai 49 km avtoteidme, «Kavkaz»-avtotrass mäneb kudes kilometras pohjoižhe. Lähembaine lidn om Urus-Martan 21 km päivnouzmha orhal vai 23 km avtotedme.

Ačhoi-Martan om lidnankundan üks'jäine eländpunkt. Lidnankundan pind — 74,59 km², sen ližaks kaik rajonan suvipala alištub lidnan tobmudele.

Eläjad

Vn 2010 kaiken Venäman rahvahanlugemižen mödhe eläjiden lugu oli 20 172 ristitud. Vn 2020 uhokus lidnan ristitišt oli 24 864 eläjad, rajonan nelländez. Kaikiš suremb lidnan ristitišt om nügüd'.

Rahvahad (2010): čečenalaižed — 99,7%, toižed rahvahad i rahvahuden ozutandata — 0,3%.

Islaman pämečet' Batal-Hadži Belhoroev-šeihan nimed (voib mülütada viž tuhad uskojid) om letud lidnas vll 2013−2014.

Privatine Ačhoi-Martanan kolledž^[3] om lidnan professionaližen opendusen aluzkundaks.

Edeline Ačhoi-Martanan küläkundan Administracijan pämez' om Mohadi Hačukaev (heinku 2019 — kül'mku 2020). Ačhoi-Martanan küläkundan Deputatoiden Nevondkund om olmas.

Galerei

Марта (Ӏаьс-хин га).jpg

Fortang-jogen randird sildaspäi (2018, čeč.: Марта)
Pämečet', vn 2018 nägu
Uudimiden lauk vl 2018
IMG 20180614 152537ТӀехьа-Мартанан кӀоштан административан гӀишлош.jpg

Kul'turkeskuz (2018)
IMG 20180614 151750СОШ №5 Ачхой-Мартан.jpg

Keskškol nomer 5 vl 2018

Homaičendad

Irdkosketused

Ačhoi-Martan Vikiaitas

	Čečenijan Tazovaldkundan lidnad
	Ačhoi-Martan \| Argun \| Groznii \| Gudermes \| Kurčaloi \| Šali \| Urus-Martan

[_d518245106254cfa-1] 1,0 ^1,1 http://www.gks.ru/free_doc/2016/oktmo/tom4_oktmo.rar

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Ačhoi-Martanan kolledžan sait (amk.prof95.ru). (ven.)

[1]

[2]

[3]