Vasilii Kononov

Vasilii Ivanovič Kononov
Vasilii Ivanovič Kononov
Üleižed tedod
Täuz' nimi
Sündundpäiv	12. vilukud 1905
Sündundsija	Toižeg
Kolendpäiv	19. tal'vkud 1983 (78 vot)
Kolendsija	Petroskoi, Sovetskii Sojuz
Mahapanendan sija	Sulažgoran kaumišt[d];
Ma	Venäma; Sovetskii Sojuz
Professijad	muzikant
Pajosebrad	«Кantele»-ansambl', Vepsän rahvahan hor

Kodvdud kirjutez

Vasilii Ivanovič Kononov (ven.: Васи́лий Ива́нович Ко́нонов) (sündui 12. vilukud vodel 1905, Venäma, Oloncan gubernii, Toižeg-külä^[1] — koli 19. tal'vkud vodel 1983, Petroskoi) — horeograf, baletmeister, RSFSRan arvostadud taidehradnik (1959), Karjalan ASSRan rahvahaline artist (1957).

Elostarin

Nored voded

Om sündunu vepsläižehe radnikan kanzaha.

Jäl’ges školad vodelpäi 1921 oli ičenaižel töpaukal. Vozil 1924-1929 radoi kivižomal, mecradoil, Kondopogan bumagtegendan zavodal, kus zavodihe vezikanalan kaivand.

Vodel 1929 hänen lahjakahuz’ ei jänd kivižoman zavodan komitetan pämehil homaičemata i se oigenzi händast opendamhas Moskvan teatraližehe tehnikumha A.V. Lunačarskijan nimel. Opendusen aigan hän sai teoretižid tedoid, a praktikaline rad oli Smolenskan agjas da Tverin agjas (läz Ržev-lidnad), kus nor' openik tegi kul'turradod, sädi karg- da pajosebroid.

Opendusen jäl'ghe Vasilii Ivanovičad oigetihe radole Pudožan rajonaha Šalan "Каrelgranit"-trestan kul'turpertihe. Vozil 1933-1935 hän radoi Pudožan rajonan kul'turpertin ohjandajan.

Vodel 1935 Vasilii Ivanovič pördihe Änižen kivižomale da radoi «Proletarskaja kuznica»-kluban taidehsebran ohjandajan. Necil-žo vodel tuleb Šoutjärv-külähä radole Šoutjärvelaižen kul'turpertin pämäheks, miččes ohjandab agitbrigadad.

Vodel 1936 keradab Šoutjärv-küläs pajatamha rahvahaližid pajoid külän akoid da tegeb rahvahan hor (nügüd' — Vepsän rahvahaline hor^[2]^[3]), miččen znamasine pala om rahvahaližed kargud pajonke, da völ ohjandab dramsebrad.

«Kantele»-ansambl'

Kevädel vodel 1937 Vasilii Ivanovič Kononov om kuctud Viktor Gudkoval radole Karjalan valdkundaližen filarmonijan "Kantele"-ansambl'aha kargmastarin radsijale.

Rates ansambliš V. I. Kononov kucui da valiči kargjoukhu vaiše karguiden mastarid. Hän kazvati lahjakahid kargnikoid, miččed ezitiba Karjalan rahvahališt horeografijad rahvahidenkeskeižel, ühthižvenälaižel korktusel: A. M. Arifmetova (Šenkman), E. А. Balandis, М. I. Gavrilov, L. V. Deržavina, Е. I. Izotova, Т. R. Pčelina (Čeida) i toižid.

Vodel 1941 elokun 29. päiväl ühtes ansamblinke om evakuiruidud Petroskoišpäi^[4].

Ičein päivkirjas kargnik Maksim Gavrilov kirjuti: «14. vilukud vodel 1941. Hubad azjad. Kononovad veiba läžundkodihe hubiš tervhuden oloiš…»

24. semendkud vodel 1942 — Kantele-ansambl' oli Belomorskas, Karjalan Valdkundan keskaigaižes pälidnas. Maksim Gavrilovan päivkirjaspäi: «18.kezakud vodel 1942. Tämbei Kononovanke repetiruim „Ristu-Kondra“… Sirkki Rikka da Jevgenii Rapp repertuar uzištase…».

Vodel 1959 Vasilii Ivanovič kargnikoidenke ühtni Karjalan ezmäižehe Gel’mer Sinisalon muzikan mödhe tehtud rahvahaližehe «Sampo»-baletan tegemižehe. Hän nevoi «Sampo» -baletan horeografale Igor' Smirnovale, miččid erigoičusid om karjalaižiden, vepsläižiden i venälaižiden kävundas i haškuiš, tariči I.Smirnovale ičeze parembid nägemusid^[5].

«Kantele»-ansambliš Vasilii Kononov om ranu 28 vot, vodehesai 1965.

Jäl'gestuz, mušt

Vasilii Ivanovič Kononovan kargun panend Karjalan kul'tureloho om sur', hänen tedod om pandud Karjalan rahvahaližen horeografijan kehitoitusen pohjaze.

Vepsläine karg luzikoidenke (ven.: «Вепсский танец с ложками»), Šest'orka (ven.: «Шестёрка в тройках») da toižed kargud, miččid om pannu Vasilii Ivanovič Kononov, om «Кantele»-ansamblin «kuldaine fond».

Pauklahjad da arvnimed

Irina Semakovan kirj V. I. Konovan elos da rados

Arvnimed:

Karjal-Suomalaižen SSRan arvostadud artist (1947);
Karjal-Suomalaižen SSRan arvostadud taidehradnik (1951);
Karjalan ASSRan rahvahaline artist (1957);
RSFSRan arvostadud taidehradnik (1959).

Pauklahjad:

kaks' Rusttan Radznaman ordenad (1951, 1971);
«Hüväs rados»-medal' (1948);
Karjalan ASSRan Korktan Nevondišton kitändkirjeižed (1939, 1975).

Homaičendad

↑ Кононов Василий Иванович Архивная копия от 5 kezakud 2011 на Wayback Machine или село Рыбрека[1] Архивная копия от 25 vilukud 2008 на Wayback Machine, www.vepsia.ru
↑ Знакомьтесь, поёт вепсский народный хор — Коренные народы Карелии (неопр.). Дата обращения: 15 uhokud 2010. Архивировано 26 semendkud 2011 года.
↑ Вепсский народный хор (неопр.). Дата обращения: 15 uhokud 2010. Архивировано 23 uhokud 2010 года.
↑ Кантеле: окна в историю. Роковые 40-е (неопр.). Дата обращения: 15 uhokud 2010. Архивировано из оригинала 6 semendkud 2008 года.
↑ Вечно юное «Сампо» (неопр.). Дата обращения: 15 uhokud 2010. Архивировано из оригинала 1 kezakud 2016 года.

Literatur

Мальми В. В. Балетмейстер В. Кононов // Проблемы истории и культуры вепсской народности: Сб. статей. — Петрозаводск, 1989
Смирнов Е.В. Северная кадриль. Шесть танцев, поставленных народным артистом КАССР, засл. деятелем искусств РСФСР В. И. Кононовым. Записал и проиллюстрировал Е. В. Смирнов. - Петрозаводск, «Карелия», 1977.
Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 85 — 464 с.: ил., карт. ISBN 978-5-8430-0125-4 (т. 2)
В. В. Уханова. Награды Василия Ивановича Кононова в собраниях Шелтозерского вепсского этнографического музея им. Р. П. Лонина // Вепсский край: история и ее творцы: материалы второй (30 октября 2014 г.) и третьей (29 сентября 2016 г.) межрегиональных краеведческих конференций «Лонинские чтения», с. Шелтозеро / научные редакторы: Е.И. Клементьев, З.И. Строгальщикова. — Петрозаводск : Verso, 2021. — с.30
И. Б. Семакова. Вепсский народный хор и его создатель В. И. Кононов (1936-1944 гг.)// Музыкальный журнал Европейского Севера №2(30), 2022 год, УДК 781.7+784, DOI 10.61908/2413-0486.2022.30.2.113-138
И. Б. Семакова. В. И. Кононов: Живущий в танце // Петрозаводск.- Verso, 2015г. 120 с, мягк переплет, обыч формат.

Tarkendused

[1] Кононов Василий Иванович Архивная копия от 5 kezakud 2011 на Wayback Machine или село Рыбрека[1] Архивная копия от 25 vilukud 2008 на Wayback Machine, www.vepsia.ru

[2] Знакомьтесь, поёт вепсский народный хор — Коренные народы Карелии (неопр.). Дата обращения: 15 uhokud 2010. Архивировано 26 semendkud 2011 года.

[3] Вепсский народный хор (неопр.). Дата обращения: 15 uhokud 2010. Архивировано 23 uhokud 2010 года.

[4] Кантеле: окна в историю. Роковые 40-е (неопр.). Дата обращения: 15 uhokud 2010. Архивировано из оригинала 6 semendkud 2008 года.

[5] Вечно юное «Сампо» (неопр.). Дата обращения: 15 uhokud 2010. Архивировано из оригинала 1 kezakud 2016 года.

[1]

[2]

[3]

[4]

[5]