Tihomirov Nikolai Aleksandrovič

Nikolai Aleksandrovič Tihomirov
Nikolai Aleksandrovič Tihomirov
Sündundpäiv	1902; Kostroman gubernii[d], Venäman imperii[d];
Kolendpäiv	24. sügüz'kud 1967; Lahkolampi[d], Naistenjärven külän eländtaho[d], Suojärven rajon, Karjalan ASSR[d], RSFSR[d], Sovetskii Sojuz;
Partii	KPSS

Nikolai Aleksandrovič Tihomirov (ven.: Николай Александрович Тихомиров, 1902, Kostroman gubernii^[d] — 24. sügüz'kud 1967, Lahkolampi^[d], Karjalan ASSR^[d]) — sovetskii man elomišton da valdkundaline radnik, politikmez', Karjalan socialistižen radon Geroi (1957).

Elostarin

N. A. Tihomirov sündui vodel 1902 Kostroman gubernijas. Hän lopi augotižškolan. Vodelpäi 1932 — KPSSan ühtnik^[1].

Vozil 1918—1962 N. A. Tihomirov oli sauvojan, radoi splaval, mecankeskusen pämehen.

Voden 1941 sügüz'kus händast ottihe Rusttaha armijaha. N. A. Tihomirov oli Suren Kodiman voinan ühtnik. Hän oli Karjalan frontan ezmäižen partizanoiden joukun "Voinsebranikad"-gruppan vzvodan politikohjandajan. 18. elokud vodel 1942 vointoroiš polestades Reboli-küläd, konz vihanikad ehtatihe Bezim'annaja-joges päkiči, N. A. Tihomirov oli ranitud, no kacmata sihe jatksi vojuida. Partizanoiden vzvod koleti läz 12 vihanikad, poukahtoiti ehtatuzsijan. Tal'vkus sil-žo vodel tervehtoitandan jäl'ghe N. A. Tihomirov oli demobilizoittud.

N. A. Tihomirov radoi Derev'anskii- da Päžievo-Sel'skijan lespromhozoiden pämehen. Vodelpäi 1956 oli Karjalaiž-Suomalaižen SSRan Suojärven rajonan Lahkolampin lespromhozan pämehen.

Sovetskijan Sojuzan Ülembaižen nevondišton käskön mödhe 5. redukud vodel 1957 N. A. Tihomirovale anttihe Socialistižen radon Gerojan arvnimi, Leninan orden da kuldaine "Sirp da pal'l'"-medal'.

N. A. Tihomirovad valitihe Sovetskijan Sojuzan Ülembaižen nevondišton V kucundan deputataks.

Eli Lahkolampi-küläs, koli 24. sügüz'kud vodel 1967 Petroskoiš.

Homaičendad

↑ Тихомиров Николай Александрович (рус.). warheroes.ru. Дата обращения: 23 redukud 2025.

Literatur

Покровский М.П. Герой Социалистического Труда Н.А. Тихомиров. — Петрозаводск: Госиздат Карел. АССР, 1958. — 28 с.

Lähtked

[1] Тихомиров Николай Александрович (рус.). warheroes.ru. Дата обращения: 23 redukud 2025.

[1]