Teplickii Leopol'd Jakovlevič

Leopol'd Jakovlevič Teplickii
Leopol'd Jakovlevič Teplickii
Üleižed tedod
Täuz' nimi
Sündundpäiv	11. keväz'kud 1890
Sündundsija	Dnepropetrovsk, Venäman imperii[d] или ; Smela[d], Čerkasskan ujezd[d], Kijevan gubernii[d], Venäman imperii[d];
Kolendpäiv	16. kül'mkud 1965 (75 лет)
Kolendsija	Petroskoi, RSFSR[d], Sovetskii Sojuz;
Ma	Sovetskii Sojuz; Venäman imperii[d];
Professijad	dirigent, muzikankirjutai

Leopol'd Jakovlevič Teplickii (ven.: Леопо́льд Я́ковлевич Тепли́цкий, 11. keväz'kud 1890, Dnepropetrovsk или Smela^[d], Kijevan gubernii^[d] — 16. kül'mkud 1965, Petroskoi) om sovetskii dirižor da kompozitor, Karjalaiž-Suomalaižen SSRan arvostadud artist (1951), Karjalan ASSRan arvostadud taidehradnik (1962).

Elostarin

Om sündunu Smela-lidnas (nügüd' Ukrainan Čerkasskan agj). Muzikmahtod avaiži muite, sidä jäl'ghe päzui opendamhas muzikopištoho Jekaterinoslaviš (nügüd' Dnepr). Sikš ku oliba rahajügedused päliči koumes vodes jäti opendusen da ajoi Sinferopol'he, kus radoi akkomponiatoran kargaiduzklassoiš da restoranoiš. Vodel 1908 oli türmatud Jaltas peitoližen literaturan levenzoitusen täht, läz vot oli türmas^[1].

Vodel 1914 lopi muzikopišton Har'kovas. Vodel 1915 päzui opendamhas Petrogradan konservatorijaha. Lopi fortepianon klassan kursan (Professor N. A. Sokolov), no käziden kibun täht sirdihe teorijan da kompozicijan tedokundale (Professoran V. P. Kalafati klass). Üläopenikan aigan radoi tap'oran L'uks-, Grand- da Molnija-kinoteatroiš, völ oli dirižoran Sevzapkino-sistemas^[2]^[3].

Vodel 1926 oli oficiališti oigetud radmatkaha Amerikaha (Nju-Jork da Filadel'fii), miše oppida änetoman kinon muzikad da džazad. Voden radoi "džazan kunigahan" Pol' Uaitmenan (ven.) (vep. orkestras, tegihe harvaks sovetskijaks muzikantaks, kudamb oppi originališt amerikan džazad^[4]^[5].

Pörttes Piterihe aranžirovkoiden da plastinkoiden kogomusenke, 28. sulakud vodel 1927 sädi "Ezmäižen džaz-bend"-koncertan Akademižes kapellas. Teplickijan orkestr, miččes sidä aigan zavodi ičeze karjerad Leonid Ut'osov (ven.) (vep., sai surt tetabut Sovetskijas Sojuzas, ezitades Dž. Geršvinan, Dž. Kernan da I. Berlinan pjesoid.

Repressijad

6. redukud vodel 1930 oli väritadud špionažiš da türmatud (st. 58-6 KK RSFSR). Sudindan sü oli rad Amerikas. Sudan pätusen mödhe oli sudidud koumeks vodeks konclagirihe. Mäneti türmaigad Belomoro-Baltižen vezikanalan sauvondal. Medvežjegorskas, mitte ende oli vezikanalan sauvondan keskuz, Teplickii türmatud mehiden keskes sädi simfonižen da puhutuzorkestrad, miččed radoiba Belomoro-Baltižen vezikanalan teatras^[1].

Om täuzin reabilitiruidud vodel 1989 (surman jäl'ghe).

Muštlaud Petroskoiš

Rad Karjalas

Semendkus vodel 1933 tuli Petroskoihe. Ohjanzi Karjalan radiokomitetan simfoništ orkestrad. 24. uhokud vodel 1934 sädi Petroskoiš ezmäižen džaz-orkestran koncertan.

Vodelpäi 1935 openzi Petroskoin muzikopištos teorijad, partituroiden lugemišt da instrumentovkad. Hänen openikoiden keskes oma tetabad karjalaižed kul'turan radnikad: G. N. Sinisalo, V. P. Gudkov, А. A. Antišev.

Hänel om pärol' "Kantele"-ansamblin tegemižes. Ühtes V. P. Gudkovanke hän tegi karjalaižen da suomalaižen fol'kloran muziktegemižed. Hänen radod — ven.: "Карельская прелюдия", ven.: "Сюита на карельские темы", ven.: "Три финских танца" oma ansambl'an kuldaižes fondas. Vozil 1945—1948 da 1955—1958 oli "Kantele"-ansambl'an pädirižoran^[6].

Suren Kodiman voinan aigan oli evakuacijas Frunze-lidnas (Kirgizijan SSR), kus aktivišti ühtni lidnan kul'tureloho.

Koli 16. kül'mkud vodel 1965 Petroskoiš.

Pauklahjad da arvnimed

"Arvostusen znam" orden (1959);
"Radon sattusiš" medal' (1951);
KFSSRan da KASSRan Ülembaižen Nevondišton prezidiuman kitändkirjeižed;
Karjalaiž-Suomalaižen SSRan arvostadud artist (1951);
Karjalan ASSRan arvostadud taidehradnik (1962).

Mušt

Vodelpäi 2002 jogavoččen džazmuzikan ven.: "Звёзды и мы"-festival' Petroskoiš om Leopol'd Teplickijan nimel^[7].
Vodel 2004 Petroskoiš Leninan prospektan pertin № 1 seinäle om pandud muštlaud (vestai Aleksandr Akulov)^[1].

Homaičendad

↑ ¹ ² ³ Теплицкий Леопольд Яковлевич (неопр.). noty-rukopis.karelia.ru. Дата обращения: 8 sulakud 2026.
↑ Шарахаева Е.В. Леопольд Яковлевич Теплицкий (к 120-летию со дня рождения) (неопр.). library.karelia.ru. Дата обращения: 8 sulakud 2026.
↑ Пресс-служба Карельской филармонии. Леопольд Теплицкий. Полжизни, отданные Карелии (неопр.). classicalmusicnews.ru (19 kül'mkud 2025). Дата обращения: 8 sulakud 2026.
↑ Теплицкий Леопольд Яковлевич (1890-1965) (неопр.). rkna.ru. Дата обращения: 8 sulakud 2026.
↑ Леопольд Теплицкий (неопр.). jazz100.ru (10 elokud 2022). Дата обращения: 8 sulakud 2026.
↑ Теплицкий Леопольд (1890-1965). От джаза к карельской прелюдии для оркестра кантеле… (неопр.) kantele.ru. Дата обращения: 8 sulakud 2026.
↑ XIII Международный фестиваль джазовой музыки им. Леопольда Теплицкого «Звезды и мы» (рус.). Дата обращения: 8 sulakud 2026.

Literatur

Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. — P. 167—384. — ISBN 978-5-8430-0127-8.

Lähtked

[:0-1] ¹ ² ³ Теплицкий Леопольд Яковлевич (неопр.). noty-rukopis.karelia.ru. Дата обращения: 8 sulakud 2026.

[2] Шарахаева Е.В. Леопольд Яковлевич Теплицкий (к 120-летию со дня рождения) (неопр.). library.karelia.ru. Дата обращения: 8 sulakud 2026.

[3] Пресс-служба Карельской филармонии. Леопольд Теплицкий. Полжизни, отданные Карелии (неопр.). classicalmusicnews.ru (19 kül'mkud 2025). Дата обращения: 8 sulakud 2026.

[4] Теплицкий Леопольд Яковлевич (1890-1965) (неопр.). rkna.ru. Дата обращения: 8 sulakud 2026.

[5] Леопольд Теплицкий (неопр.). jazz100.ru (10 elokud 2022). Дата обращения: 8 sulakud 2026.

[6] Теплицкий Леопольд (1890-1965). От джаза к карельской прелюдии для оркестра кантеле… (неопр.) kantele.ru. Дата обращения: 8 sulakud 2026.

[7] XIII Международный фестиваль джазовой музыки им. Леопольда Теплицкого «Звезды и мы» (рус.). Дата обращения: 8 sulakud 2026.

[1]

[2]

[3]

[4]

[5]

[6]

[7]