Tarkosale

Tarkosale
Флаг[d] Герб
64°54′53″ с. ш. 77°46′22″ в. д.
Valdkund	Venäma
Istorii da geografii
Tegemižen päiv	1932
Высота	22
Eläjad
Eläjad	▼19 900 чел. (2021)
Lugud
Telefonan kod	34997
Počtan indeksad	629850
Mediafailad RUWIKI-tedoiš

Tarkosale (ven., tot. i ukr.: Тарко-Сале, nenc.: Тарка’ саля znamoičeb «eländpunkt jogiden keskes», sijaline nenc.: Таӆка’ хаӆя) om Venäman lidn da lidnankund Jamalan Nenciden avtonomižen ümbrikon päivnouzmas. Se om Puran rajonan administrativine keskuz.

Istorii

Eländpunktan aluz om pandud vl 1932 kuti Puran rajonan administrativine keskuz. Vs 1976 elokun 18. päiväspäi oli radnikžilon statusanke.

Tarkosale sai lidnan statusad vn 2004 30. päiväl keväz'kud. Se šingotase kivivoin da sen gazan samižel («Novatek-Tarkosaleneftegaz»-edheotand i Novatek:an burauduzkompanii), gazan kondensatan ümbriradmižen tegimel, Jamalan mecanümbriradajal kombinatal (puižed pertid).

Geografijan andmused

Lidn sijadase Päkupur i Aivasedapur-jogiden keskes, Päkupur-jogen oiktal randal, 22 m ü.m.t. keskmäižel korktusel. Joged ühthejokstas Pur-jogehe ani lidnan taga. Matkad Salehardhasai om 542 km lodeheze-päivlaskmha orhal vai 797 km avtotedme. Lähembaine lidn om Gubkinskii 95 km suvipäivlaskmha avtol. Lähembaine raudtestancii om saudud Purovsk-žilho 10 km lodeheze.

Tarkosale om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 20 398 ristitud, rajonan kaks' videndest. Kaikiš suremb lidnan ristitišt om nügüd'. Ortodoksižen hristanuskondan Ph. Mikulai-čudonsädajan pühäpert' (om saudud vll 2003−2005) i islaman mečet' (om saudud vll 1998−2010) oma olmas lidnas.

Rahvahad (enamba 1% vl 2010): venälaižed — 62,9%, ukrainalaižed — 8,0%, totarlaižed — 5,5%, nencalaižed — 4,9%, kumikad — 1,9%, vaugedvenälaižed — 1,6%, darginalaižed — 1,3%, baškiralaižed — 1,2%, azerbaidžanlaižed — 1,2%, toižed rahvahad — 10,4%, rahvahuden ozutandata — 1,1%.

Galerei

• 

  Puran rajonan administracijan sauvuz (2009)

• Памятник геологам, monument geologist. - panoramio.jpg

  Muštnik geologile (2000)

• Панорама завода ЯЛПК.jpg

  Jamalan mecanümbriradajan kombinatan ühthine nägu (2019)

• В память о войне 1941 г, in memory about war 1941 - panoramio.jpg

  Memorial Suren sodan muštoks

• Рейс на Тюмень а-к Ютейр, flight on Tymen UTair - panoramio.jpg

  Tarkosalen lendimportan lendahtamižsarg vl 2007

Homaičendad

Irdkosketused

• Tarkosale-lidnan Ezitajiden Suiman oficialine sait (tsgrad-sob.ru). (ven.)
• Tarkosale-lidnan i Puran rajonan ühthižen administracijan oficialine sait (puradm.ru). (ven.)