Gubkinskii

Gubkinskii
Флаг[d] Герб[d]
64°26′00″ с. ш. 76°30′00″ в. д.
Valdkund	Venäma
Istorii da geografii
Tegemižen päiv	1986
Высота	55
Ekonomik
Eläjad
Eläjad	▲33 273 чел. (2021)
Lugud
Telefonan kod	34936
Počtan indeksad	629830
-
Официальный сайт
lugeda • diskussii • redaktiruida

Gubkinskii (Puran rajonan territorijal.

Istorii

Eländpunktan aluz om pandud vn 1986 22. päiväl sulakud keskuseks otmaha kävutamižhe kivivoin da sen gazan kaikiš pohjoižembiden löudmižsijiden gruppad Päivlaskmaižes Sibiriš. Nimitihe nevondkundaližen Ivan Gubkin-geologan kanzannimen mödhe, hän endusti Päivlaskmaižen Sibirin kivivoid.

Gubkinskii-žilo sai lidnan statusad vl 1996. Se šingotase kivivoin («Rosneft'»-kompanijan «PN-Purneftegaz»-alajaguz) i gazan («Gazprom») samižel. Vaumitas kivivoin gazad da sadas sišpäi benzinad Gubkinskijan gazanümbriradajal tegimel («SiburTümen'Gaz»).

Geografijan andmused

Lidn sijadase Päkupur-jogen hural randal (542 km pitte, Puran hura joginišk), 55 m ü.m.t. keskmäižel korktusel, mectundran zonas. Matkad Salehardhasai om 512 km lodeheze orhal vai 890 km avtotedme. Lähembaine lidn om Tarkosale 95 km pohjoižpäivnouzmha avtol. Lähembaine raudtestancii sijadase Purpe-žilos 16 km pohjoižpäivnouzmha.

Gubkinskii om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 23 335 ristitud. Kaikiš suremb lidnan ristitišt oli 27 346 eläjad vl 2016. Ortodoksižen hristanuskondan pühäpert' i islaman mečet' oma olmas lidnas.

Rahvahad (enamba 0,8% vl 2010): baškiralaižed — 3,5%, kumikad — 1,7%, moldovalaižed — 1,6%, azerbaidžanlaižed — 1,0%, čuvašalaižed — 0,9%, toižed rahvahad — 7,9%, rahvahuden ozutandata — 1,1%.

Muravlenkon äiprofil'žen kolledžan filial om professionaližen opendusen aluzkundaks.

Galerei

• Gubkinskiy 2013 09.jpg

  Ird lidnas (2013)

• Gubkinskiy 2013 08.jpg

  Piccerii vl 2013

• УдГУ Губкинский.jpg

  Udmurtijan valdkundaližen universitetan filial Gubkinskii-lidnas (2015)

• 

  Purpe-žilon raudtestancijanno vl 2013

Irdkosketused

• Lidnan Duman oficialine sait (duma.gubadm.ru:441). (ven.)
• Municipaližen «Gubkinskii-lidn»-ühtnikan administracijan informacine sait (gubadm.ru). (ven.)