Labitnangi

Labitnangi
Флаг[d] Герб
66°39′ с. ш. 66°24′ в. д.
Valdkund	Venäma
Istorii da geografii
Tegemižen päiv	1868
Pind	22
Высота	10
Eläjad
Eläjad	▼25 501 чел. (2021)
Lugud
Telefonan kod	34992
Počtan indeksad	629400
Официальный сайт
Mediafailad RUWIKI-tedoiš

Labitnangi (ven. i komi: Лабытнанги, ukr.: Лабитнангі, nenc.: Лабытнаӈгы, hant.: Лапыт Нангк «seičeme lehtkuzed») om Venäman lidn da lidnümbrik Jamalan Nenciden avtonomižen ümbrikon lodehes. Se om ümbärtud Uralanverižen rajonan territorijal.

Istorii

Eländpunktan aluz oli pandud hantilaižiden seižundtahon sijas vl 1868. Vl 1932 sädihe kolhozad. Vl 1948 saudihe Labitnangi-lopradtestancijad sarakol Kotlasaspäi. Vn 1952 tal'vkus kätihe radnikžiloks. Vn 1956 redukuspäi Labitnangi oli alištunu Salehard-lidnan nevondkundale. 1960-nzil vozil žilo oli londuseližen gazan löudmižsijiden otandan kävutamižhe bazaks.

Labitnangi sai lidnan statusad ümbrikon alištusenke vn 1975 5. päiväl elokud. Se šingotase lopraudtestancijan logistikal, raudbetonan tegimel, maidtegimel, gazturbinižel elektrostancijal, gazan löudmižsijiden ecmižen geofizižel edheotandal.

Geografijan andmused

Lidn sijadase Obin Vil-Posl-hijaman randal (ven.: Выл-Посл), 20 m ü.m.t. keskmäižel korktusel, Polärižen Uralan päivnouzmaižidenno pautkidenno, Pohjoižen polärižen pirdan pohjoižemb vähän. Matkad Obinjogen hurha randhasai om 5 km suvipäivnouzmha, Salehardhasai om 20 km suvipäivnouzmha. Ehtatim ühtenzoitab lidnoid navigacijan aigan, tal'vte — tal'vel. Salehardan raudte- da avtotesild 2,5 km pitte om vaiše projektas vl 2018.

Labitnangi om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 26 936 ristitud. Kaikiš suremb lidnan ristitišt oli 31 501 eläjad vl 1989. Ortodoksižen hristanuskondan Jurgii-vägestusenkandajan kaks' pühäpertid (vanh om saudud vll 1993−1997 i uz' vl 2007) oma olmas lidnas, islaman mečet' om sauvomas.

Rahvahad (enamba 1% vl 2010): venälaižed — 73,4%, ukrainalaižed — 10,1%, totarlaižed — 2,7%, komilaižed — 1,9%, vaugedvenälaižed — 1,7%, nencalaižed — 1,1%, hantilaižed — 1,0%, toižed rahvahad — 8,1%.

Jamalan äiprofil'žen kolledžan (Salehard) filial radab professionaližen opendusen aluzkundaks.

Galerei

• Salehardhotellabitnangi.jpg

  «Seičeme lehtkuzed»-adivpert' (2012)

• Лабытнанги - panoramio.jpg

  Monument lidnan statusan sandan oiktastuseks, seižub lidnan röunal Ob'-jogen randal

• 

  Portan libutimed (2013)

• Obskaya (03).jpg

  Obskai-jüguraudtestancijan sauvused vl 2015

• 

  Labitnangi-päraudtestancijan sauvuz vl 2006

• Лабытнанги. Паром - panoramio.jpg

  Ehtatim kezaaigan vl 2013

Homaičendad

Irdkosketused

• Labitnangi-lidnan tobmuden aluzkundoiden oficialine sait (lbt.yanao.ru). (ven.)