Sibirin päiv
| Sibirin päiv | |
|---|---|
 Sibir'. Jenisejsk. Londuzkuva jogelpäi. Voded 1900, Valdkundaline istoriline muzei | |
| Tip | Regionaline |
| Om tehtud | 8. kül'mkud vodel 1852 arvostusel Iskeran otand Jermakoil vodel 1582 |
| Päiv | 8. kül'mkud |
| Om sidotud | Sibirin otmiženke |
Sibirin päiv (ven.: День Сибири) — jogavozne praznik, kudamb praznuitas 8. kül'mkud Tobol'skas, T'umeniš, Tomskas, Krasnojarskas, Jeniseiskas, Novosibirskas, Irkutskas da toižiš Sibirin lidnoiš[1]. Oficialine status oli edel vot 1919. Vodelpäi 2011 praznuičendan vero om pörtnus regionaližel korktudel[2].
Istorii
Imperator Aleksandr III tegi necidä praznikad vodel 1882 Sibirin 300-voččeks ühtenzoitusen päiväks. Ende praznik praznuitihe 26. redukud (vanhan kalendarin mödhe), necil päiväl vodel 1582 Jermak Timofeevičan družina vägesti han Kučumin voinvägid i anasti Sibirin hanstvan pälindad — Kašlikod (Isker). Nece aigtego pani augotišen Sibirin ühtenzoitusen täht Venämanke, miš Nikolai Karamzin kirjuti hüvin "Sibirin ezmäine vägestamine" palas:
…siš aigas pen' rahvazjouk, kudambid ohjandaba ližataht, da armastuz tetabudele, sai uz' Kunigahuz' Venäman täht...
— Karamzin N. M. Karamzinan keradused. Т. 9.
Praznuičend
Vero praznuita Sibirin päiväd 8. kül'mkud om udištanus vodel 2011 T'umeniš[3]. Sid’ lidnoiden lugumär linneb enamb: ühtneba lidnad Krasnojarskan, Novosibirskan, Irkutskan da Kemerovon agjoišpäi. Jeniseiskan, Krasnojarskan, Minusinskan, Tomskan da toižiden lidnoiden keskavoinirdoil pidetas jarmark da artistoiden ezitused. Novosibirskan filarmonijas necil päiväl om ühthine muzikantegijoiden ühtištusen koncert. T'umeniš tehtas laps'pirdatusen konkurs, mitte om omištadud Sibirile[1].
Ližatedod
Vodel 2021 KPRFan deputat Oleg Smolin andoi Valdkundaližehe Dumaha zakonproektan, miččes tariči panda Sibirin päiv Venäman muštpäividen lugetišehe. Sel'genzoitajas kirjeižes hän homaiči, miše praznik tämbeižehesai praznuitas äjiden sibirilaižiden keskes[4], mugažo nevoi tehta praznikad kaiktäli. Idei ei olend tugetud[5].
29. elokud vodel 2022 Venäman prezident Vladimir Putin allekirjuti käskön medalin tegemižen polhe "Sibirin i Edahaižen päivnouzman kehitoituses"[6].
Homaičendad
- ↑ 1 2 ЕЖЕГОДНЫЙ ПРАЗДНИК «ДЕНЬ СИБИРИ». https://национальныепроекты.рф. Дата обращения: 7 kül'mkud 2023.
- ↑ Ежегодный праздник — День Сибири. https://admtyumen.ru (8 kül'mkud 2021). Дата обращения: 7 kül'mkud 2023.
- ↑ ИСТОРИЯ ПРАЗДНИКА. https://деньсибири.рф. Дата обращения: 7 kül'mkud 2023.
- ↑ О внесении изменения в статью 1.1 Федерального закона "О днях воинской славы и памятных датах России" (об установлении Дня Сибири). https://sozd.duma.gov.ru (21 elokud 2021). Дата обращения: 9 kül'mkud 2025.
- ↑ В Госдуму внесли законопроект об учреждении Дня Сибири. https://tass.ru (27 elokud 2021). Дата обращения: 9 kül'mkud 2025.
- ↑ Указ Президента Российской Федерации от 29.08.2022 г. № 587. http://www.kremlin.ru (29 elokud 2022). Дата обращения: 9 kül'mkud 2025.