Tobol'sk
| Tobol'sk | |||||
|---|---|---|---|---|---|
 | |||||
|
|||||
| 58°11′43″ с. ш. 68°15′29″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | около heinku 1587 | ||||
| Pind |
|
||||
| Высота | 90 | ||||
| Aigvö | UTC+5:00[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 3456 | ||||
| Počtan indeksad | 626128 • 626150 • 626159 | ||||
|
|
|||||
| Официальный сайт(ven.) | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Tobolsk.svg)
Tobol'sk (ven.: Тобольск, tot.: Тубыл) om lidn da lidnümbrik Venäman Sibirin suvipäivlaskmas. Se om federacijan subjektan kahtenz' lidn eläjiden lugun mödhe, mugažo Tobol'skan rajonan administrativižeks keskuseks, ei mülü sihe.
Istorii
Eländpunktan aluz om pandud vl 1587 kuti lidnuz da kreml' i Sibirin otandan kävutamižhe keskuz, nimitihe jogen mödhe. Panihe Stroican nemel 17 kilometras sijaližiden totarlaižiden Sibir'-pälidnaspäi (mž. Kašlik, Isker), i se oli lidnan toižeks nimeks kartoil 18. voz'sadhasai. Tobol'sk sai lidnan statusad vl 1590, ezmäižel Venäman Sibiriš, 17. voz'sadal oli sen päkeskuseks. Ende nimitihe Tobolesk i Tobolesk-Ladeinii.
Vspäi 1708 oli Sibirin gubernijan pälidnaks. Om lidnaks agjan alištusenke vn 1944 elokuspäi. Raudte tuli lidnha vl 1973.
Tobol'sk šingotase järedal kivivoinhimižel kombinatal sen kommunikacijoidenke (polimeriden tehmine, elektrusen samine, kivivoin- da gazanveimiden holituz), sauvondmaterialiden edheotandoil (2 raudbetonan tegint, savičtegim, pumaterialoiden pästand), sömtegimištol, rahvahanpramozloiden tegesiden fabrikal i turizmal.
Geografijan andmused
Lidn sijadase agjan pohjoižes, Irtiš-jogen (tot.: Иртеш) oiktal randal tobjimalaz huran Tobol-ližajogen lanktendan sijas, 90 metrad keskmäižel korktusel valdmeren pindan päl. Taigmec da sod ümbärtas lidnad. Matkad Tümenihesai om 200 km suvipäivlaskmha orhal, 246 km avtotedme vai raudtedme. Toižed lähembaižed lidnad om Jalutorovsk 207 km suvipäivlaskmha orhal vai 248 km avtol i Tavd (Sverdlovskan agj) 176 km päivlaskmha orhal vai 358 km avtotedme. Lähembaine lendimport sijadase Tümeniš.
Sumkino-žilo (3531 rist. vl 2017) mülüb lidnümbrikho Tobol'skan ližaks. Lidnümbrikon pind — 222 km².
Eläjad
Vn 2010 Venäman rahvahanlugemižen mödhe lidnan eläjiden lugu oli 99 694 ristitud, lidnümbrikon — 103 583 ristitud. Kaikiš suremb lidnan ristitišt oli 101 100 eläjad vl 2005. Vl 2017 kaik 98 886 ristitud elihe lidnas, 102 417 ristitud kaikes lidnümbrikos.
Rahvahad (lidn, enamba 0,4% vl 2016): venälaižed — 73,3%, totarlaižed — 16,6%, ukrainalaižed — 1,8%, azerbaidžanlaižed — 0,8%, saksalaižed — 0,4%, baškiralaižed — 0,4%, vaugedvenälaižed — 0,4%, toižed rahvahad — 1,8%, rahvahuden ozutandata — 4,5%.
Galerei
Jermakan monument
Sofijan melevuden i Jumalanmaman Emäganpäivän kafedraline päjumalanpert' (ortodoksine hristanuskond) Tobol'skan kremliš, vn 2011 nägu (päpala om saudud vll 1683−1686)
Tobol'skan islaman vanh pühäpert', vn 2016 nägu (om saudud 19. voz'sadal)
Kivivoihimine «Tobol'sk-Polimer»-kompleks vl 2013
Tobol'skan LEK vl 2011
- Тобольский Индустриальный Институт - panoramio.jpg
Tobol'skan industrialine institut (2010, Tümenin industrialižen universitetan filial)
Tobol'skan pedagogine institut (2015)
- Губернский музей.JPG
Čomamahtoine muzei (2012, vll 1930−1955 totaran pedagogine škol)
- Гостиница Славянская - panoramio.jpg
«Slavänskaja»-adivpert' vl 2010
Remezov-lendimport (2021, edel avaidust)
Tobol'sk-päraudtestancijan sauvuz vl 2012
.jpg)
.jpg)
Irdkosketused
- Lidnan Duman oficialine sait (dumatobolsk.ru). (ven.)
- Lidnan administracijan oficialine sait (admtobolsk.ru). (ven.)
| Tümenin agjan lidnad (avtonomižita ümbrikoita) | ||
| Išim | Jalutorovsk | Zavodoukovsk | Tobol'sk | Tümen' | ||