Ostaškov Jurii Aleksejevič

Jurii Aleksejevič Ostaškov
Jurii Aleksejevič Ostaškov
Sündundpäiv	10. sulakud 1931
Sündundsija	Puškin, Leningradan Prigorodnii rajon[d], Piterin agj, RSFSR[d], Sovetskii Sojuz;
Kolendpäiv	24. tal'vkud 2012 (81 год)
Kolendsija	Piter, Venäma;
Rahvahuz'	SSSR
Rad	kalatezlaivan kapitan

Jurii Aleksejevič Ostaškov (ven.: Юрий Алексеевич Осташков, 10. sulakud 1931, Puškin, Piterin agj — 24. tal'vkud 2012, Piter) — kalatezlaivan kapitan, Karjalan ASSRan kalan salištandan arvostadud radnik (1970). Socialistižen radon Geroi (1971)^[1]^[2].

Elostarin

O. J. Ostaškov lopi seičemevoččen školan, Sortavalan meriškolan.

Vodel 1952 lopi läheližen merimatkan peramehiden kursid Leningradas.

Vodelpäi 1952 — bocman, Sovetskijan Sojuzan kalasalištusen ministerstvan Belomorskan bazan Murmanskan gruppan laivoiden kapitanan toine, koumanz', nellänz' abunik.

Vodel 1954 lopi edahaižen merimatkan peramehiden kursid, oli keskmäižen "Dubbe"-kaltuzlaivan kapitan.

Vodel 1967 lopi Murmanskan meriopišton I. I. Mes'acevan nimel (ven.) (vep..

Oli parahiman laivan vedäjan.

Vodel 1970 laivan tömehišt J. A. Ostaškovan ohjandusel vides kus sai kalad enamba kahthe kerdaha. Hö openzihe püdmaha kalad udel mahtol avaitud valdmeres, löuziba bohatan kalal sijan Pohjoiž-Päivlaskmaižes Atlantikas.

Openzihe ohjata uzid laivoid da ühtni uziden kalasijoiden ecindaha. Vodel 1970 hänen laivan tömehišt vides kus üliči planan kalan samižen mödhe kahthe kerdaha.

Sovetskijan Sojuzan Ülembaižen nevondišton prezidiuman käskön mödhe voden 1971 sulakun 26. päiväspäi korktoiš satusiš, miččed oli sadud vižvoččen planan aigan kalan salištandan kehitoitusen mödhe Jurii Aleksejevič Ostaškovale anttihe Socialistižen radon Gerojan arvnimi, Leninan orden i kuldaine "Sirp da pal'l'"-medal'.

Vodelpäi 1981 hän oli kapitan-flagman. Händas valitihe Karjalan ASSRan Ülembaižen nevondišton deputataks (1971—1975)^[3].

Vodelpäi 1994 oli pensijal, eli Piteriš. Koli 23. tal'vkud vodel 2012. Om pandud maha Rusttaižel kaumištol.

Homaičendad

↑ Л. И. Вавулинская. Карелия : энциклопедия/Л. И. Осташков Юрий Алексеевич. — Петрозаводск, 2009. — Т. 2. — 332 с.
↑ Осташков Ю. А. Народные избранники Карелии. — Петрозаводск, 2008. — 288 с.
↑ Осташков Ю. А. (неопр.) Дата обращения: 10 sügüz'kud 2025.

Literatur

А. Тукачев. Наставник рыбаков // Ленинская правда. — 1971. — 3 июня.
Г. Ананьев. В морях его дороги// Призвание : рассказы о Героях Социалистического Труда. — Петрозаводск, 1975. — 157-166 с.
В. Бабуро. Звезда рыбака // Ленинская правда. — 1982. — 11 июля.
В. Бабуро. Остров Надежды // Северный курьер. — 1992. — 28 июля.

Lähtked

[1] Л. И. Вавулинская. Карелия : энциклопедия/Л. И. Осташков Юрий Алексеевич. — Петрозаводск, 2009. — Т. 2. — 332 с.

[2] Осташков Ю. А. Народные избранники Карелии. — Петрозаводск, 2008. — 288 с.

[3] Осташков Ю. А. (неопр.) Дата обращения: 10 sügüz'kud 2025.

[1]

[2]

[3]