Nerčinsk

Nerčinsk
Флаг[d] Герб
51°59′00″ с. ш. 116°35′00″ в. д.
Valdkund	Venäma
Istorii da geografii
Tegemižen päiv	1653
Pind	100
Высота	490
Aigvö	UTC+9:00[d], YAKT[d] da IRKT[d]
Eläjad
Eläjad	▲15 290 чел. (2021)
Lugud
Telefonan kod	30242
Počtan indeksad	673400, 673402 da 673403
Mediafailad RUWIKI-tedoiš

Nerčinsk (ven.: Не́рчинск) om Venäman lidn da lidnankund Baikalantagaižen randan keskuzpalas. Se om Nerčinskan rajonan administrativine keskuz.

Istorii

Eländpunktan aluz oli pandud vl 1653 kozakoil kuti Nelückii-varmitez (ven.: Нелюцкий (Нелюдский) острог), tungusalaižiden Gantimur-ruhtinasen mehed vargastiba sišpäi da paloiba sidä lophu vl 1654. Vodele 1657 saudihe ut Nerčin varmitest (ven.: Нерчинский острог), nimitihe jogen mödhe. Vodel 1664 Gantimur da völ 40 heimoiden ohjandajad tuliba da andoihe Venäman tobmudele, kändihe kozakoil mugažo.

Vl 1689 Nerčinsk sai lidnan statusad, sil-žo vodel Nerčin kožundakt om allekirjutadud Kitainke täs. Hobedan valamižtegim radoi Nerčinskas. Om kaičenus äi endevanhid pertid lidnas.

Nerčinsk šingotase turizmal i sömtegimištol (leibän edheotand, konditerine fabrik).

Geografijan andmused

Lidn sijadase Nerč-jogen (ven.: Нерча) hural randal tobjimalaz, 7 kilometras sen lanktendan Šilk-jogehe sijaspäi (Amuran bassein). Matkad Čithasai om 210 km päivlaskmha orhal, 300 km raudtedme vai 270 km avtotedme. Lähembaižed lidnad oma Šilk 40 km päivlaskmha avtotedme vai 45 km raudtedme i Balei 44 km suvhe orhal vai 71 km avtol. Vižkilometrine raudtesarak ühtenzoitab lidnad Transsiban Priiskovai-stancijanke (ven.: Приисковая) suvhe lidnaspäi.

Pen' Makejevk-žilo (33 rist. vl 2017) mülüb lidnankundha Nerčinskan ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 14 959 ristitud, lidnankundan — 14 999 ristitud, rajonan viž ühesandest. Kaikiš suremb lidnan ristitišt oli läz 17 tuh. eläjid vll 1979−1992 (17 000 rist. vl 1992). Vl 2017 kaik 14 912 ristitud elihe lidnas i 14 945 ristitud kaikes lidnankundas.

Ortodoksižen hristanuskondan kafedraline Sündun Eläbzdusen päjumalanpert' om saudud vll 1814−1825.

Nerčinskan agrarine tehnikum om lidnan professionaližen opendusen aluzkundaks.

Edeline lidnan pämez' om Mihail Slesarenko (keväz'ku 2017 — sügüz'ku 2020, sid' radoi Nerčinskan rajonan pämehen).

Galerei

• Бутинский дворец.jpg

  Mihail Butin-torgovanan pert'kulu (2020)

• Воскресенский собор, Улица Погодаева, 85, Нерчинск, Нерчинский район, Забайкальский край.jpg

  Sündun Eläbzdusen päjumalanpert', vn 2020 nägu

• Торговые ряды. Площадь Борцов Революции, Нерчинск, Нерчинский район, Забайкальский край.jpg

  Istorižed torguindrived vl 2020

• Винная монополия, улица Ярославского, 34, Нерчинск, Нерчинский район, Забайкальский край.jpg

  Vinmonopolijan istorine sauvuz (2021)

• Здание городской думы. Улица Советская, 54, Нерчинск, Нерчинский район, Забайкальский край.jpg

  Lidnan Duman istorine sauvuz (2020)

Homaičendad

Irdkosketused

• Lidnan tobmuden aluzkundoiden oficialine sait (гпнерчинское.нерчинск.чита.рф). (ven.)