Petrovsk-Zabaikal'skii

Petrovsk-Zabaikal'skii
Petrovsk-Zabaikal'skii
	Герб
	51°17′00″ с. ш. 108°50′00″ в. д.GЯO
Valdkund	Venäma;
Istorii da geografii
Tegemižen päiv	1789
Pind	19;
Высота	800
Aigvö	YAKT[d], IRKT[d] da UTC+9:00[d]
Eläjad
Eläjad	▼15 015 чел. (2021);
Lugud
Telefonan kod	30236
Počtan indeksad	423364
	Официальный сайт
	Mediafailad RUWIKI-tedoiš

Petrovsk-Zabaikal'skii (ven.: Петро́вск-Забайка́льский) om Venäman lidn da lidnümbrik Baikalantagaižen randan suvipäivlaskmas. Se om Petrovsk-Zabaikal'skijan rajonan administrativižeks keskuseks, ei mülü rajonha.

Istorii

Eländpunktan aluz om pandud vl 1789 kuti Petran Tegim (ven.: Петровский Завод). Vl 1926 se sai lidnan statusad da oli udesnimitadud nügüdläižikš. Lidnan raudtestancii om olmas vspäi 1900, se om Transsiban pala i «Petran Tegim»-nimenke tähäsai.

Petrovsk-Zabaikal'skijan ižandusen päsarakod oma mecan ümbriradmine i sömtegimišt. Raudmetallurgijan i stöklan tegimed ei ole rados.

Geografijan andmused

Lidn seižub mägidenkeskeižes katl'uses, Baläg- da Mikirt-jogiden kaidoiš alangištoiš (Hilokan i Selengan oigedpol'ne bassein), 800 m ü.m.t. keskmäižel korktusel. Matkad Čithasai om 414 km päivnouzmha raudtedme vai 480 km «Baikal»-avtotedme (R258), Burätijan Tazovaldkundhasai — 15..20 km lodeheze. Lähembaine lidn om Ulan Ude 105 km lodeheze orhal vai 200 km avtotedme.

Klimat om vilu subarktižen röunal. Voden keskmäine lämuz om −2,8 C°, kezakun-elokun +13..+16 C°, tal'vkun-uhokun −21..−25 C°.

Petrovsk-Zabaikal'skii om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 18 549 ristitud. Kaikiš suremb ristitišt oli 28..30 tuhad eläjid vozil 1959−1992 (30 945 rist. vl 1979).

Ortodoksižen hristanuskondan Pühän Jumalanmaman Katken jumalanpert'^[3] om saudud vll 2004−2008.

Professionaližen opendusen aluzkundad: Čitan politehnižen kolledžan filial^[4] (edel 2016. vot professionaliž-pedagogine tehnikum) i Čitan medicinižen kolledžan filial^[5] (ende medicinine škol-tehnikum).

Edeline lidnan pämez' om Aleksandr Taranov (2009 — reduku 2018).

Transport

Maršruttaksid da taksid oma kundaližtransportaks lidnas. Ezilidnelektrojonused ühtenzoittas lidnad Ulan Udenke i Hilok-lidnanke.

Dekabristad-raudtestancii (ven.: Декабристы) om toine lidnas, sijadase kudes kilometras päraudtestancijaspäi Čitan polehe.

Galerei

Petrowsk-Sabaikalski.jpg

Raudmetallurgijan tegimen sauvusiden nägu vl 2016
Некрополь декабристов, кладбище, Петровск-Забайкальский, Забайкальский край.jpg

Dekabristoiden nekropol' kaumžomal (2014)
VL80R-serijan elektrovedim Petran Tegim-raudtestancijal vl 2009
Мемориальный портал в честь декабристов, железнодорожный вокзал, Петровск-Забайкальский, Забайкальский край.jpg

Memorialine portal dekabristoiden muštoks Petran Tegim-päraudtestancijal (2014)
Petran Tegim-raudtestancijan päsauvuz vl 2008

Homaičendad

Irdkosketused

Lidnümbrikon tobmuden aluzkundoiden oficialine sait (petzab.75.ru) Baikalantagaižen randan portalal. (ven.)

	Baikalantagaižen randan lidnad
	Balei \| Borz' \| Čit \| Hilok \| Krasnokamensk \| Mogoč \| Nerčinsk \| Petrovsk-Zabaikal'skii \| Sretensk \| Šilk

[_ce37a3c04d221a08-1] ¹ ² Федеральный закон от 30.12.2015 № 453-ФЗ (рус.) — 2015.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Petrovsk-Zabaikal'skijan pühäpertid sobory.ru-saital. (ven.)

[4] Petrovsk-Zabaikal'skii-lidnan filialan lehtpoled Čitan politehnižen kolledžan chptk.ru-saital. (ven.)

[5] Petrovsk-Zabaikal'skijan filialan lehtpoled Čitan medkolledžan chmk-chita.ru-saital. (ven.)

[1]

[2]

[3]

[4]

[5]