Šilk (lidn)

Šilk
Šilk
Флаг	Герб
	51°51′00″ с. ш. 116°02′00″ в. д.GЯO
Valdkund	Venäma;
Istorii da geografii
Tegemižen päiv	1897
Pind	43;
Высота	490
Aigvö	YAKT[d] da IRKT[d]
Eläjad
Eläjad	▼12 046 чел. (2021);
Lugud
Telefonan kod	30244
Počtan indeksad	673370
	Mediafailad RUWIKI-tedoiš

Sil sanal voib olda toižid znamoičendoid; miše nähta niid, tulgat tänna.

Šilk (ven.: Шилка [ˈʂɨlkə]) om Venäman lidn da lidnankund Baikalantagaižen randan keskuzpalas. Se om Šilkan rajonan administrativine keskuz.

Istorii

Eländpunktan aluz om pandud 18. voz'sadan ezmäižel polel kozakoiden vahtkundaks otmaha kävutamižhe jogen alangišton väghižid maid, nimitihe jogen mödhe. Ezmäižen kerdan lidn mainitase kirjutadud purtkiš vl 1765. Vspäi 1914 Transsiban stancii radab Šilkas. Se sai lidnan statusad vl 1951.

Šilk šingotase raudten edheotandoil.

Geografijan andmused

Lidn sijadase Šilk-jogen hural randpolel (Amuran bassein), 2 kilometras jogespäi, 490 m ü.m.t. keskmäižel korktusel. Matkad Čithasai om 174 km päivlaskmha orhal, 216 km avtotedme vai 248 km raudtel. Lähembaižed lidnad oma Nerčinsk 40 km päivnouzmha avtotedme vai 45 km raudtedme i Balei 52 km suvipäivnouzmha orhal vai 104 km avtotedme.

Mitrofanovo-žilo (ven.: село Митрофаново, 529 rist. vl 2017) mülüb lidnankundha Šilkan ližaks. Lidnankundan pind om 353,57 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 13 947 ristitud, lidnankundan — 14 539 ristitud, rajonan koumandez. Kaikiš suremb lidnan ristitišt oli 16..18 tuh. eläjid vll 1959−1996 (18 200 rist. vl 1992). Vl 2017 kaik 12 784 ristitud elihe lidnas i 13 313 ristitud kaikes lidnankundas.

Ortodoksižen hristanuskondan kaks' pühäpertid^[3] oma olmas lidnas: phh. Pedroi- da Pauloi-apostoloiden jumalanpert' (om saudud vl 1906) i Jumalanmaman «Kazvatuz»-jumalaižen jumalanpert' (saudihe vll 2008−2014).

Šilkan äiprofil'ne licei^[4] om professionaližen opendusen aluzkundaks.

Galerei

Muštnik sijaližile eläjile — sodoiden ühtnijoile (2020)
Церковь Святых Апостолов Петра и Павла в г. Шилка (Забайкальский край).jpg

Phh. Pedroi- da Pauloi-apostoloiden jumalanpert', vn 2016 nägu

Homaičendad

↑ ¹ ² Федеральный закон от 30.12.2015 № 453-ФЗ (рус.) — 2015.
↑ https://rosstat.gov.ru/storage/mediabank/tab-5_VPN-2020.xlsx
↑ Šilkan pühäpertid sobory.ru-saital. (ven.)
↑ Šilkan äiprofil'žen licein sait (pu-shilka.profiedu.ru). (ven.)

Irdkosketused

Lidnankundan tobmuden aluzkundoiden oficialine sait (шилкинское.рф). (ven.)

	Baikalantagaižen randan lidnad
	Balei \| Borz' \| Čit \| Hilok \| Krasnokamensk \| Mogoč \| Nerčinsk \| Petrovsk-Zabaikal'skii \| Sretensk \| Šilk

[_ce37a3c04d221a08-1] ¹ ² Федеральный закон от 30.12.2015 № 453-ФЗ (рус.) — 2015.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Šilkan pühäpertid sobory.ru-saital. (ven.)

[4] Šilkan äiprofil'žen licein sait (pu-shilka.profiedu.ru). (ven.)

[1]

[2]

[3]

[4]