Borz'

Borz'
Borz'
Флаг	Герб
	50°23′00″ с. ш. 116°32′00″ в. д.GЯO
Valdkund	Venäma;
Istorii da geografii
Tegemižen päiv	1899
Pind	184;
Высота	690
Aigvö	YAKT[d] da IRKT[d]
Eläjad
Eläjad	▲29 596 чел. (2021);
Lugud
Telefonan kod	30233
Počtan indeksad	674600
	Mediafailad RUWIKI-tedoiš

Borz' (ven.: Бо́рзя, burät.: Бооржо) om Venäman lidn, lidnankund da raudtesol'm Baikalantagaižen randan suves. Se om Borzin rajonan administrativine keskuz.

Istorii

Eländpunktan aluz om pandud severzihe-se žiloihe. 18. voz'sadal panihe Borz'-žilon alust keitandsolan pramozlanno, nimitihe jogen mödhe. Vl 1899 saudihe Borz'-raudtestancijad raudtel Kitaihesai i vl 1900 avaitihe Suvorovskii-žilod holitamha stancijad. Aigan mändes ühtištuihe žiloid. Vl 1924 Borz'-žilo kändihe makundan keskuseks, vl 1950 sai lidnan statusad.

Vedimdepo i vagondepo ratas lidnas. Borz' om maižanduzrajonan keskuseks kazvatamha villäd.

Geografijan andmused

Lidn sijadase solakahiden järvidenno, Borz'-jogen hural randal (ven.: Борзя, Amuran bassein), 690 m ü.m.t. keskmäižel korktusel. Matkad Mongolijan röunhasai om 50 km suvhe orhal, Čithasai — 370 km lodeheze avtotedme vai raudtedme. Lähembaižed lidnad oma Krasnokamensk 112 km päivnouzmha orhal vai 155 km avtol i Man'čžurii (Kitai, kit.: 满洲里 Mǎnžōulǐ) 110 km suvipäivnouzmha orhal vai 123 km avtotedme. Raudten toine sarak Čoibalsanhasai ühtenzoitab Mongolijanke.

Klimat om terav kontinentaline päivoikaz. Voden keskmäine lämuz — −2,4..−1,4 C° vilun tal'ven tagut, kezakun-elokun +17..+20 C°, tal'vkun-uhokun −23..−27 C°. Ekstremumad oma −50 C° i +41,3 C°. Paneb sadegid 295..403 mm vodes, kezal tobjimalaz (60..90 mm kuidme kezakus-elokus), i vaiše 31..37 mm redukus-sulakus.

Zun-Torei-raudtestancii (109 rist. vl 2017) mülüb lidnankundha Borzin ližaks.

Eläjad

Vn 2010 Venäman rahvahanlugemižen mödhe lidnan eläjiden lugu oli 31 379 ristitud, lidnankundan — 31 496 ristitud, rajonan koume videndest. Kaikiš suremb lidnan ristitišt oli 36 700 eläjad vl 1992.

Ortodoksižen hristanuskondan ph. Sergii Radonežalaižen jumalanpert'^[3] om olmas lidnas vspäi 2014 (saudihe enamba kümned vot).

Professionaližen opendusen aluzkundad oma medicinine škol (tehnikum)^[4] i Krasnokamenskan tegimištoliž-tehnologižen tehnikuman filial.

Edeližed lidnan pämehed:

Nikolai Jakovlev (sügüz'ku 2016 — heinku 2019);
Sergei Rusinov (kül'mku 2019 — kezaku 2021, sid' Borzin rajonan pämez').

Galerei

Sodamemorial (2017)
Ph. Sergii Radonežalaižen jumalanpert', vn 2017 nägu
Borz'-päraudtestancijan sauvuz vl 2008

Homaičendad

↑ ¹ ² Федеральный закон от 30.12.2015 № 453-ФЗ (рус.) — 2015.
↑ https://rosstat.gov.ru/storage/mediabank/tab-5_VPN-2020.xlsx
↑ Borzin pühäpertid sobory.ru-saital. (ven.)
↑ Borzin medicinižen školan (tehnikuman) sait (bmuborzya.edusite.ru). (ven.)

Irdkosketused

Lidnankundan tobmuden aluzkundoiden oficialine sait (борзя-адм.рф). (ven.)

	Baikalantagaižen randan lidnad
	Balei \| Borz' \| Čit \| Hilok \| Krasnokamensk \| Mogoč \| Nerčinsk \| Petrovsk-Zabaikal'skii \| Sretensk \| Šilk

[_ce37a3c04d221a08-1] ¹ ² Федеральный закон от 30.12.2015 № 453-ФЗ (рус.) — 2015.

[_15bd2465f028e4c3-2] ttps://rosstat.gov.ru/storage/mediabank/tab-5_VPN-2020.xlsx

[3] Borzin pühäpertid sobory.ru-saital. (ven.)

[4] Borzin medicinižen školan (tehnikuman) sait (bmuborzya.edusite.ru). (ven.)

[1]

[2]

[3]

[4]