Čoibalsan (lidn)
| Čoibalsan | |
|---|---|
| mong.: Чойбалсан mong.: ᠴᠣᠶᠢᠪᠠᠯᠰᠠᠩ | |
 | |
| 48°04′14″ с. ш. 114°31′22″ в. д.GЯO | |
| Valdkund | |
| Istorii da geografii | |
| Pind |
|
| Высота | 747 ± 1 |
| Aigvö | UTC+8:00[d] |
| Eläjad | |
| Eläjad |
|
|
|
|
| Официальный сайт | |
Čoibalsan (mong.: Чойбалсан) om lidn Mongolijan päivnouzmas. Se om valdkundan nellänz' lidn eläjiden lugun mödhe, Päivnouzmaižen agjan (mong. Дорнод аймаг) administrativine keskuz.
Istorii
Eländpunkt oli karavanseižuteseks amussai. Kändihe lidnaks 19. voz'sadal. Vhesai 1921 sen nimi oli San-Beise, vll 1921−1941 — Bajan-Tumen. Om nimitadud Mongolijan Horlogiin Čoibalsan-lideran (1895−1952) kanzannimen mödhe vl 1941.
Čoibalsan šingotase sömtegimištol (jauh, lihan ümbriradmine) i sauvondmaterialiden tehmižel, polietilenan ümbriradmižen tegim. Kaivuztegimišt radab ümbrištos: buran hilen i špatan samine. Čoibalsanan LEK varatoitab lämudel i elektrusel vspäi 1982.
Geografijan andmused
Lidn sijadase agjan keskuzpalas, Kerulen-jogen randal (mong.: Хэрлэн гол, Amuran bassein), 747 m ü.m.t. keskmäižel korktusel. Matkad Ulanbatar-pälidnhasai om 566 km päivlaskmha orhal vai 663 km avtoteidme.
Klimat om terav kontinentaline kuiv. Voden keskmäine lämuz om +0,7 C°, kezakun-elokun +18..+20 C°, tal'vkun-uhokun −17..−20 C°. Ekstremumad oma −41 C° i +41 C°. Paneb sadegid 207 mm vodes, enamba kezakus-elokus (39..57 mm kus), kuiv sezon oleskeleb kül'mkus-keväz'kus (1..3 mm kus).
Eläjad
Vl 2010 eläjiden lugu oli 38 537 ristitud, agjan läz pol't. Kaikiš suremb ristitišt om nügüd'.