Mekkelev Jevgenii Iljič

Jevgenii Iljič Mekkelev
Sündundpäiv	24. tal'vkud 1916(1916-12-24)
Sündundsija	Padani[d], Poveneckii ujezd[d], Oloncan gubernii[d], Venäman imperii[d]
Kolendpäiv	16. elokud 1977(1977-08-16) (60 лет)
Kolendsija	Petroskoi, RSFSR[d], Sovetskii Sojuz
Rahvahuz'	Venäman imperii  SSSR
Rad	Raudteradnik
Pauklahjad da premijad

Mekkelev Jevgenii Iljič (ven.: Евге́ний Ильи́ч Ме́ккелев, 24. tal'vkud 1916, Padani^[d], Poveneckii ujezd^[d], Oloncan gubernii^[d], Venäman imperii^[d] — 16. elokud 1977, Petroskoi) — sovetskii raudteradnik, Socialistižen radon Geroi (1943).

Elostarin

Jevgenii Iljič Mekkelev sündui 24. tal'vkud vodel 1916 Padani-küläs (nügüd' Karjalan Medvežjegorskan rajon) maradnikan kanzas. Oli karjalaine. Lopi seičemevoččen školan.

Vodel 1936, konz lopi Petroskoin raudten radmahttehnikuman, radoi raudten holitajan Kirovan raudten Ursozero- i Masel'gskaja-raudten stancijoil.

Vodel 1937 J. I. Mekkelevad ottihe Rusttaha armijaha, ühtni Halkin Golan vointoraha. Oli 432. azegvägen ohjandajan abunikan. Toran aigan oli ranitud.

Sovetskijan-suomaližen voinan aigan (1939—1940) oli 118. suks'joukun pämehen abunikan, möst oli ranitud. Gospitalin jäl'ghe oli dimobilizoittud. Möst radoi Masel'gskaja-stancijan pojezdan holitajan.

Konz zavodihe Sur' Kodiman voin, hän ühtni tarkištelendmatkoihe vihanikoiden tilha. Karjalan frontan nevondišt nevoi pauklahjoita J. I. Mekkelevad "Voinarvtegoiš"-medalil .

Voden 1943 augotišes händast pandihe Karjalan frontan voinkävutandan erišton (№ 2) vanhemban holitajan radsijale. Kül'mkus vodel 1943 J. I. Mekkelevale anttihe Socialistižen radon Gerojan arvnimi "sures panendas kaluiden ehtatuzazajaha frontan da rahvahan elomišton täht".

Voinan jäl'ghe, vodel 1945 J. I. Mekkelev tegihe Kirovan raudten Medvežjegorskan erišton aigsijaližeks pämeheks.

Vodel 1948 hän lopi Leningradan raudteajamiden inženeroiden institutan, opendusen jäl'ghe radoi Okt'abr'skajan raudten Petroskoin erišton inženeran da ohjandajan, oli pauklahjoitud Radon Rusttan flagan ordenal.

Koli J. I. Mekkelev 16. elokud vodel 1977. Om pandud maha Petroskoin Sulažgoran kaumištol.

Homaičendad

Literatur

• Н. М. Шукшин. Незабываемое: Воспоминания о Великой отечественной войне. — Петрозаводск, 1974.;
• Е. И. Меккелев [Некролог] // Ленинская правда. — 1977. — 18 августа.;
• Герои стальных магистралей. — Москва, 2004.

Lähtked

• Меккелев Евгений Ильич  (рус.). Интернет-проект "Герои страны". Дата обращения: 10 elokud 2025.
• Могила Героя Социалистического Труда Е. И. Меккелева  (рус.). Дата обращения: 10 elokud 2025.