Mednogorsk

Mednogorsk
Флаг[d] Герб
51°25′20″ с. ш. 57°35′43″ в. д.
Valdkund	Venäma
Istorii da geografii
Tegemižen päiv	1933
Pind	91,33
Высота	350
Aigvö	UTC+5:00[d]
Eläjad
Eläjad	▼23 693 чел. (2021)
Lugud
Telefonan kod	35379
Počtan indeksad	462274
Mediafailad RUWIKI-tedoiš

Mednogorsk (ven.: Медногорск, mugažo baškiran kelel) om Venäman lidn da lidnümbrik Orenburgan agjan keskuzpalan päivnouzmas.

Istorii

Eländpunktan aluz om pandud vl 1933 kuti vas'kižrikkombinat. Vl 1939 ühtištuihe Mednii-raudtesarakon radnikžiloid da anttihe lidnan statusad nügüdläiženke nimenke. Suren voinan aigan evakuiruihe Tulan azegtegimen palad neche lidnha. Tehtihe tuikutimid i lendimiden pul'kančudimid, sodan jäl'ghe — elektromašiništod laivoiden täht. Vl 1971 sijaline löudmižsija lopihe, i vas'kkombinat radaškanzi todud torhudel.

Geografijan andmused

Lidn sijadase Bläv-jogen randal (ven.: Блява, Ural-jogen oigedpol'ne bassein), Uralmägiden suvipäivlaskmaižil pautkil, 238..478 m korktusil. Matkad Orenburghasai om 233 km päivlaskmha, Orskhasai — 51 km päivnouzmha. Lähembaine lidn om Kuvandik 20 km päivlaskmha avtotel.

Mednogorsk jagase 11 istorižikš sündnudeks lidnanlaptaks. Blävtamak-žilo (946 rist. vl 2010), Bläv-stancii (18 rist. vl 2010) i nell' küläd mülüdas lidnümbrikho Mednogorskan ližaks. Lidnümbrikon pind om 353,63 nellikkilometrad.

Eläjad

Vn 2010 Venäman rahvahanlugemižen mödhe lidnan eläjiden lugu oli 27 292 ristitud, lidnümbrikon — 29 120 ristitud. Kaikiš suremb lidnan ristitišt oli 39 tuhad eläjid vl 1967.

Rahvahad (vl 2010, enamba 1%, ozutadud rahvahudenke): venälaižed — 82,0%, baškiralaižed — 8,7%, totarlaižed — 4,1%, ukrainalaižed — 2,2%, toižed rahvahad — 3,0%.

Edeline lidnümbrikon pämez' om Dmitrii Sadovenko (kezaku 2013 — sügüz'ku 2019).

Ižanduz

Ižandusen päsarakod oma vas'kmetallurgii (Mednogorskan vas'kižrikkombinat), elektromašiništon pästand («Uralelektro»-tegim), sauvondmaterialiden tehmine (savič, šebin'), sömtegimišt.

Professionaližen keskopendusen aluzkundad: Mednogorskan industrialine kolledž, Orskan medicinižen kolledžan Mednogorskan filial.

Avtobusad da maršruttaksid oma kundaližeks transportaks. Raudtestancii om «Orenburg — Orsk»-jonol lidnan suves.

Galerei

• Mednogorsk, Orenburg Oblast, Russia - panoramio (14).jpg

  Lidnan irdan nägu vl 2014

• Mednogorsk, Orenburg Oblast, Russia - panoramio (17).jpg

  Lidnan irdan nägu vl 2014

• Mednogorsk, Orenburg Oblast, Russia - panoramio (4).jpg

  «Metallurg»-kul'turkeskuz om kuvan keskuzpalas (2015)

Homaičendad

Irdkosketused

• Lidnan administracijan oficialine sait (gorodmednogorsk.ru). (ven.)
• Lidnümbrikon tobmuden aluzkundoiden oficialine sait (mo-mednogorsk.orb.ru). (ven.)