Gai (lidn)

	Gai
	Герб
	51°28′00″ с. ш. 58°27′00″ в. д.GЯO
Valdkund	Venäma;
Istorii da geografii
Tegemižen päiv	1959
Pind	62,14;
Высота	380
Aigvö	UTC+5:00[d]
Ekonomik
Eläjad
Eläjad	▼33 280 чел. (2021);
Lugud
Telefonan kod	35362
Počtan indeksad	462630–462635
-
	lugeda • diskussii • redaktiruida

Gai (ven.: Гай, «puišt» vaugedvenän kelespäi) om Venäman lidn Orenburgan agjan päivnouzmas. Se om Gain lidnümbrikon (edel 2016. vot — rajonan) administrativine keskuz.

Istorii

Eländpunktan aluz om pandud vn 1959 9. päiväl semendkud samha vas'kkivendod. Kätihe lidnanvuiččeks žiloks vl 1965. Sai lidnan statusad vl 1979.

Gai šingotase küllästamižkombinatal^[2] i mujumetalloiden ümbriradmižen tegimel, mugažo pästtas kaivuzpäzutandmašiništod i lindferm om olmas.

Geografijan andmused

Lidn sijadase Suviuralan pautkil, 380 m ü.m.t. keskmäižel korktusel. Matkad Orenburghasai om 245 km päivlaskmha orhal. Lähembaižed lidnad oma Orsk 30 km suvhe raudtedme i Novotroick 30 km suvhe orhal.

Kaik 34 eländpunktad mülüdas lidnümbrikho Gain ližaks. Lidnümbrikon pind — 2 923,55 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 38 301 ristitud, lidnümbrikon nell' videndest. Kaikiš suremb lidnan ristitišt oli 44 800 eläjad vl 1996.

Ortodoksižen hristanuskondan ph. Johann Kronštadtlaižen päjumalanpert' (om saudud vll 2008−2014) i phh. Pedr- da Pauloi-apostoloiden jumalanpert' (letihe vll 1993−1998) oma väges^[3], islaman pühäpert' om sauvomas vspäi 2012.

Rahvahad (enamba 1% vl 2010, ozutadud rahvahudenke): baškirаlaižed — 4,7%, ukrainalaižed — 4,1%, totarlaižed — 3,9%, kazahlaižed — 1,9%, toižed rahvahad — 3,6%.

Orskan indistrialižen i medicinižen^[4] kolledžiden filialad oma professionaližen opendusen aluzkundoikš.

Galerei

Updated city Boulevard.jpg

Lidnan udištadud bul'var (2012)
Tegimištol'ne lavut kaivuden ülähäs vl 2014
Gain küllästamižkombinatan päfater vl 2016
Rudopodgotovitel'nyj complex.jpg

Kivendon vaumičemižkompleks vl 2010
(Gain küllästamižkombinat)
Palace of culture of miners.jpg

Kaivajiden kul'turkeskuz (2004)

Homaičendad

Irdkosketused

«Gai»-lidnümbrikon tobmuden aluzkundoiden oficialine sait (gy.orb.ru). (ven.)

Gai (lidn) Vikiaitas

	Orenburgan agjan lidnad
	Abdulino \| Buguruslan \| Buzuluk \| Gai \| Jasnii \| Kuvandik \| Mednogorsk \| Novotroick \| Orenburg \| Orsk \| Sol'-Ileck \| Soročinsk

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Gain küllästamižkombinatan sait (ggok.ru). (ven.) (angl.)

[3] Gain pühäpertid sobory.ru-saital. (ven.)

[4] Orskan medicinižen kolledžan Gain filialan sait (gai.ormk56.ru).

[1]

[2]

[3]

[4]