Novotroick

Novotroick
Флаг[d] Герб
51°12′03″ с. ш. 58°17′54″ в. д.
Valdkund	Venäma
Istorii da geografii
Tegemižen päiv	1920
Pind	305
Высота	210
Aigvö	UTC+5:00[d]
Eläjad
Eläjad	▼75 960 чел. (2021)
Lugud
Telefonan kod	3537
Počtan indeksad	462361, 462421, 462360, 462359, 462356, 462351, 462354 da 462363
Официальный сайт
Mediafailad RUWIKI-tedoiš

Fail:ЛДПР в Новотроицке в 2007 г..jpg

Lidnan valičemižümbrikod vl 2007

Novotroick (ven.: Новотроицк) om Venäman lidn da lidnümbrik Orenburgan agjan suvipäivnouzmas.

Istorii

Eländpunktan aluz om pandud vl 1920 kuti futoriden ühtenzoituz. Saudihe raudan metallurgijan kombinatad sijaližel torhudel vozil 1931−1955 (vspäi 1992 «Uralan Teraz»-edheotand). Vl 1945 ühtištuihe Novo-Troick-žilod lähiženke Akkermanovk-žilonke (ven.: Аккермановка) da anttihe lidnan statusad. Novotroickan toižed edheotandad oma hromühtnendoiden tegim i sauvondmaterialiden kompanijad (cement, raudbeton, šebin', pilindmaterialad).

Geografijan andmused

Lidn sijadase Uralanjogen oiktal randal, 200 m ü.m.t. keskmäižel korktusel. Röunatab Kazahstananke, matkad Orenburghasai om 276 km päivlaskmha, Orskan röunhasai — 4 km päivnouzmha.

Novotroick jagase kahteks rajonhaks (Päivlaskmaine i Keskuzrajon), sen ližaks om severz'-se lidnanlaptid. Seičeme žilod, raudtesarak i Guberl'-raudtestancii mülüdas lidnümbrikho. Lidnümbrikon pind — 352,34 km².

Eläjad da transport

Vn 2010 Venäman rahvahanlugemižen mödhe lidnan eläjiden lugu oli 98 173 ristitud, lidnümbrikon — 105 367 ristitud. Kaikiš suremb ristitišt oli 109..111 tuhad eläjid vozil 1994−2001 (111 tuh. rist. vl 1996). Vl 2017 kaik 95 139 ristitud elihe lidnümbrikos.

Ortodoksižen hristanuskondan kuz' jumalanpertid oma olmas lidnas: phh. Pedroin i Pauloin päjumalanpert' (om saudud vll 1994−2000), nell' jumalanpertid i časoun'. Islaman pühäpert' om avaitud.

Edeline lidnümbrikon pämez' om Jurii Araskin (reduku 2015 — kül'mku 2017).

Tramvaid, avtobusad i maršrutkid oma kundaližeks transportaks lidnas, ezilidnelektrojonused ühtenzoittas lähižidenke lidnoidenke. Raudtestancii sijadase «Orenburg — Orsk»-jonol.

Galerei

• Metallurgists Palace of Culture in Novotroitsk.jpg

  Metallurgoiden kul'turkeskuz (2020)

• St Peter and Paul's church in Novotroitsk.jpg

  Phh. Pedroin i Pauloin päjumalanpert', vn 2021 nägu

• Civil engineering college building in Novotroitsk.jpg

  Novotroickan sauvondtehnikum (2020)

• Russia Novotroitsk Pobeda Ice palace.jpg

  «Pobeda»-jäpert'kulu (2017, Vägestuz)

• 

  Novotroick-päraudtestancijan sauvuz vl 2017

Homaičendad

Irdkosketused

• Lidnan tobmuden aluzkundoiden oficialine sait (novotroitsk.orb.ru). (ven.)