Maiskii (Kabardinii da Balkarii)

	Maiskii
	kab. da čerk.: Майскэ
Флаг	Герб
	43°38′00″ с. ш. 44°04′00″ в. д.GЯO
Valdkund	Venäma;
Istorii da geografii
Tegemižen päiv	1824
Высота	217
Aigvö	UTC+3:00[d]
Ekonomik
Eläjad
Eläjad	▼26 632 чел. (2021);
Lugud
Telefonan kod	86633
Počtan indeksad	361110–361115
-
	Официальный сайт
	lugeda • diskussii • redaktiruida

Maiskii (kab. da čerk.: Майскэ, kar. da balk.: Майски, Kabardinijan da Balkarijan Tazovaldkundan päivnouzmas. Se om Maiskijan rajonan administrativine keskuz.

Istorii

Eländpunktan aluz om pandud vl 1824 kuti varmitez, vspäi 1829 — Prišibskai-stanic (ven.: станица Пришибская). Vl 1925 ühtištoitihe sidä lähiženke Kotlärevskii-raudtežilonke da udesnimitihe nügüdläižikš. Vl 1965 žilo sai lidnan statusad.

Maiskii-lidn šingotase röntgenladimiden «Sevkavrentgen-D»-tegimel^[2], raudbetontegimel, likörvodkantegimel i oludtegimel. Ende elektronižen mašinansauvomižen tegim i kalankazvatusen tegim radoiba mugažo.

Geografijan andmused

Lidn sijadase Čerek- da Terek-jogiden keskes, kus ned jokstas kaikiš lähemba toine toiženke edel ühthejoksmust, 217 m ü.m.t. keskmäižel korktusel. Matkad Nal'čikhasai om 45 km suvipäivlaskmha. Lähembaižed lidnad oma Prohladnii 15 km pohjoižhe, Terek 25 km suvhe i Nartkal 25 km suvipäivlaskmha. Kotlärevskai-raudtestancii radab «Murtazovo — Prohladnai»-keskustal vspäi 1875, sišpäi raudtesarak 40 km pitte lähteb Nal'čikannoks.

Nell' žilod da Baksan-tesar mülüdas lidnankundha Maiskijan ližaks. Lidnankundan pind — 138,3 km².

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 26 755 ristitud, lidnankundan — 27 416 ristitud, rajonan seičeme kümnendest. Kaikiš suremb lidnan ristitišt om 26..27 tuhad eläjid vspäi 2002 (27 301 rist. vl 2009). Vl 2017 kaik 27 055 ristitud elihe lidnas i 27 738 ristitud kaikes lidnankundas.

Rahvahad (enamba 0,7% vl 2010, ozutadud rahvahudenke): turkad — 11,4%, kabardalaižed — 5,6%, korejalaižed — 3,3%, čiganalaižed — 2,9%, osetinalaižed — 0,9%, balkarijalaižed — 0,7%, toižed rahvahad — 4,0%.

Ortodoksižen hristanuskondan ph. Mikoi-arhangelan jumalanpert'^[3] om avaitud lidnas, letihe pühäpertid vll 1907−1909. Islaman uz' pühäpert' om avaitud vl 2018.

Kabardinijan da Balkarijan agrotegimištol'žen kolledžan (Vanh Čerek-žilo) Maiskijan filial^[4] andab professionališt keskopendust lidnas.

Galerei

Ph. Mikoi-arhangelan jumalanpert', vn 2014 nägu
The sport complex for physical culture and recreation in Mayskiy.jpg

Fizkul'turine «Maiskii»-tervehtamižkompleks (2013)
Mayskiy autostation.jpg

Avtobusstancii vl 2014
Kotlärevskai-raudtestancijan sauvuz vl 2008

Homaičendad

Irdkosketused

Lidnankundan oficialižed lehtpoled Maiskijan rajonan tobmuden mayskiy.kbr.ru-saital. (ven.)

Maiskii (Kabardinii da Balkarii) Vikiaitas

	Kabardinijan da Balkarijan Tazovaldkundan lidnad
	Baksan \| Čegem \| Maiskii \| Nal'čik \| Nartkal \| Prohladnii \| Terek \| Tirniauz

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] Röntgenladimiden «Sevkavrentgen-D»-tegimen sait (skrz.ru). (ven.)

[3] Maiskii-lidnan pühäpertid sobory.ru-saital. (ven.)

[4] Kabardinijan da Balkarijan agrotegimištol'ne kolledž, Maiskijan filialan sait (mr-kbapk.ucoz.ru). (ven.)

[1]

[2]

[3]

[4]