Čegem
| Čegem | |
| kab. da čerk.: Шэджэм | |
 | |
| Valdkund | |
|---|---|
| Istorii da geografii | |
| Tegemižen päiv |
1822 |
| Pind |
|
| Высота |
493 |
| Aigvö | |
| Ekonomik | |
| Eläjad | |
| Eläjad |
|
| Lugud | |
| Počtan indeksad |
361400–361403 |
| - | |
|
| |
| lugeda • diskussii • redaktiruida | |
Čegem (kar. da balk.: Чегем, kab. da čerk.: Шэджэм) om Kabardinijan da Balkarijan Tazovaldkundan keskuses, Čegeman rajonan administrativine keskuz da üks'jäine lidn.
Istorii
Eländpunktan aluz om pandud vl 1822 kuti Kundetovo-külä (kab. da čerk.: Къундетей) elänzoitmaha tahod alištunuzil Venäman tobmudele sijaližil heimoil. Vl 1920 udesnimitihe žilod Ezmäižeks Čegemaks (ven.: Чегем Первый) toižiden eländpunktoiden kartte ruhtinasiden da bajarišton kanzannimidenke. Vl 2000 žilo sai lidnan statusad nügüdläiženke nimenke.
Čegem šingotase stökoltegimel (butulkad, om rekonstruiruidud vodele 2022), gofrokartonpakuitesen pästandal[3], nahktegimel, sömtegimišton edheotandoil (maidtegim). Kazmuzhonusiden i fruktsaduiden pind ližadub, kalankazvatusen edheotand radab.
Geografijan andmused
Lidn sijadase Čegem-jogen oiktal randal (Terekan bassein), 493 m keskmäižel korktusel valdmeren pindan päl, korktused vajehtadas 150 m röunoiš. Matkad Nal'čikan röunhasai om koume kilometrad suvhe.
Čegem om lidnankundan üks'jäine eländpunkt. Lidnankundan pind om 73 km², sidä kesken lidnfartalad ottas koumandest, toine om ezilidan territorii.
Eläjad
Vn 2010 kaiken Venäman rahvahanlugemižen mödhe eläjiden lugu oli 18 019 ristitud, rajonan nelländez. Vl 2018 kaik 18 156 ristitud elihe lidnas. Kaikiš suremb ristitišt oli 18 300 eläjad vll 2006−2009 i om nügüd'.
Rahvahad (enamba 1% vl 2010, ozutadud rahvahudenke): kabardalaižed — 78,6%, balkarijalaižed — 15,9%, venälaižed — 2,7%, toižed rahvahad — 2,8%.
Koume islaman pühäpertid om olmas lidnas: üläpalas, keskmäižes palas (Abu Hanifan nimed) i alapalas.
Kabardinijan da Balkarijan «Stroitel'»-kolledžan (Nal'čik) filial om avaitud lidnas.
Edeline lidnankundan pämez' (sijaližen administracijan pämez') om Leonid Makoev (uhoku 2016 — kül'mku 2021).
Galerei
- Вид сверху на зелёное озеро на закате.jpg
Järv vihandan mujun kel'dtahos päiväižen laskman aigan (2021)
- Мечеть в горном посёлке.jpg
Mečet' El-Tübü-mägižilos, vn 2021 nägu
- Парапланерист летит среди гор 03.jpg
Paraplaneranlendajad mägiden keskes vl 2021
- Зороастрийский некрополь в горах.jpg
Zoroastrine nekropol' Čegeman alangištos (2021)
Lidnan irdan nägu vl 2019
Homaičendad
Irdkosketused
 |
Čegem Vikiaitas |
| Kabardinijan da Balkarijan Tazovaldkundan lidnad | ||
| Baksan | Čegem | Maiskii | Nal'čik | Nartkal | Prohladnii | Terek | Tirniauz | ||